Палявая пошта

2021-07-14 10:00:58 #Сталовічы, касцёл св. Яна Хрысціцеля
1916 / 2020
Былая рэзідэнцыя Мальтыйскага Ордэна на тэрыторыі Беларусі. Пасля задушэння паўстання Каліноўскага храм пераасвяцілі ў праваслаўны, адпаведна змяніўся і знешні выгляд, што яшчэ можна пабачыць на паштоўках і фота часоў Першай Сусветнай.
(фота: planetabelarus.by) Адкрыць / каментаваць

2021-07-12 10:06:08 #адраджэнне
#Паланечка, палац Радзівілаў
Працягваем сачыць за аднаўленнем былой сядзібы. Працэс ідзе, сіламі валанцёраў ужо расчышчаны ад смецця некалькі пакояў у палацы, навакольная тэрыторыя і флігель. Тут ужо адбыўся невялічкі канцэрт, праходзіць выстава, дзясяткі людзей са ўсёй Беларусі прыязджаюць на талаку. Паўдзельнічаць можаце і вы:) За навінамі праекта можна сачыць у тэлеграме ці інстаграме. Далучайцеся!
(фота: @polonechkapalace і @poshtabel) Адкрыць / каментаваць

2021-07-11 10:15:16 #Сянно, Мікалаеўскі сабор
1907 / 2021
Як і іншыя цэрквы і касцёлы ў горадзе, быў закрыты ў 30-ых і пазней знішчаны савецкай уладай.
Сёння тут мясцовая сярэдняя школа.
(фота: Янка Спеў) Адкрыць / каментаваць

2021-07-08 11:50:12 #Баранавічы, вул. Аляксандраўская
Выдавецтва: Dr.Trenkler & Co., Leipzig
1916 / 2021
У першай палове ХХ ст. Баранавічы паспелі пабываць пад рознымі адміністрацыямі, адпаведна кожнай новай уладзе асноўныя вуліцы мянялі назву. У гэтай атрымаўся такі урбанімічны ланцужок: Аляксандраўская - Kaiser Wilhelm Straße - Senatorska - Пралетарская - Аптэчная - сучасная Горкага.
(фота: @poshtabel) Адкрыць / каментаваць

2021-07-08 11:50:04 Адкрыць / каментаваць

2021-07-06 09:45:38 #Райца, царква св.Барбары
1923 / сучасны стан
Першапачаткова касцёл і пахавальня роду Раецкіх, пасля задушэння паўстання 1863-1864 гг. каталіцкі храм пераасвяцілі ў праваслаўны. Ён цудам захаваўся да нашага часу: што не зруйнавалі ў Першую і Другую Сусветную, хацелі знішчыць за саветамі, але не далі рады. Напаўразбураны будынак дачакаўся сваёй рэстаўрацыі ўжо пачатку ХХI стагоддзя.
(фота: vedaj.by) Адкрыць / каментаваць

2021-07-05 10:00:50 Добры дзень

У межах акцыі #беларускіпанядзелак працягваем распавядаць пра праекты, прысвечаныя папулярызацыі беларускай мовы, гісторыі і культуры. Сёння падборка каналаў на розныя тэмы: ад вандровак да аховы прыроды, ад гісторыі да абароны моўных правоў. Спадзяюся, штосьці прыйдзецца вам да густу:

Ахова птушак Бацькаўшчыны — найбуйнейшая прыродаахоўная арганізацыя Беларусі. Цікавыя факты пра птушак і звяроў, парады ад спецыялістаў, актуальныя навіны пра ахову прыроды Беларусі.

Беларускі піонэр — аўтарскі канал пра гісторыю БССР 1920-х, 1930-х гадоў: часопісы, газеты, фотаздымкі і архітэктура.

Умовы для мовы — як абараніць беларускую мову ў Беларусі. Звароты за беларускую мову, кампаніі да якіх можна далучыцца, навіны, парады юрыста.

Sacral_BY — аўтар канала блукае па Беларусі ў пошуках старой архітэктуры, закінутага і разбуранага, атмасферных могілак, бровараў, млыноў і цудоўных гісторый.

Сцежкі Беларусі — цікавыя мясціны, аўтарскія здымкі, а таксама навіны рэстаўрацыі і аднаўлення культурнай спадчыны. Адкрыць / каментаваць

2021-07-04 10:00:35 #Баруны, касцёл св. апосталаў Пятра і Паўла
1916 / нашы дні
На Ашмяншчыне можна знайсці багата архітэктурных помнікаў, адным з самых прыгожых з'яўляецца храм у Барунах. Варты ўвагі і абраз Маці Божай Барунскай, адна з найбольш шанаваных хрысціянскіх святынь Беларусі захоўваецца ў касцёле.
(фота: Maksim Liashko) Адкрыць / каментаваць

2021-07-04 10:00:24 Адкрыць / каментаваць

2021-07-02 10:00:34 Адкрыць / каментаваць