2021-07-20 19:42:18
Қайыр бар шығар
(Рәўаятдан)
Бир патша жасапты аты биймәлим,
Оның бас ўәзири екен бир алым,
Аң аўлаў әдети екен патшаның,
Ўәзирлери менен гезип жер шарын.
Патшаның бар екен алмаз пышағы,
Оқ жай оғын жонып иши қызады,
Ўақ ай деди ыңырсып күтпеген жерде,
Бас бармақ жулынды қанға қызарды.
Ҳәмме барды жетип патша қасына,
Қолын байлап атыр тәўип асыға,
Бас ўәзир айтды тәселле берип,
Бул исте бар шығар қайыр басыңа.
Қайыр бар дегенди еситкен гезде,
Патша ашыўланды қәҳәрли көзде,
Табалап турсаңба мынаўда сөзбе,
Бас бармақтан айрылып қыйналған жерде.
Буйрық берди бас ўәзирди қамаңлар,
Ол жатқан зинданнан хабар алмаңлар,
Деген пәрманына ўайымға түсип,
Ўәзир жоқ қапа болып алаңлар.
Зиндан болса зиндан қарсылығым жоқ,
Бул қамақта маған қайыр бар шығар,
Кеўлим кең сарайдай таршылығым жоқ,
Бул қайырда маған Аллам яр шығар.
Айлар өтди зырғып қысы жазлары,
Патшаға келди нөкерпазлары,
Аң аўлап саяхат қылмай қойдыңыз,
Кеўил жазып қайтың деп жолға сазлады.
Қурал сайман тулпар бәри тақланды,
Ўәзирлери менен патша атланды,
Көлде балық услап дүзде қус атып,
Саяхатда дәўран сүрип шадланды.
Қызық қызық пенен кийик қуўалап,
Узақ узақлардан өтди қыялап,
Тап болды тайпаға тоғай ишинде,
Жабайы адамлар алды қоршалап.
Диний мәресими екен олардың,
Буларды услап алған топардың,
Қурбан ҳайтқа адам шалады екен ,
Депти булар жибергени жоқардың.
Көз жас жағдайыңа қарамас екен ,
Арық майып шолақ жарамас екен ,
Бас бармағы жоқ патшаны көрип,
Қурбанлық қылыўға санамас екен.
Аман қалып патша елине қайтды,
Аллаға тәңирге мың тәўбе айтды,
Қайыр бар деген ўәзирди ойлап,
Сарай шетиндеги зинданға тартды.
Қайыр бар деген сөзди баслады,
Ўәзирине патша сораў таслады,
Сен айтқандай мени аман сақлады,
Ал өзиң айтшы көрдиң не қайыр.
Күлип турып ўәзир айтды сол ўақта,
Қайыр сол тыныш жатдым қамақта,
Сениң менен аңға менде барғанда,
Қурбанлықға кетер едим сол жақта.
Күнине көрсеңде мың бир қәсирет,
Қайырын берсин деп текте шүкир ет,
Қырық жыл қырғын саўаш болсада,
Жүрими барларды сақлар керемет.
Автор Жаңабай Анетеев.
@ADEBIYAT_QR
364 views16:42
Қ
