Суполка беларускіх пісьменнікаў

2021-08-21 13:38:11 Сёння спаўняецца 60 год вядомаму празаіку, папулярызатару беларускай гісторыі Вітаўту Чаропку. Віншуем з юбілеем, спадар Вітаўт! Адкрыць / каментаваць

2021-08-21 01:57:54 «Бацькаўшчыну» хочуць ліквідаваць

20 жніўня Згуртаванне беларусаў свету «Бацькаўшчына» атрымала ліст з Вярхоўнага суду з прапановай 25 жніўня з’явіцца на гутарку ў парадку падрыхтоўкі да судовага разбіральніцтва. Так стала вядома, што Вярхоўны суд узбудзіў справу аб ліквідацыі Міжнароднага грамадскага аб’яднання.

(на фота — Уладзімір Макей на з'ездзе беларусаў свету, арганізаваным ЗБС "Бацькаўшчына", 2017 год) Адкрыць / каментаваць

2021-08-19 13:13:27 Шведскія калегі падтрымалі Саюз беларускіх пісьменнікаў. "Мы з жахам глядзім на тое, як усё большую і большую колькасць нашых калег прымушаюць маўчаць альбо знікаць з краіны. Мы патрабуем неадкладна спыніць усе формы пераследу СБП, усіх пісьменнікаў, усіх беларусаў, якія абараняюць дэмакратыю ў краіне", - кажа Грэта Ротбёль, старшыня Шведскага саюза пісьменнікаў. https://lit-bel.org/news/shvedskiya-kalegi-padtrymali-sayuz-belaruskikh-pismennika/ Адкрыць / каментаваць

2021-08-18 20:38:21 Стала даступная электронная версія сёмага выпуску штомесячніка "Літаратурная Беларусь". https://lit-bel.org/news/lipenskaya-litaraturka-uzho-na-nashym-saytse/ Адкрыць / каментаваць

2021-08-18 14:58:14 Дзень 18 жніўня багаты на памятныя для беларусаў літаратурныя даты.

130 год таму нарадзіўся Краўцоў Макар (Макар Мацвеевіч Касцевіч), беларускі паэт і перакладчык, аўтар славутага "Мы выйдзем шчыльнымі радамі".

80-годдзе святкуе літаратуразнаўца, сябра СБП Сямён Букчын, аўтар кніг і многіх даследаванняў пра беларуска-рускія літаратурныя сувязі.

55-ты дзень нараджэння сёння ў аўтаркі выдатных апавяданняў і эсэ, аповесцяў і раманаў, сябры Рады нашай арганізацыі Алены Брава.

Віншуем! Адкрыць / каментаваць

2021-08-18 14:45:40 Учора стала вядома, што судом распачатая грамадзянская справа па ліквідацыі ГА «Саюз беларускіх пісьменнікаў».

Гэта было чакана, як адзначыла каманда ў сваім паведамленні, але ў нашай свядомасці гэта не павінна станавіцца чымсьці звыклым і прымальным. Саюз беларускіх пісьменнікаў - найстарэйшая пісьменніцкая арганізацыя Беларусі, заснаваная яшчэ ў 1934 годзе Янкам Купалам і Якубам Коласам, і нашы даўнія сябры і аднадумцы.

Беларускі ПЭН-цэнтр выказвае салідарнасць з калегамі, і паўтарае трапную тэзу, выказаную сакратарыятам аб’яднання ў нашую падтрымку: «можна ліквідаваць арганізацыю, але вольнае слова і праўду пра наш час ліквідаваць немагчыма». Мы з вамі! Адкрыць / каментаваць

2021-08-17 17:37:04 «Паспрабуем абараніць свае правы і даказаць сваю правату»

Старшыня Саюза беларускіх пісьменнікаў Барыс Пятровіч спецыяльна для @Budzmaby даў каментар адносна завядзення грамадзянскай справы па ліквідацыі ГА «Саюз беларускіх пісьменнікаў».

https://budzma.by/news/pyatrovich-abaranits-svae-pravy.html Адкрыць / каментаваць

2021-08-17 14:37:50 Усё чакана, ліст прыйшоў. Вярхоўным судом заведзеная грамадзянская справа па ліквідацыі ГА "Саюз беларускіх пісьменнікаў". Адкрыць / каментаваць

2021-08-16 10:46:53 Адразу ў трох дзяржаўных часопісах змяніліся галоўныя рэдактары

З пачатку ліпеня літаратурныя часопісы «Полымя», «Маладосць» і «Нёман» перадалі выдавецтву «Мастацкая літаратура». У іх цалкам змяніліся галоўныя рэдактары, што прайшло незаўважаным.

Часопіс «Полымя» узначальвала тэатральны крытык Алена Мальчэўская, «Маладосць» — перакладчыца Святлана Воцінава, «Нёман» — пісьменніца і перакладчыца Юлія Алейчанка.

Воцінаву звольнілі ў лютым, іншыя галоўныя рэдактары дапрацавалі на сваёй пасадзе да пачатку ліпеня.

Цяпер галоўны рэдактар «Нёмана» — пісьменнік Алесь Бадак, які адначасова з’яўляецца дырэктарам выдавецтва «Мастацкая літаратура». Ён ужо ўзначальваў гэтае рускамоўнае літаратурнае выданне ў першай палове дзясятых гадоў. Галоўным рэдактарам «Полымя» стаў паэт Віктар Шніп, які адначасова з’яўляецца галоўным рэдактарам выдавецтва «Мастацкая літаратура». Галоўным рэдактарам «Маладосці» стала Вольга Рацэвіч. Яна працуе рэдактарам выдавецтва. Адкрыць / каментаваць

2021-08-13 18:44:32 Акцыя ад выдавецтва «Кнігазбор» і ЗБС «Бацькаўшчына»: кніга ўспамінаў Радзіма Гарэцкага ў падарунак

https://budzma.by/news/kniga-u-padarunak.html Адкрыць / каментаваць