2022-01-25 12:15:08
У Цэнтральным Камітэце БСДП
24 студзеня 2022 г. адбылося першае ў бягучым годзе дыстанцыйнае пасяджэнне Цэнтральнага Камітэта Беларускай сацыял-дэмакратычнай партыі (Грамада).
У пасяджэнні прынялі ўдзел 22 з 41 сябраў ЦК партыі. Яшчэ трое сябраў прымалі ўдзел у пасяджэнні ў якасці гасцей.
Пад час пасяджэння быў вызначаны памер сяброўскай складкі на 2022 г. Яна склала 12 рублёў.
Цэнтральны Камітэт БСДП рэкамендаваў ХХІ з’езду БСДП вылучыць на пасаду старшыні кандыдатуру Барысава І.П., першага намесніка старшыні - Сігаева А.У., намеснікаў старшыні - Вештард І.З., Волчака А.К., Канюс Г.У., Мяцельскага М.М.
Прыняты ў якасці партыйнай пазіцыі распрацаваныя пад кіраўніцтвам Пастухова М.І. праекты законаў “Аб участковых суддзях” і “Аб судовым парадку прыняцця рашэнняў аб заключэнні пад варту асоб, якія падазраюцца (абвінавачаных) у здзяйсненні злачынства, а таксама аб прадаўжэнні тэрміна знаходжання пад вартай”.
Створана камісія ў складзе Вештард І.З., Сігаева А.У. і Гаравой Т.А. для тлумачэння п.4.4 і 5.3 Статута БСДП па рэкамендацыі ЦРК з прычыны скаргі Крываля В.А. Прынята рашэнне зацвердзіць тлумачэнні камісіі на бліжэйшым пасяджэнні Прэзідыума.
Прынята заява ЦК БСДП “Аб рэферэндуме” у адпаведнасці з якой Беларуская сацыял-дэмакратычная партыя (Грамада) лічыць, што яе прапановы па зменах Канстытуцыі не ўлічаны. БСДП устрымліваецца ад вылучэння назіральнікаў на выбарчыя ўчасткі, бо не ў стане гарантаваць ім бяспеку.
131 viewsedited 09:15
Б
