Беларусізацыя

2022-02-24 15:13:01 Адкрыць / каментаваць

2021-12-09 19:03:12 Пагоня

Толькі ў сэрцы трывожным пачую
За Краіну радзімую жах, —
Ўспомню Вострую Браму сьвятую
І ваякаў на грозных канях.

Ў белай пене праносяцца коні, —
Рвуцца, мкнуцца і цяжка хрыпяць…
Старадаўняй Літоўскай Пагоні
Не разьбіць, не спыніць, не стрымаць.

У бязьмерную даль вы ляціце,
А за вамі, прад вамі — гады.
Вы за кім у пагоню сьпяшыце?
Дзе шляхі вашы йдуць і куды?

Мо яны, Беларусь, панясьліся
За тваімі дзяцьмі уздагон,
Што забылі Цябе, адракліся,
Прадалі і аддалі ў палон?

Бійце ў сэрцы іх, — бійце мячамі,
Не давайце чужынцамі быць!
Хай пачуюць, як сэрца начамі
Аб радзімай старонцы баліць…

Маці родная, Маці-Краіна!
Не усьцішыцца гэтакі боль…
Ты прабач, Ты прымі свайго сына,
За Цябе яму ўмерці дазволь!..

Ўсё лятуць і лятуць тыя коні,
Срэбнай збруяй далёка грымяць…
Старадаўняй Літоўскай Пагоні
Не разьбіць, не спыніць, не стрымаць.

1916 Адкрыць / каментаваць

2021-12-09 19:02:47 9 снежня 1891 года ў Менску нарадзіўся Максім Багдановіч, класік беларускае літаратуры.
Ён памёр ад сухотаў у Ялце, куды яго на лячэнне адправілі беларускія дзеячы, ува ўзросце 25 гадоў. Але ягоная спадчына жыве да сёння, ды пужае ворагаў Беларусі. Адкрыць / каментаваць

2021-12-05 13:19:23 Збор на мемарыяльную дошку консульства Беларускай Народнай Рэспублікі ў Кіеве

https://getdonate.org/ru/campaign/291 Адкрыць / каментаваць

2021-11-18 19:32:31 Новы марафон агучвання пачынаецца! Гэтым разам @say_by запусцілі асобны сайт — donar.by! А каб удзельнічаць, трэба:

1. Зайсці на donar.by.
2. Пачаць агучваць або праслухоўваць ужо агучаныя сказы.
3. Можна нават стварыць профіль донара беларускай мовы і атрымаць сертыфікат.

Агучваць стане яшчэ цікавей, бо цягам месяца будзе напаўняцца як адкрытая калекцыя Common Voice, каб лепш распазнаваць беларускае маўленне, так і заданні для інтэрактыўнага навучання беларускай мове ў розных прафесійных сферах. Гэта робіцца для праекта say.by «Мова прафесіі»: беларуская мова ў абслугоўванні, у кол-цэнтрах, медыцыне, кавярнях, крамах, на запраўках, у IT і нават піваварэнні. Першыя 2 модулі для агучвання — гэта вітанні і ветлівасць, а таксама беларуская фанетыка.

Акрамя таго, можна перанесці свой профіль з Common Voice на donar.by, каб вашыя дасягненні мінулага марафону не згубіліся.

Мэта — 1000 гадзін!

Напрыканцы 300 самых актыўных «донараў беларускай мовы» чакаюць сімвалічныя падарункі. Адкрыць / каментаваць

2021-11-18 18:56:58 Спыняе існаванне беларускамоўны сатырычны часопіс «Вожык»

Дзяржаўны часопіс сатыры і гумару «Вожык» з наступнага года выдавацца не будзе. Пра гэта паведамілі ў рэдакцыі часопіса. Апошні нумар выйдзе ў снежні, таму «Вожык» не ўнесены ў падпісны каталог на наступны год, паведамляе Радыё Рацыя.

