Добры дзень У межах акцыі #беларускіпанядзелак працягваем ра | Палявая пошта

Добры дзень

У межах акцыі #беларускіпанядзелак працягваем распавядаць пра праекты, прысвечаныя папулярызацыі беларускай мовы, гісторыі і культуры. Сёння падборка каналаў на розныя тэмы: ад вандровак да аховы прыроды, ад гісторыі да абароны моўных правоў. Спадзяюся, штосьці прыйдзецца вам да густу:

Ахова птушак Бацькаўшчыны — найбуйнейшая прыродаахоўная арганізацыя Беларусі. Цікавыя факты пра птушак і звяроў, парады ад спецыялістаў, актуальныя навіны пра ахову прыроды Беларусі.

Беларускі піонэр — аўтарскі канал пра гісторыю БССР 1920-х, 1930-х гадоў: часопісы, газеты, фотаздымкі і архітэктура.

Умовы для мовы — як абараніць беларускую мову ў Беларусі. Звароты за беларускую мову, кампаніі да якіх можна далучыцца, навіны, парады юрыста.

Sacral_BY — аўтар канала блукае па Беларусі ў пошуках старой архітэктуры, закінутага і разбуранага, атмасферных могілак, бровараў, млыноў і цудоўных гісторый.

Сцежкі Беларусі — цікавыя мясціны, аўтарскія здымкі, а таксама навіны рэстаўрацыі і аднаўлення культурнай спадчыны.