Қарақалпақ Әдебияты

2022-08-28 14:24:19 Ázzi ģana kewilim ushın

Ózime  isenim qalmadı
Tapsırdım qolıńa erkimdi
Isengen kewiller aldadı
Tıńlayın, tańlayın men kimdi?

Túnde dártles bolģan juldızlar
Kúndiz jalģız qaldırģanında
Sol bir "Ay" dı taba almadım
Quyash nurı jandırģanında

Men heshkimdi aqlay almadım,
Qaralawģa jetpedi kúshim.
Sezimimdi jaqlay almadım,
Hesh bolmasa, kewilim ushın.
Ázzi ģana kewilim ushın...

Avtor Gózzal Jumamuratova
Iyun, 2021

@G_Xalmuratovna_1024
@ADEBIYAT_QR Адкрыць / каментаваць

2022-08-28 00:47:02 Оқыўға кирген студентлерди каналымыз атынан қутлықлаймыз! Адкрыць / каментаваць

2022-08-27 18:51:55 #Дыққат Шахсарай, Эдисонның қасларынан квартира (кирей) керек. 2 яки 3 ханалы. Экономфак менен Юрфакка жақын. Шартнама дүзиледи. Адкрыць / каментаваць

2022-08-27 18:48:20 #Дыққат

Шахсарай, Эдисонның қасларынан квартира (кирей) керек. 2 яки 3 ханалы. Экономфак менен Юрфакка жақын. Шартнама дүзиледи. Адкрыць / каментаваць

2022-08-19 20:02:55 Адкрыць / каментаваць

2022-08-19 18:29:33 ЖАЛҒАН ДҮНЬЯ АЙТ КИМЛЕРДЕН ҚАЛМАҒАН



Муңы да бар, бәрҳә шадлы болмаған,
Бес күн дүнья, ҳеш ким алты қонбаған.
Деми питсе аманатын жоллаған,
Жалған дүнья айт кимлерден қалмаған.

Онбес қара, он бес жақты түни бар,
Бул пәлектиң жумбақлы көп үни бар.
Сени таслап сеннен аўар күни бар,
Жалған дүнья айт кимлерден қалмаған.

Патша өткен әрман менен жасаған,
Шопан кеткен шөлистанда жас адам.
Тәўип өткен сүйеў таўып ҳасадан,
Жалған дүнья айт кимлерден қалмаған.

Наўқас саўма қарамайды ҳешинен,
Биреў ерте биреў кетер кешинен.
Өмир кәрўан түс дер: бир күн көшинен,
Жалған дүнья айт кимлерден қалмаған.


Автор Жаңабай Анетеев

@J_Aneteev
@ADEBIYAT_QR Адкрыць / каментаваць

2022-08-17 20:20:16 Student bolģır dep ģarģań*

(*abiturent zarı yaki házil-shın aralas sózler )


Kóp kúydirip búldirsem,
Ğarģa, meyli razıman.
Abiturent atınan,
Qutılģaysań dep ģarģań.

Ala bersem tınıshıń,
Keshiktirsem jumısıń,
Usı jıldan qaldırmay,
Student bolģır dep ģarģań

Úsh paraģa shıdamay,
Qıynalıp júr dep ģarģań.
NB alıp hármanda
Sıylanıp júr dep ģarģań.

Student asxanasına
Kúniń qalsın dep ģarģań
Taksilerge pul qıymay,
Piyada júr dep ģarğań.

Leksiyada uyqı basıp,
Zorģa otır dep ģarģań.
Marshirutlarģa talasıp,
Minip júrgil dep ģarģań.

Usı jıldan qaldırmay,
Student bolģır dep ģarģań...
***
Meyli usı azaplar,
Nesip etsin maganda.
Studentlikke jetsin, dep
Meyli garģamasań da
Aytıp turıń duwada!

Avtor Gózzal Jumamuratova
2020-jıl

@G_Xalmuratovna_1024
@ADEBIYAT_QR Адкрыць / каментаваць

2022-08-17 15:23:56 Кепин геда ҳалларға мен тез-тез түстим,
ал, өзгелер Қарун байдай байыр болды.
Дийўанайы Машраб етти мени ышқым –
Мен Қудайдың жазғанына қайыл болдым.

«Шайыр – тентек, Асан қайғы, шайыр – надан» –
Мен туўралы өсек-ғыйбат тайын болды.
«Көзлерине жин көринген – Мәжнүн адам» –
«ақылсызлық байлықлары» пайым болды.

Ышқы дейип жанғанлардың ақлы кемис –
бул жолларда мен ақылы зайыл болдым.
Ақлыданыш болғанлығым ушын емес,
ақылымның жоқлығынан шайыр болдым…

Автор Бахтыяр ГЕНЖЕМУРАТОВ

@ADEBIYAT_QR Адкрыць / каментаваць

2022-08-15 19:31:03 Өкиндим

Бүгин,
жүрегим дым, аўырды қатты,
Көз жасқа қағазым малынып жатты,
Қандай от кетирер қәлемде татты,
Өкинип отырман жазғаным ушын.

Алланың сыйы ма, бул я гунасы?
Адасып берген-аў, маған қулласы,
Ахыры қосыққо ең пәк биязы,
Арасат бийлеп тур жазғаным ушын.

Биреўдиң дәртлерин алғаның менен
Биреўге сөзлериң келеди мәлел,
Я адам баласы сондайма әзел?
Өкинип отырман жазғаным ушын.

Тиймейди қорықпаң көклерге бойым,
Жулдызлық күсемес ҳеш қашан ойым,
Қосығым менен мен тиримен қойың,
Жылатпаң...
жылатпаң...жазғаным ушын.

Шайырлық даўам жоқ түсиниң ахыр,
Маған айып тақпаң
жазғаным ушын...

Автор Зульфия Жийемуратова

@zulfiya_qosiqlari
@ADEBIYAT_QR Адкрыць / каментаваць

2022-08-15 16:54:11 ЖАЗҒАНЫҢ УШЫН

Жүрек ҳәмиринен шықпаған хатты,
Жазғанда жүрегиң аўырар қатты,
Тек маған, тек маған қаттыға батты,
Өкиниш хатларды жазғаның ушын.

Алланың сыйы бул илҳам периси,
Инсанға йош берер оның желиси,
Қуўаныш ҳәм қайғы пинҳам келиси,
Шайырсаң қағазға жазғаның ушын.

Сөзлердиң ишинен тек дүрин терсең,
Йош берер қосығың, зейиннен илсең,
Гейде биреўлерге дәрт берер билсең,
Жүректи тыңламай жазғаның ушын.

Халқың шайыр десе, шайыр боласаң,
Мәртебе берилмес, өзиң сорасаң,
Мен билемен жулдыз болып қаласаң,
Қанатлы қосықлар жазғаның ушын.

Автор Абдиқадир Қайыпов

@Abdiqadir_Qaypov
@ADEBIYAT_QR Адкрыць / каментаваць