Сёлета часопіс «Вожык» адзначыў 80-годдзе. Ён з’яўляўся пераемнікам знакамітага баявога выдання «Раздавім фашысцкую гадзіну», які з’явіўся ў ліпені 1941 года. Адкрыць / каментаваць

2021-11-08 16:06:14 Улады ліквідавалі Таварыства беларускай мовы

Пазоў Мінюста быў ухвалены Вярхоўным судом. Пра гэта паведаміла кіраўніца арганізацыі Алена Анісім. Адкрыць / каментаваць

2021-10-30 02:46:11 https://be-tarask.wikipedia.org/wiki/%D0%A7%D0%BE%D1%80%D0%BD%D0%B0%D1%8F_%D0%BD%D0%BE%D1%87 Адкрыць / каментаваць

2021-10-30 02:45:02 У ноч з 29 на 30 кастрычніка 1937 года адбыліся масавыя расстрэлы прадстаўнікоў беларускай інтэлігенцыі. Толькі за адну ноч саветы расстралялі больш за сто прадстаўнікоў нашай інтэлектуальнай эліты.

Гэта адна з самых страшных старонак нашай гісторыі. Адкрыць / каментаваць

2021-10-16 20:42:46 Выставачны праект, прысвечаны 100-годдзю Віленскага беларускага музея імя Івана Луцкевіча, запрацаваў у Нацыянальным мастацкім музеі

Сто год таму Іван Луцкевіч перадаў сваю ўласную калекцыю старажытнасцей Беларускаму навуковаму таварыству ў Вільні — так і пачаўся першы беларускі нацыянальны музей.

Ён існаваў з 1921 па 1945 год, пасля калекцыі падзялілі паміж Беларуссю і Літвой. Найбольшая і самая каштоўная частка музейных рэчаў засталася ў Літве, у Беларусь патрапілі прадметы, якія, на думку ліквідацыйнай камісіі, мелі непасрэднае дачынне да нашай культуры.

Цяпер усе экспанаты з беларускіх сховішчаў сабраныя ў маштабным праекце — не прапусціце. Выстава будзе працаваць да 12 снежня. Адкрыць / каментаваць

2021-10-15 11:22:48 У Менску хочуць назваць вуліцу ў гонар чарговага расейскага пісьменніка.

Імем расейскага пісьменніка Сцяпана Злобіна прапануюць назваць праектаваную вуліцу № 4 у межах вул. Лынькова, Пятра Глебкі, праезду Масюкоўшчына.

Пра такога пісьменніка ня ведае нават беларуская Вікіпедыя. Называнне вуліц у гонар расейскіх дзеячаў — гэта ўжо тэндэнцыя пасля 2020 года.

#русіфікацыя Адкрыць / каментаваць

2021-10-13 14:32:42 13 кастрычніка 1970 года нарадзіўся Вітольд Ашурак. Сёння яму магло б споўніцца 51 год.

Чалавек, які ведаў, разумеў і напамнінаў пра нашу гісторыю. Адкрыць / каментаваць

2021-10-06 16:03:25 Некалькі тыдняў таму пісьменніца і літаратуразнавец Аксана Бязлепкіна-Чарнякевіч паскардзілася ў Твітэры, што ў IT-краіне няма мабільнага дадатку для беларускамоўных дзяцей, каб вывучаць беларускі алфавіт. Магія Твітэра спрацавала, і цяпер у нас ёсць адразу два дадаткі: Лемантар (iOS \ Андроід) і Беларускі Алфавіт. Адкрыць / каментаваць

2021-10-04 18:05:46 #русіфікацыя

https://www.racyja.com/hramadstva/zhyrovitskuyu-shkolu-kachanava-peravyala-n/ Адкрыць / каментаваць

2021-09-22 06:38:09 #архітэктурабсср
Беларуская мова ў тэхнічнай дакументацыі пачатку 1930-х гадоў была частай з'явай (у 1932-33 гады нават беларускамоўны часопіс "Тэхніка ў масы" выходзіў, праўда, не доўга, усяго 6 нумароў). Асабліва гэта заўважна на прыкладзе архітэктурных праектаў сталічнай будаўнічай канторы "Менбуд".
Цікава, што беларускай мовай у сваіх праектах карысталіся такія вядомыя архітэктары, як Герасім Якушка (з 1934 галоўны архітэктар Менска) і Станіслаў Гайдукевіч (працаваць пачаў яшчэ да рэвалюцыі), а вось праекты Георгія Лаўрова (напрыклад, клінічны гарадок) аформлены па-руску. Адкрыць / каментаваць

