Belarus history

2022-07-31 20:00:09 31 ліпеня 1649 году пад Лоевам адбылася самая буйная бітва казацкай вайны часоў паўстаньня Багдана Хмяльніцкага. Урадавыя войскі Вялікага Княства Літоўскага разьбілі 25-тысячнае казацкае войска на чале зь Міхаілам Крычэўскім. Адкрыць / каментаваць

2022-07-31 14:59:04 30 гадоў таму, уначы з 30 на 31 ліпеня АМАП МУС СССР напаў на летувіскі мытны пункт у Медніках (лет. Medininkai) на мяжы зь Беларусьсю.

Невядомыя ў камуфляжы без апазнавальных знакаў расстралялі 2 супрацоўнікаў дарожнае паліцыі, 4 мытнікаў і 2 байцоў атраду хуткага рэагаваньня Дэпартамэнту паліцыі Летувіскае Рэспублікі Aras.

Адзін зь іх, 28-гадовы Томас Шэрнас атрымаў цяжэйшае раненьне (у галаву) неймаверным чынам выжыў. Дзякуючы яго паказаньням былі адноўленыя дэталі падзеяў той ночы.

Адзін з нападнікаў адбывае ў Летуве пажыцьцёвы тэрмін, яшчэ 3 нападнікі зьбеглі ў Расею, у Летуве ім таксама завочна прысудзілі пажыцьцёвае. Адкрыць / каментаваць

2022-07-30 22:00:04 30 чэрвеня 2020 года ў Менску прайшоў перадвыбарны мітінг Святланы Ціханоўскай, які сабраў каля 60 тысяч чалавек. Адкрыць / каментаваць

2022-07-29 12:07:00 29 ліпеня 1939 году Вярхоўны Савет БССР прыняў рашэньне перайменаваць места Менск у Мінск. Адкрыць / каментаваць

2022-07-28 13:49:48 Сёння спаўняецца 210 год са дня нараджэння лаўрэата Кнігі рэкордаў Гінеса “чэмпіён гусінага пяра” беларуска-польскага пісьменніка Юзафа Крашэўскага (28 ліпеня 1812 — 1889 гг.)

Ён аўтар найбольшай колькасці выдадзеных кніг у гісторыі сусветнай літаратуры: яго літаратурная спадчына складае каля 600 тамоў раманаў і аповесцяў, паэтычных і драматычных твораў, а таксама прац па гісторыі, этнаграфіі, фалькларыстыцы, падарожных замалёвак, публіцыстычных і літаратурна-крытычных артыкулаў. Адкрыць / каментаваць

2022-07-27 13:16:19 27 ліпеня 1990 года Вярхоўны Савет БССР прыняў Дэеларацыю аб дзяржаўным суверэнітэце.

Заметка ў дзяржаўнай БЕЛТА аб гэтай падзеі пачыналася так: “Свершилось!”

Дэкларацыя абвясціла поўную незалежнасць БССР як верхавенства, самастойнасць і ўсю поўню дзяржаўнай улады рэспублікі ў межах яе тэрыторыі, правамоцнасць яе законаў і незалежнасць ва ўсіх праявах.

*Шэсце 27 ліпеня 1992 года, Менск. Адкрыць / каментаваць

2022-07-26 19:09:36 26 ліпеня 1097 году ў «Аповесьці мінулых гадоў» упершыню згадваецца горад Пінск. Адкрыць / каментаваць

2022-07-25 15:17:00 Сёння спаўняецца 75 гадоў адзінаму кандыдату ад апазіцыі на выбарах 2006 года Аляксандру Мілінкевічу.

Плённая размова з ім на “Жызнь-Маліне”.



Адкрыць / каментаваць

2022-07-23 11:09:41 23 ліпеня 1922 году ў катэдральным праваслаўным саборы Сьвятых апосталаў Пятра і Паўла ў Менску адбыўся царкоўны сынод, які пастанавіў стварыць аўтаномную беларускую мітраполію. Адкрыць / каментаваць

2022-07-22 14:30:00 22 ліпеня 1918 году сфармавалі Ўрад Беларускай Народнай Рэспублікі на чале зь Янкам Серадой.

У адрозьненьне ад іншых кіраўнікоў БНР Серада не пакінуў Беларусі. У 1930 ён быў арыштаваны паводле абвінавачаньня ва ўдзеле ў «Саюзе вызваленьня Беларусі» і сасланы ў Яраслаўль на 5 гадоў.

У 1941 годзе яму вынесьлі паўторны прысуд —10 гадоў пазбаўленьня волі. Янка Серада памёр у 1943 годзе ў нявысьветленых абставінах. Адкрыць / каментаваць