Белсат

2023-06-06 20:00:38 СТРЫМ. «Аб'ектыў» + «Студыя Белсат» – галоўныя падзеі дня!

У сённяшнім выданні абмяркуем:

Падрыў Кахоўскай ГЭС. Абмяпкуем здаоэнне з вайсковымі і экалагічнымі экспертамі.

12 гадоў прысудзілі Яне Пінчук.

Візіт Святланы Ціханоўскай у Вену, Абмяркуем з Франакам Вячоркам.

У Міжнародным судзе разглядаюць пазоў Украіны, у якім яна патрабуе пакаранняў для Расеі.

Экалагічныя наступствы вайны ў цэнтры увагі кліматычнай канферэнцыі ў Боне.

Вынікі візіту Святланы Ціханоўскай у Аўстрыю.


Адкрыць / каментаваць

2023-06-06 19:44:04 Навошта расейцы ўзарвалі Кахоўскую ГЭС?

Ці зможа тэхнагенная катастрофа паўплываць на лінію фронту і чаму гэта можа прывесці да аварыі на Запарожскай АЭС?

У новым выданні праграмы «НАЦЫЯНАЛЬНАЯ БЯСПЕКА», вайсковец Сяргей Бульба і журналіст Яраслаў Сцешык абмяркуюць жудаснае разбурэнне Кахоўскай ГЭС:

Адкрыць / каментаваць

2023-06-06 19:25:57 Да двух гадоў калоніі асудзілі назіральніка за «выбарамі» 2020-га

Як стала вядома праваабаронцам, 8 лютага суд пазбавіў волі Андрэя Навасельчана на 2 гады за нібыта абразу ўладаў і Лукашэнкі.

Андрэй працаваў інжынерам, а падчас так званых выбараў-2020 быў незалежным назіральнікам. Суддзя Уладзімір Пазняк таксама пакараў мужчыну кампенсацыяй маральнай шкоды. Адкрыць / каментаваць

2023-06-06 19:00:48 Адкрыць / каментаваць

2023-06-06 18:42:44 Арына Сабаленка ўсё ж выказалася пра вайну і Лукашэнку

На прэс-канферэнцыі пасля матчу спартсменка заявіла: «Я не падтрымліваю вайну, а значыць не падтрымліваю Лукашэнку наўпрост цяпер».

Цікава, што азначае загадкавае «наўпрост цяпер»? Адкрыць / каментаваць

2023-06-06 18:36:45 Не Беларусь, а Славенія зойме месца непастаяннага члена Рады Бяспекі ААН на 2024-2025 гады ад усходнееўрапейскай групы

Гэтак было вырашана сёння шляхам галасавання ў штаб-кватэры Рады Бяспекі ААН у Нью-Ёрку. Адкрыць / каментаваць

2023-06-06 18:13:45 Якую ролю выконвала Кахоўская ГЭС для ўкраінскай энергетыкі?

Што за падрывам ГЭС можа хаваць Расея?

Як і навошта раней разбуралі ГЭС і колькі часу сыходзіла на аднаўленне?

Давайце зірнем на тое, што адбылося з гістарычнай кропкі гледжання. Як было раней і што можа быць зараз – чытайце ў нашым матэрыяле.

Праз VPN Без VPN Адкрыць / каментаваць

2023-06-06 17:28:59 Нечакана, але факт: Шайгу агучыў лічбы расейскіх стратаў

За тры дні Расея страціла 71 чалавека забітым і 210 параненымі, падбітыя 15 танкаў, 9 БМП. 2 машыны і 9 гарматаў.

Акрамя таго, ён распавёў яшчэ і сваю версію ўкраінскіх стратаў за той жа час:

Да 3715 вайскоўцаў, 52 танкі, 207 БМП, 134 машыны, 5 самалётаў, 2 верталёты, 48 гарматаў і 53 дроны.

Апошні раз статыстыку па ўласных стратах расейскі бок агучваў у верасні 2022 года. Адкрыць / каментаваць

2023-06-06 17:16:18 З кожным днём усё больш «экстрэмізму»: у Беларусі зноў папоўнілі «спіс экстрэмісцкіх матэрыялаў»

Калі вы чытаеце ці распаўсюджваеце наступныя матэрыялы – па версіі беларускіх сілавікоў вы «экстрэміст» (на самой справе не):

Telegram-каналы і чаты «Комітет Спротиву /// Resistance Committee», «Free Belarus Center UA», «Беларусь одной строкой»;

Суполкі ў «Аднакласніках» «1 регион. Брест и область», «БЕЛАРУСЬ ПОЛЬША», «Беларусь падзеi», «Беларусь события и аналитика 1 регион»;

Instagram-старонка «prezident.sveta»;

YouTube-канал, суполка ва «Укантакце» і лагатып праекту «Беларуская Турма»;

TikTok-старонкі «жыве Беларусь», «belorussian men», «жыве Беларусь», «жыве Беларусь»;

відэа «Позывной Анджэй – Батальон Кастуся Калиновского»

Таксама экстрэмісцкімі ў квадраце сталі нашыя відэа: Дарэчы, паглядзіце іх!

«Ён збярог хлопцаў, а сябе – не»: баец палка Калiноўскага| «Он уберег ребят, но не себя»

«Одному усатому му#@ку не захотелось оставлять свое кресло»: калиновец Анджей / Воины» Адкрыць / каментаваць

2023-06-06 17:03:24 Беларуска Арына Сабаленка перамагла ўкраінку Эліну Світоліну ў 1/4 фіналу Roland Garros. Пасля матчу тая не паціснула Сабаленцы руку

Прадстаўніца Беларусі, якая цяпер займае другі радок у сусветным жаночым тэнісным рэйтынгу, перамагла ў двух сэтах, скончыўшы абодва з лікам 6:4 на сваю карысць.

Пасля заканчэння матчу Эліна Світоліна не стала ціснуць Сабаленцы руку. Што, зрэшты, не стала сюрпрызам – напрыканцы красавіка Світоліна адмовілася таксама ад рукапаціскання з іншай беларускай Аляксандрай Сасновіч пасля прайгранага матчу на турніры ў Мадрыдзе. Адкрыць / каментаваць