2021-09-12 22:07:18 У ліпені 2019 года мы звярталіся з петыцыяй да Міністэрства прыродных рэсурсаў патрабуючы, каб назвы помнікам прыроды прысвойваліся гэтак жа як і геаграфічным аб'ектам: на беларускай з транслітарацыяй на рускую. Мiнпрыроды прыслухалася і накiравала ў Акадэмiю навук i БДУ, якія падрыхтавалі большасць падобных дакументаў, рэкамендацыi аб аб'яўленнi (пераўтварэннi) асаблiва ахоўваемых прыродных тэрыторый (ААПТ) i аб прысваеннi iм найменняў спосабам транслiтарацыi з беларускай мовы на рускую. Варта нагадаць усім дзеючым асобам пра гэты адказ.

https://petitions.by/petitions/2742 Адкрыць / каментаваць

2021-09-12 17:45:08 У Полацкім раёне "преобразовали" помнікі прыроды, пераклаўшы назвы на расейскую мову.

https://pravo.by/document/?guid=12551&p0=R921v0110624&p1=1&p5=0

#русіфікацыя Адкрыць / каментаваць

2021-09-05 11:13:55 #Петиция5076
#СборПодписей

Супраць неабгрунтаванага перайменавання гістарычнай вуліцы ў Гродне. Адкрыць / каментаваць

2021-09-04 08:51:35 Беларускі дзяржаўны ўніверсітэт культуры і мастацтва закрыў кафедру этналогіі і фальклору.

#русіфікацыя Адкрыць / каментаваць

2021-09-01 22:20:54 У Амельянцы закрытая адзіная ў Камянецкім раёне школа з беларускай мовай навучання, змаганне за якую цягнулася 2 апошнія гады. Дзеці пераведзеныя ў расейскую школу вёскі Пагранічная. У Камянецкім раёне не засталося беларускіх школ. З Днём няведання!

#русіфікацыя Адкрыць / каментаваць

2021-08-17 15:13:34 У рамках русіфікацыі Беларусі плануецца ліквідацыя Саюза беларускіх пісьменнікаў, які дзейнічае з 1930-х гадоў.

#русіфікацыя Адкрыць / каментаваць

2021-08-09 12:02:01 Літоўскія нацыяналісты ў ангельскамоўнай Вікіпедыі дамагліся выдалення артыкула пра беларускі герб «Пагоня», цяперака старонка Pahonia ёсць толькі перанакіраваннем на артыкул пра герб сучаснай Літвы (Coat of arms of Lithuania), адпаведна гербам Беларусі 1991—1995 цяпер герб Літвы.

Просім беларусаў замежжа не пакідаць без увагі іншамоўныя Вікіпедыі, і далучацца да напісання артыкулаў на мовах, якімі яны валодаюць. Сёння Вікіпедыя — адна з галоўных крыніц звестак у сеціве, адпаведна ад прадстаўленасці там беларускай тэмы залежыць прадстаўленасць Беларусі ў свеце. Таксама заклікаем далучацца да напісання артыкулаў у беларускамоўнай Вікіпедыі, бо ўва ўмовах этнацыду і цэнзуры распаўсюджванне запраўдных звестак вельмі важнае. Адкрыць / каментаваць

2021-07-12 14:39:17 Пакуль мы з вамі перажываем чарговае нацыянальнае адраджэнне, у Драгічыне Брэсцкай вобласці пайшлі адваротным шляхам да Северо-Западного края. На грамадскае абмеркаванне райвыканкамам вынесена пытанне надання новым вуліцам наступных назваў:
«вулiца Маскоўская» («улица Московская»);
«вулiца Пятра Баграціёна» («улица Петра Багратиона»);
«вулiца Івана Айвазоўскага» («улица Ивана Айвазовского»);
«вулiца Георгія Жукава» («улица Георгия Жукова»).
Ніхто з іх з Драгічынам не звязаны, а да Масквы ўвогуле 1000 км. Для паўнаты ашчушчэній бракуе хіба што вуліцы Мураўёва ды якой Серпухаўскай ці Каломенскай.

У сувязі з гэтым прапануем вам падпісаць петыцыю з просьбай ушанаваць у гарадской тапаніміцы выдатных ураджэнцаў краю, а не выдзіраць выпадковых асоб з расійскага пантэона.

