MIRYMIR

2020-10-13 21:38:58 Пастанова аб дзяржаўнай мове Адкрыць / каментаваць

2020-10-12 13:07:05 Мы павінны душу нашу народную выявіць у сваім „Я“, у сваёй самабытнасьці і сьмела сягнуць па сваё неадымнае права самім распараджацца гэтым сваім „Я“. Янка Купала „Тутэйшыя“

Сёньня прэм'ера:

Адкрыць / каментаваць

2020-09-15 12:34:00 Лагатыпы некаторых менскіх раёнаў разам. Усім мір і любоў!
Вектарны файл: спампаваць Адкрыць / каментаваць

2020-09-07 12:18:20 Фільм „Купала“. 2020 Адкрыць / каментаваць

2020-08-07 11:00:06 Дзень 7
Наша мова

Вось і надышоў сёмы дзень у нашай гісторыі. Гэты дзень прысьвечаны нашай мове, пра якую ўжо было шмат што сказана і напісана. Спачатку было слова, і ў Беларусі гэтае слова мае быць менавіта беларускае. Усе шыльды, уся дакументацыя, усё дзяржаўнае павінна быць па-беларуску (у нас ёсьць свая кірыліца, свая лацінка і свая арабіца). Выраз „Па-беларуску“ значыць не толькі „на беларускай мове“, але і на падмурку беларускіх традыцый. Дзяржаўныя сацсеткі ды беларускамоўныя версіі сайтаў мусяць быць па-змаўчаньні адразу .by, а не .by/bel/br/byr.
Спрадвечным і нязьменным сімвалічным цягніком беларускай мовы заўжды была адметная і магутная літара Ў (у нескладовае). Сёньня яна ўжо замацавала свой статус і мае сваё ганаровае месца, таму надышоў час ісьці далей і вярнуць яшчэ адну важную нашу адметнасьць — мяккі знак Адкрыць / каментаваць

2020-07-13 13:00:14 Грошы.
Назвай нашых грошай мусібыць Талер. На Беларусі талеры ўпершыню пачалі адбівацца ў 1564 годзе на Віленскім манетным двары. Графічная ідэя перакрыжоўваецца з ідэяй герба і мае таксама цэнтральную кампазіцыю (глядзіць не на правы ці левы бок, а на Тутэйшы, беларускі). Такім чынам з'яўляецца пасьлядоўны стыль і сувязь паміж дзяржаўнымі элементамі. Канцэпцыя сімвала наступная:

Назва: Беларускі талер (Taler)
Сімвал: Ŧ (Ŧaler) ставіцца перад лічбай (Ŧ25)

Назва: Беларускі цэнт (сent)
Сімвал: ŧ (сenŧ) ставіцца пасьля лічбы (0.25ŧ) Адкрыць / каментаваць

2020-07-07 11:00:05 ​​Дзень 6
Іншыя сімвалы, лагатыпы і сэнсы

За ўсімі сімваламі павінны йсьці сапраўдныя карысныя справы. Сімвалы, гербы, сьцягі, лагатыпы з'яўляюцца своеасаблівымы пачынальнікамі або вынікамі грамадскіх працэсаў. А ў ідэале і тым і тым адначасова. Кожны сімвал павінен мець не прыдуманае з столі ці з галавы абгрунтаваньне прыгожымі словамі, а самыя сапраўдныя лагічныя падмуркі. Сімвалы павінны ў першую чаргу натхняць на стварэньне і пазітыўныя зьмены, на імкненьне да ведаў, на паважлівае стаўленьне да людзей і навакольнага асяроддзя. Яны павінны адлюстроўваць глыбінную сутнасьць і аб’ядноўваць людзей дзеля лепшага жыцьця.

Сёньня спаўняецца роўна 138 год зь дня нараджэньня Янкі Купалы. Пачатак гэтага (шостага) дня хацелася б прысьвяціць менавіта яму, спалучыўшы яго імя і турыстычны брэнд Беларусі. Ён зрабіў неверагодны ўнёсак у стварэньне і разьвіцьцё вольнай Беларусі, марыў пра тое каб нашу краіну пачулі ва ўсім сьвеце. За адно толькі „Людзьмі звацца“ ды „Жыве Беларусь“ можна яму ўсталёўваць помнікі на цэнтральных плошчах па ўсёй краіне. На гэтай глебе быў распрацаваны брэнд, які шматгранна адлюстроўвае беларускую сутнасьць у розныя часы свайго існаваньня. У ім схаваны той турыстычны патэнцыял, які цягам часу будзе адкрывацца з розных бакоў. Кожны абавязкова знойдзе ў ім сваё, як і ў творчасьці Янкі Купалы. Калі сапраўды пабачыш прыгажосьць, то ўжо ніколі не забудзешся
http://mirymir.by/brendbielarusi.html
⁠ Адкрыць / каментаваць

2020-06-22 11:00:11 Плакат, прысьвечаны Ночы паэтаў зь імёнамі ўсіх расстраляных Адкрыць / каментаваць

2020-06-21 11:40:05 29 кастрычніка 1937 году адбыўся самы чорны дзень у гісторыі беларускай літаратуры. За адну ноч з 29-га на 30-га карнікі НКВД расстралялі цэлую групу пісьменьнікаў, сярод якіх былі Анатоль Вольны, Платон Галавач, Алесь Дудар, Міхась Зарэцкі, Васіль Каваль, Майсей Кульбак, Юрка Лявонны, Валеры Маракоў, Юлі Таўбін, Міхась Чарот ды іншыя, агулам 22 пісьменьніка. Усяго ў тую ноч былі зьнішчаны больш за 100 прадстаўнікоў беларускай творчай і навуковай інтэлігенцыі. Гэта трэба ведаць і памятаць. Таму, каб ушанаваць памяць нявінна забітых, штогод 29 кастрычніка ў Курапатах адбываюцца літаратурныя чытаньні „Ноч паэтаў“.
Для гэтага быў распрацаваны адпаведны стыль з лагатыпам, які ўвасабляе пісьмовае пяро і крыж. Адкрыць / каментаваць

2020-06-19 08:00:27 Адкрыць / каментаваць