2021-07-04 17:00:01
НОВАЕ СВЯТА НОВАЙ БЕЛАРУСІ - ДЗЕНЬ БЕЛАРУСКАЙ КУЛЬТУРЫ Беларуская Рада культуры разам з офісам Святланы Ціханоўскай і Народным антыкрызісным упраўленнем абвесцілі 7 ліпеня Днём беларускай культуры, каб адзначыць той культурны след, які наш народ пакінуў ў свеце.
Чаму менавіта 7 ліпеня?
7 ліпеня - дзень, калі нарадзіліся Янка Купала, Марк Шагал і Ян Чачот - культурныя дзеячы Беларусі, вядомыя далёка за яе межамі. У ноч з 6 на 7 ліпеня шмат хто ў Беларусі адзначае Купалле, свята любові і свабоды.
Святкаваць будзем тыдзень.
З 5 па 11 ліпеня аб'яўлены Міжнародны тыдзень беларускай культуры.
Чаму гэта важна?
Культура - гэта тое, што нас аб'ядноўвае. Не проста так у нас з'явілася пратэстнае мастацтва. Гэта тое, што дае сілы рухацца далей. Наша нацыянальная культура вартая таго, каб пра яе ведаў увесь свет.
З чаго пачнем?
Прачытайце верш Янкі Купалы «А хто там ідзе?» і апублікуйце запіс з тэгам #by_culture.
Як яшчэ можна паўдзельнічаць?
ускласці кветкі да помнікаў беларускіх дзеячоў культуры (напрыклад, да помніка Купалы 7 ліпеня);
калі вы жывяце ў іншых краінах, узняць наш сцяг над вашымі мэрыямі, знакавымі мясцінамі, прыватнымі дамамі;
распавесці пра любімага сучаснага беларускага артыста;
сплясці вянкі;
адсвяткаваць Купалле: запусціць феерверкі, намаляваць ўласную Папараць-кветку і загадаць галоўнае жаданне!
104 views14:00