Дасылаць свае асобныя звароты таксама можна па электронным адрасе drgrik@brest.by, альбо па фізічным адрасе па спасылцы, альбо праз форму электронных зваротаў на сайце.

#тапаніміка #русіфікацыя #Драгічын
https://petitions.by/petitions/5007 Адкрыць / каментаваць

2021-07-10 19:11:36 У Драгічыне (Берасцейская вобласць) прапануюць назвы для новых вуліц. Ідзе абмеркаванне.

Відаць, прапанова па назвах прыйшла з метраполіі:

Проектируемым улицам в квартале индивидуальной жилой застройки в границах улиц Ленина, Брестская, Белова в г. Дрогичине предлагается присвоить следующие наименования:

проектируемой улице № 1 – «вулiца Маско'ўская» (на белорусском языке), «улица Моско'вская» (на русском языке);

проектируемой улице № 3 - «вулiца Пятра' Багра'ціёна» (на белорусском языке), «улица Петра' Багра'тиона» (на русском языке);

проектируемой улице № 4 - «вулiца Іва'на Айвазо'ўскага» (на белорусском языке), «улица Ива'на Айвазо'вского» (на русском языке);

проектируемой улице № 5 - «вулiца Гео'ргія Жу'кава» (на белорусском языке), «улица Гео'ргия Жу'кова» (на русском языке).

Проектируемой улице № 10 в квартале индивидуальной жилой застройки в северо-западной части г. Дрогичина предлагается присвоить наименование «вулiца Маско'ўская» (на белорусском языке), «улица Моско'вская» (на русском языке).

Невядома, ці прыслухваецца яшчэ хто ў кабінетах да меркаванняў беларусаў, але свае заўвагі і назвы можна прапаноўваць да 10 жніўня, што вам раім зрабіць.

Звароты пісаць па электронным адрасе drgrik@brest.by, альбо па фізічным адрасе па спасылцы, альбо праз форму электронных зваротаў на сайце

http://drogichin.brest-region.gov.by/index.php?option=com_content&view=article&id=76971%3A2021-07-09-06-08-32&catid=732%3A2012-11-01-07-09-18&Itemid=2733&lang=ru Адкрыць / каментаваць

2021-06-22 19:27:38 Далучайся да марафону агучвання сказаў па-беларуску. Гэта дапаможа распрацаваць алгарытм распазнавання беларускага маўлення.

Зайдзі на https://commonvoice.mozilla.org/be

Пачынай начытваць сказы. Гэта можна рабіць нават з тэлефона без рэгістрацыі.

Правярай начытаныя іншымі сказы. Адкрыць / каментаваць

2021-06-17 20:01:34 Палітвязня Валадара Цурпанава ўжо двойчы адпраўлялі ў карцар за просьбу, каб турэмшчыкі з ім гаварылі па-беларуску

Што вядома пра гэтага чалавека, мантажніка з Магілёва?

https://nn.by/?c=ar&i=274680 Адкрыць / каментаваць

2021-06-12 17:31:35 У новай школе каля Новай Баравой набіраюць беларускамоўны першы клас

У сярэдняй школе №1 вёскі Копішча (гэта літаральна 200 метраў ад края Мінска) адкрываецца першы клас з беларускай мовай навучання. У першую чаргу арыентуюца на дзяцей з вёсак Баравая, Дроздава, Копішча, Валяр’янава і пасёлка Сонечны. Адкрыць / каментаваць

2021-06-10 15:28:22 Чысткі ў Магілёўскім універсітэце: прымусілі сысці ўжо трох беларускамоўных выкладчыкаў

Усе трое яшчэ год назад віселі на дошцы гонару ВНУ, а цяпер аказаліся непатрэбнымі.

https://nn.by/?c=ar&i=274319 Адкрыць / каментаваць

2021-06-09 15:10:42 Сёння, 9 чэрвеня, спаўняецца 140 гадоў з дня нараджэння Івана Луцкевіча, аднаго з пачынальнікаў беларускага нацыянальнага руху. Разам з братам Антонам ён быў ініцыятарам абвяшчэння незалежнасці Беларускай Народнай Рэспублікі. Адкрыць / каментаваць

2021-05-21 22:15:27 У шклоўскай калоніі памёр грамадскі актывіст і палітвязень Вітольд Ашурак. Яму было 50 гадоў.
Вечная памяць Адкрыць / каментаваць