2021-01-25 21:55:01
У Цэнтральным камітэце БСДП
25 студзеня 2021 г. адбылося пасяджэнне Цэнтральнага камітэта ў рэжыме анлайн.
Цэнтральны камітэт БСДП прыняў рашэнне аб ўдзеле ў ІІ Сацыяльным Форуме “За роўнасць і сацыяльную справядлівасць”, які адбудзецца 07 лютага 2021 г. у Мінску, зацвердзіў 50 дэлегатаў для ўдзелу ў гэтым мерапрыемстве з усіх абласцей і г. Мінска, а таксама зацвердзіў выступоўцаў на тэматычных панэлях. Прынята да ведама, што ўсе жадаючыя сябры БСДП таксама могуць далучыцца да мерапрыемства ў якасці гасцей.
Зацверджаны вынікі агульнапартыйнай канферэнцыі Рабочай групы “Жанчыны БСДП”, якая адбылася 19-20 снежня 2020 г. у г.Мінску, а таксама зацверджаны каардынатаркі па абласцях: Наталля Галаніна, Таццяна Гаравая, Ларыса Жыгар, Ганна Скачок, Наталія Шкадун, каардынатарка РГ “Жанчыны БСДП” Марыя Рудакоўская. Зацверджаны змены ў Палажэнне па правядзенні агульнапартыйнай канферэнцыі РГ “Жанчыны БСДП” у адпаведнасці з якім прадстаўніцамі і прадстаўнікамі на Канферэнцыю дадаткова з’яўляюцца “каардынатаркі, абраныя на абласных (Мінскай гарадской) канферэнцыях РГ “Жанчыны” БСДП.
Абмеркаваны праект канцэпцыі пенсійнай рэформы, распрацаваны кіраўніком экспертна-аналітычнай групы пры ЦК БСДП Міхаілам Пастуховым. Прынята рашэнне правесці кансультацыі з экспертна-аналітычнай групай пры ЦК БСДП, РГ “Жанчыны БСДП”, а таксама сябрамі Прэзідыуса па канцэпцыі праекта рэформы пенсійнай рэформы і пасля правак вынесці канцэпцыю паўторна на зацвярджэнне Цэнтральнага камітэта ў якасці партыйнай пазіцыі.
У раздзеле “Рознае” абмеркавана сітуацыя з пераследам сябраў БСДП за выкарыстанне зарэгістраванай партыйнай сімволікі ў Гомелі і Мінску. Прынята рашэнне прыняць адпаведную заяву Прэзідыумам, накіраваць скаргу ў Генеральную пракуратуру ў сувязі з сістэмнымі выпадкамі пераследу, а таксама звярнуцца ў Міністэрства юстыцыі за тлумачэннямі.
210 views18:55