2021-08-24 19:13:20
Вось такі цікавы дыялог адбыўся на нашым тг канале.
Мы запосцілі шаблон заявы за смс па-руску, а чалавек палічыў гэта "агрэсіўнай палітыкай". Меркаванне папулярнае, таму давайце разбірацца з пункту гледжання права.
1. Беларуская мова з’яўляецца дзяржаўнай. Гэта значыць, што на беларускай мове павінна быць адукацыя, заканадаўства, тэлебачанне, кожная паперка... І так, смскі ад дзяржаўных установаў.
2. Калі чагосьці няма на дзяржаўнай мове, значыць права парушаецца і адбываецца дыскрымінацыя.
3. Што можа зрабіць грамадзянін, калі яго дыскрымінуюць?
а) Абараняць свае правы;
б) Памяркоўна змірыцца і маўчаць у анучку.
І тут мы бачым, чалавек за варыянт "б", але яшчэ з элементамі вікцімблэймінга.
4. Як у дадзеным выпадку можна абараніць свае правы?
а) Падаць заяву па адміністратыўным артыкуле;
б) Падаць заяву па крымінальным артыкуле;
в) Напісаць у Белпошту, каб яны даслалі смс па-беларуску.
І тут варыянт "в" адразу не, таму што не раз ужо па гэтым пытанні звярталіся. Дарэчы, у "Мова 404" будзе цікавая гісторыя пра пошту.
5. Мы з’яўляемся пастаяннымі кліентамі пошты і плацім шмат грошай за маркі, канверты і замоўныя лісты. Атрымліваецца, мы плацім грошы за паслугі і павінны цярпець і замоўчваць дыскрымінацыю? А калі не хочам цярпець і замоўчваць - гэта агрэсіўная палітыка? Сур’ёзна?
6. Калі замоўчваць адсутнасць смс па-беларуску, то за беларускую мову будуць збіваць і забіваць. Мы б напісалі тут "пачнуць", але ўжо пачалі.
7. Усе мы хочам жыць у прававой дзяржаве, дзе ўсім "да законаў". Тады трэба, каб усім было да ўсіх законаў, уключаючы закон "Аб мовах" і Канстытуцыю Беларусі. Калі вы пішаце, што патрабаваць беларускую мову ў Беларусі гэта агрэсіўная палітыка, то вы, насамрэч, хочаце жыць не ў прававой дзяржаве, а ў звыклай багне, толькі з іншым тварам.
А добры прыклад агрэсіўнай палітыкі - гэта, калі ў часы Расійскай імперыі забаранялі адкрываць беларускамоўныя школы на тэрыторыі Беларусі і казалі, што беларускай мовы не існуе.
229 views16:13