Выдавецтва Янушкевіч

2021-12-13 14:46:12 Зіма — час рабіць падарункі!

Мы запускаем навагоднія зніжкі ўжо цяпер, каб у вас быў час спакойна выбіраць падарункі. Парадуйце сябе і сваіх блізкіх добрымі кнігамі.

Шукайце зніжкі тут. Адкрыць / каментаваць

2021-12-12 16:05:55 Купіць кнігу можна тут. Адкрыць / каментаваць

2021-12-12 16:05:31 Дзякуй Ігару Бабкову за водгук на кнігу Ігара Кулікова «Вецер нішто і рэха цьмы»! Адкрыць / каментаваць

2021-12-10 17:48:30 Свой агляд кніг, якія можна падарыць на зімовыя святы, мы пачынаем з нашай самай зімовай і самай каляднай кнігі.

«Снежная сястра» — гэта прыгожая і кранальная гісторыя, якая ўмомант стала сусветным бестселерам. Нарвежская пісьменніца Мая Лундэ разам з мастачкай Лісай Айсата стварылі чароўны свет, у якім знайшлося месца і цёплым пачуццям, і горкім сямейным перажыванням, і чаканню каляднага цуду, што заўсёды спраўджваецца. Любоў і сяброўства перамогуць боль ад страты — так вучыць нас гэтая гісторыя.

Выдатны падарунак на Каляды і Новы год для ўсіх, хто цэніць сучасныя арыгінальныя сюжэты ў дзіцячай літаратуры, пазбягае стэрэатыпаў і гатовы прымаць жыццё з усімі радасцямі і бедамі.

Гартайце фота, разглядайце ілюстрацыі — гэтая кніга стане выдатным падарункам нават для дарослых, якія ўсё яшчэ ўмеюць верыць у цуд.

Купіць «Снежную сястру» можна тут: https://januskevic.by/catalog/dzieciam/4214/ Адкрыць / каментаваць

2021-12-09 16:51:36 Паэтычная навінка ў нашым выдавецтве!

«Снегавая легенда» — зборнік аднаго з найвыбітнейшых шведскіх паэтаў ХХ стагоддзя Вернэра Аспенстрэма. Кніга выйшла ў Швецыі ў 1949 годзе і мела вялікі поспех у чытачоў і крытыкаў. Адначасова з мовай сімвалаў, звычайнай для шведскай паэзіі 1940-х гадоў, у гэтых вершах назіраецца набліжэнне да больш простых і канкрэтных вобразаў, уласных перажыванняў, штодзённых назіранняў, уражанняў ад прыроды і тыповых у далейшай творчасці паэта гумарыстычных мініяцюр.

Пераклад са шведскай Алесі Башарымавай.

Купляйце на нашым сайце: https://januskevic.by/catalog/paezija/4315/ Адкрыць / каментаваць

2021-12-08 18:17:54 Лавіце адну з 77 гісторый Эрвіна Мозэра з новай кнігі «Дзівосныя гісторыі на дабранач», якая выйдзе ў нашым выдавецтве 20 снежня.

Сёння а 22-й гадзіне заканчваецца папярэдні заказ на https://booksbox.by/

Не забудзьцеся! Потым цана ў кнігарні будзе 31,99 руб. Адкрыць / каментаваць

2021-12-07 12:33:19 Чакалі ці не чакалі?

У студзені нарэшце выйдзе кніга Станіслава Лема "ЗОРНЫЯ ДЗЁННІКІ", прымеркаваная да стогадовага юбілею славутага польскага пісьменніка. Неўміручая класіка навуковай фантастыкі!

Пераклад найвышэйшага гатунку ад Марыі Пушкінай, з руплівай працай рэдактара Марыны Казлоўскай. Арыгінальны дызайн вокладкі Наталлі Паваляевай.

Неўзабаве выкладзем фрагмент Адкрыць / каментаваць

2021-12-06 14:47:47 Адкрыць / каментаваць

2021-12-03 13:33:55 — З сябрам вырашылі, што пачнём два дні на тыдзень размаўляць па-беларуску. Спачатку было складана, а з часам уцягнуліся.

Такую гісторыю расказаў нам адзін з чытачоў. А каб узбагачаць лексіку, ён чытае кнігі па-беларуску. І на гэты раз зайшоў па кнігі. Сярод яго набытку быў і 700-старонкавы дэтэктыў «Акулярнік» Катажыны Бонды.
Чытанне ўзбагачае.

Купіць кнігу можна тут. Адкрыць / каментаваць

2021-12-02 22:47:51 Выдавецтва Янушкевіч pinned a photo Адкрыць / каментаваць