2022-06-06 16:00:26
Вітаю, спадарства!
Вашай увазе першая ўлетку падборка #беларускіпанядзелак
Нагадваю, у межах акцыі мы распавядаем пра тэлеграм-праекты, якія прасоўваюць беларускую мову і культуру ў анлайн-прасторы.
Сёння ў спісе як сталыя, так і нядаўна створаныя каналы. Прыглядайцеся да новенькіх, але й старычкоў не забывайце
@volnajamova — платформа, дзе актыўныя карыстальнікі беларускай мовы сустракаюцца з тымі, хто толькі вучыцца гаварыць па-беларуску. У невялікіх групах і ўтульнай атмасферы мы размаўляем на цікавыя тэмы.
@hrodna1127 — кожны дзень канал публікуе цікавосткі з гісторыі Гродна: пра месцы, асобы і падзеі. Старыя фота, малавядомыя факты і папулярныя легенды пра культурную сталіцу.
@pad_piva — падкаст, у якім тры дзяўчыны чытаюць белліт і смешна разважаюць на гэты конт пад піва
@supermova — энцыклапедыя годных асоб і падзей Беларусі. Анлайн гутаркі і разыгранкі, афіша беларускамоўных афлайн і анлайн мерапрыемстваў, правілы тарашкевіцы і лацінкі.
@la_tsmok — канал з відэакантэнтам па-беларуску. Каманда праекта рэгулярна цешыць сваіх гледачоў перакладамі й агучкамі фільмаў і серыялаў па-беларуску, можна паглядзець як навінкі, так і ўжо вядомыя стужкі.
@belarusianfables — падкаст з цікавымі байкамі пра беларусаў для беларусаў. Аўтары распавядаюць пра розныя мясціны, асобаў і рэчы.
1.3K viewsedited 13:00
П
