Белліт

2021-11-02 13:43:16 Сябры, пасьлязаўтра пачнецца Месяц польскай літаратуры - прэзэнтацыяй рамана Элізы Ажэшкі "Дзікунка". Пагаворам зь яе перакладчыцай Сьвятланай Воцінавай і дасьледчыцай літаратуры Жаннай Некрашэвіч-Кароткай. Падпісвайцеся на падзею па спасылцы і глядзіце ў чацьвер а 18.00.
https://facebook.com/events/s/%D0%BB%D1%96%D1%82%D0%B0%D1%80%D0%B0%D1%82%D1%83%D1%80%D0%BD%D1%8B-%D0%BB%D1%96%D1%81%D1%82%D0%B0%D0%BF%D0%B0%D0%B4-%D0%BF%D1%80%D1%8D%D0%B7%D0%B5%D0%BD%D1%82%D0%B0%D1%86/316094079900798/ Адкрыць / каментаваць

2021-11-01 18:15:31 Першы буктрэйлер X юбілейнага сезону прэміі імя Ежы Гедройця!

Сяргей Календа “Акварыум. Гісторыя аднаго юнацтва”. Шорт-ліст прэміі Гедройця 2021.

«Акварыум» завяршае трылогію, пачатую кнігай «Падарожжа на край ложка» і падхопленую «Часам панкі паміраюць».

Аповесць – складзеная з фрагментаў гісторыя каханняў і любові двух герояў, якія не зусім рэальна і кожны пасвойму глядзяць на сваё жыццё і на сваіх жанчын. І ў кожнага гучаць свая праўда і свая музыка, свае сюжэты/згадкі пра сваякоў і ненадзейнасць памяці, свае ўспаміны пра юнацтва, калі дрэвы былі больш зялёнымі, а пацалункі доўгімі. Два героі павінны сустрэцца, каб скончыць падарожжа, для пачатку новага ва ўласным жыцці.

Глядзіце Адкрыць / каментаваць

2021-10-31 23:58:42 У інтэрнэце набывае папулярнасць мем «Evil be like». Не магла абмінуць яго ўвагай.

Дадавайце свае варыянты ў каменты. Адкрыць / каментаваць

2021-10-31 17:05:05 #моўная_хвілінка
Н.с. мізантро́пія
Р.с. мізантро́піі
Д.с. мізантро́піі
В.с. мізантро́пію
Т.с. мізантро́піяй
М.с. мізантро́піі

(Памылка з кнігі Вольгі Гапеевай «Самота, што жыла ў пакоі насупраць», Галіяфы, 2021.) Адкрыць / каментаваць

2021-10-30 19:12:27 Белліт pinned «Новы выпуск падкаста Bellit. Выпуск 49. Беларусь у літаратуры, частка 1 Тэма выпуску — Беларусь вачыма замежных пісьменнікаў. Цытую згадкі Беларусі ў кнігах аўтараў з іншых краін. Дзе паслухаць? Apple Podcasts Google Podcasts Castbox SoundCloud…» Адкрыць / каментаваць

2021-10-29 20:26:50 Я штогод пішу ў гэты дзень адно і тое ж: у ноч з 29 на 30 кастрычніка 1937 года былі расстраляныя больш за 100 дзеячаў беларускай культуры і навукі.
⠀
Але сёння няхай за мяне гавораць самі (не)расстраляныя.
⠀
Хто прайшоў — галаву павесіў.
(Міліёны пудоў у гадах.)
Ну, а я малады — мне весела
разагнацца ў мяцежную даль.
⠀
Мне жыццё —
сусветнае свята,
мне прапоны — большы разгон.
Я цяпер без багацця багаты
на зары квітнеючых дзён.
⠀
Гэта кроў не баіцца смерці,
гэта сэрца распаліць лёд,
гэтых думак кіпучага смерчу
не абгоніць птушыны лёт.
⠀
Вось вышэй бы за ўсіх узняцца,
я увесь — непакорны шквал.
Што ж рабіць, калі дух юнацкі
агарнуў ваяўнічы запал;
⠀
што ж рабіць, калі фарбы раніцы
у грудзёх завялі карагод;
што рабіць, калі кроў барабаніць —
заклікае ісці у паход.
⠀
Хто прайшоў — галаву павесіў.
(Міліёны пудоў у гадах.)
Ну, а я малады — мне весела
разагнацца ў мяцежную даль.
⠀
(Алесь Дудар, расстраляны ў 32 гады.) Адкрыць / каментаваць

2021-10-28 20:10:02 Удзельнікі чата канала нараджаюць выдатны літаратурныя жарты Адкрыць / каментаваць

2021-10-28 17:15:13 Абвешчаны пераможцы прэміі Шэрмана

Прэмія прысуджаецца ў трох намінацыях: пераклад прозы, пераклад паэзіі і пераклад дзіцячай кнігі.  

Пераможцамі сталі:

У намінацыі “пераклад прозы” – Вольга Гронская, пераклад з нямецкай – Даніэль Кельман “Тыль”. Выдавецтва “Янушкевіч”, Мінск.

У намінацыі “пераклад паэзіі” – Юля Цімафеева, пераклад з англійскай – Стывен Крэйн “Выбраныя вершы”. Выдавец Зміцер Колас, Мінск.

У намінацыі “пераклад дзіцячай кнігі” – Алена Пятровіч, пераклад з англійскай – Дж.К. Роўлінг “Гары Потэр і таемная зала”. Выдавецтва “Янушкевіч”, Мінск.

Падрабязней на сайце ПЭНа.

Шчыра віншуем перакладчыц з узнагародамі! Адкрыць / каментаваць

2021-10-27 17:51:16 Часта чую пытанне: «Як чытаць больш?» Мой сакрэт — чытайце дзіцячыя кніжкі з карцінкамі

У выдавецтве «Янушкевіч» @januskevicbooks нядаўна выйшлі кнігі Святланы Татарнікавай пра сям'ю мышак, у якой растуць вельмі цікаўныя мышаняты. Яны хочуць ведаць літаральна ўсё: адкуль бярэцца сыр, на якім дрэве расце пячэнне і чаму маленькія авечкі не могуць гуляць разам з усімі ў такім гарачым футры.

Кнігі вялікага фармату, з каляровымі крэйдаванымі старонкамі. У кожнай па 24 старонкі. Цікава, што гэтыя кнігі беларускай аўтаркі ўжо выходзілі за мяжой на іншых мовах, а па-беларуску з'явіліся толькі цяпер.

Мой фаварыт — «Хто нам дорыць рукавічкі?». Паколькі я вяжу, мне было вельмі прыемна прачытаць кнігу пра ўвесь працэс з'яўлення нітак з воўны, хоць я яго і ведаю. Але ўнутры кнігі хаваюцца неверагодна мілыя мышы ў каляровых швэдрах і шкарпэтках, мая слабасць

Кнігі разлічаныя на 3-5 гадоў, у канцы кожнай маленькіх чытачоў чакае пэўнае цікавае заданне.

Купіць кнігі можна на сайце выдавецтва. Адкрыць / каментаваць

2021-10-27 17:30:54 Новы выпуск падкаста Bellit.
Выпуск 49. Беларусь у літаратуры, частка 1

Тэма выпуску — Беларусь вачыма замежных пісьменнікаў. Цытую згадкі Беларусі ў кнігах аўтараў з іншых краін.

Дзе паслухаць?

Apple Podcasts

Google Podcasts

Castbox

SoundCloud

Spotify

Яндекс.Музыка

Pocket Casts

Падтрымаць праект: patreon.com/bellit Адкрыць / каментаваць