Belarus history

2022-07-08 14:09:28 8 ліпеня 1993 году ў Менску пачаўся Першы зьезд беларусаў сьвету, які сабраў каля тысячы дэлегатаў зь дзясяткаў краінаў. Адкрыць / каментаваць

2022-07-08 11:17:35 8 ліпеня 1861 году нарадзілася Марыя Магдалена Радзівіл (ад нараджэньня Завіша), мэцэнатка, дзяячка нацыянальна-вызвольнага руху пачатку ХХ стагодзьдзя

Фінансавала выдавецтва «Загляне сонца і ў наша аконца», Беларускае выдавецкае таварыства, газэту «Беларус», таварыствы цьвярозасьці, шпіталі, сельскія крамы і інш. Адкрыла беларускія школы ў сваіх ўладаньнях у Кухцічах, Узьдзе, Каменцы.

Асаблівую ўвагу надавала праблеме падрыхтоўкі нацыянальна-сьвядомай беларускай інтэлігенцыі. Яе маёнтак у Кухцічах наведвалі Вацлаў Іваноўскі, Iван і Антон Луцкевічы, Раман Скірмунт, Аляксандар Уласаў і іншыя дзеячы беларускага нацыянальна-культурнага руху. Надавала матэрыяльную падтрымку ў выданьні першых кнігаў Максіма Багдановіча, К. Буйло й інш.; у знак удзячнасьці ёй Вацлаў Іваноўскі й Іван Луцкевіч зьмясцілі герб Завішаў «Лебедзь» на тытульным аркушы зборніка вершаў М. Багдановіча «Вянок».
Шырока ангажавалася ў беларускае рэлігійнае жыцьцё. Прыхільніца ідэі адраджэньня ў Беларусі вуніяцкай царквы. Адкрыць / каментаваць

2022-07-06 10:47:28 6 ліпеня 1253 года ў Наваградку князь Міндоўг быў каранаваны на караля Вялікага княства Літоўскага.

Ад гэтай даты адлічваецца гісторыя ВКЛ, а само княства хутка стане найбуйнейшай дзяржавай Еўропы.

“Каранацыя Міндоўга”, гравюра 1824 года. Адкрыць / каментаваць

2022-07-05 15:06:52 Чырвоны касцёл на дарэвалюцыйных здымках. Адкрыць / каментаваць

2022-07-05 13:00:48 Дарэчы, звярнулі вы ўвагу на невялікі дом на плошчы Незалежнасці амаль у цэнтры фотаздымкаў з папярэдняга паста?

Гэта даходны дом Ядвігі Кастравіцкай.

Ядвіга Кастравіцкая гэта родная сястра Эдварда Вайніловіча, ініцыятара і спонсара будаўніцтва Чырвонага касцёлу. Ядвіга трымала па Менску некалькі даходных дамоў, а са сваіх прыбыткаў яна таксама моцна фінансава ўкладалася ў будаўніцтва Чырвонага касцёлу разам з братам.

Даходны дом Ядвігі Кастравіцкай на плошчы Незалежнасці знеслі ў 1964 годзе, каб не загарожваў помнік Леніну. Адкрыць / каментаваць

2022-07-05 11:02:40 Менская плошча Леніна да разбурэньня рэштак старой забудовы Адкрыць / каментаваць

2022-07-04 13:01:25 Працэс ткацтва на беларускіх кроснах. Адкрыць / каментаваць

2022-07-03 21:24:14 Серыя карцін «Стары Мінск. Успаміны дзяцінства» Леаніда Шварцамана, стваральніка Чабурашкі. Адкрыць / каментаваць

2022-07-03 18:56:01 3 ліпеня 1660 году войскі Рэчы Паспалітай вызвалілі ад маскоўскага войска места Менск і тэрыторыю да ракі Беразіны.

А 5 гадоў таму (03.07.1655) маскоўскія войскі ўзялі Менск падчас вайны 1654–1667 гг. Места было спустошана. Адкрыць / каментаваць

2022-07-02 21:54:21 Памёр стваральнік Чабурашкі Леанід Шварцман. Яму быў 101 год

Леанід Шварцман нарадзіўся 30 жніўня 1920 года ў Мінску на вуліцы Ракаўскай, у сям'і размаўлялі на ідыш. Скончыў мастацкую школу ў Мінску.

Пасля вайны паступіў у ВГІК, працаваў на студыі «Саюзмультфільм». Многія мультфільмы, створаныя пры яго ўдзеле, сталі класічнымі. Сярод іх — «Снежная каралева», «Залатая Антылопа», «Кракадзіл Гена», «Кацяня па імеі Гаў», «38 папугаяў», «Пунсовая кветка».

Менавіта Леанід Шварцман стварыў вобраз Чабурашкі і іншых герояў мульціка, а таксама прамаляваў экстэр'еры ў ім.

Калі прыгледзецца, то дамкі ў «Кракадзіле Гене» нагадаюць Нямігу, Верхні горад і Ракаўскае прадмесце. Адкрыць / каментаваць