Віцебская Вясна

2022-01-05 19:45:31 Аршанца Сяргея Парфяненкава асудзілі на 2,5 года «хіміі» за абразу супрацоўніка ДАІ (арт. 369 КК). Напісаў у каментары слова "мразь".

Рашэнне аб пакаранні прымаў суддзя Дзмітрый Разумовіч.

https://bit.ly/3JJPcBm Адкрыць / каментаваць

2022-01-04 16:31:51 Лукашэнка звольніў 5 суддзяў у Віцебскай вобласці, некаторых – з уласнага жадання. Напрыклад, Андрэя Шыдлоўскага, якому журналіст "Белсату" пасля працэсу над ім падарыў антыўтопію Орўэла "1984". Можа, прачытаў?..

А вось некаторыя суддзі пайшлі на павышэнне...

https://bit.ly/3FVCQ6O Адкрыць / каментаваць

2022-01-04 13:29:52 «Бязглуздзіца і невядомасць». 68-гадовую палітзняволеную Эму Сцепулёнак перавялі ў СІЗА-2 Віцебску.

Былая настаўніца з Мёраў засталася адна ў Беларусі. Вельмі патрэбная падтрымка лістамі! Яе абвінавачваюць па арт. 130 і 369 КК (справа Зельцара).

https://bit.ly/3JDSKF2 Адкрыць / каментаваць

2022-01-04 12:15:11 У снежні паводле "пратэставых" артыкулаў у Віцебскай вобласці было асуджана 12 чалавек. Ва усёй Беларусі - як мінімум, 210 чалавек.

Агулам тэрмін пакаранняў склаў 284 гады і 6 месяцаў!!! Толькі ў снежні 2021-га. Такую статыстыку падае ПЦ "Вясна".

https://bit.ly/3ENkNOB Адкрыць / каментаваць

2022-01-03 14:22:53 #FreeViasna: Тыднёвы агляд навінаў пра зняволеных праваабаронцаў «Вясны»

Алесь Бяляцкі, Леанід Судаленка і Марфа Рабкова даслалі віншавальныя паштоўкі: «Няхай назаўжды ад нас сыходзіць Карона і ў краіну вяртаецца канстытуцыйная законнасць. Усё іншае беларусы здабудуць сабе самі»;

Таксама Леанід Судаленка чакае разгляду апеляцыйнай скаргі ў судзе, які прызначаны на 14 студзеня, і «маральна гатовы да любога павароту падзей»: «Жыву апеляцыяй, хаця, гледзячы на апошнія выракі, думаю, што і мой «бязмежны» акт правасуддзя зацвердзяць. Значыць, напрыканцы студзеня паеду ў лагер. Куды не ведаю, але гэта і не важна. Усё, што важна, ад мяне не залежыць, як і ад усіх нас»;

Уладзь Лабковіч апісвае свае музычныя захапленні і просіць дасылаць яму вершы, тэксты песен і цікавыя пераклады на беларускую мову: «Вы нават не ўяўляеце, што мне тут даводзіцца слухаць. У нас тут толькі тэлевізар, і я нават ня ведаў, што такая музыка існуе. Рэп — гэта жах жахлівы. А вось панк мне падабаецца, але такі стары олдскульны». Адкрыць / каментаваць

2021-12-30 18:51:34 «Вясна» будзе вечна» – матэрыялы праваабаронцаў-вясноўцаў прызналі экстрэмісцкімі. Што для іх зменіцца?

Каментар праваабаронцы Паўла Сапелкі:

https://bit.ly/3HtCpkB Адкрыць / каментаваць

2021-12-29 09:52:00 З віцебскай калоніі «Віцьба-3» выйшаў на свабоду палітвязень Дзяніс Дземух.

22-гадовы хлопец знаходзіўся ў няволі амаль 15 месяцаў. Быў асуджаны на паўтара года зняволенння паводле арт. 342 КК.

https://bit.ly/3JqePXr Адкрыць / каментаваць

2021-12-27 18:34:00 Барыса Хамайду зноў затрымлівалі: супрацоўнікі МУС забралі ў яго 12 кніг.

Хамайда падлічыў, што ў Чыгуначным РАУС Віцебску ляжаць ужо 25 кніжак, адабраных у яго падчас затрыманняў...

https://bit.ly/3FzKenY Адкрыць / каментаваць

2021-12-27 17:03:26 Віцебская пракуратура і ўпраўленне ДВП МУС адмовіліся рэагаваць на парушэнні правоў палітвязня Валадара Цурпанава, які адбывае пакаранне ў калоніі Віцьба-3 пад Віцебскам.

Да палітвязня не даходзяць лісты і бандэролі, яго пазбавілі права на доўгатэрміновае спатканне.

https://bit.ly/3HgvRFS Адкрыць / каментаваць

2021-12-26 18:34:51 Анатоль Каханчык: "Я ў шпіталі, адміністрацыя ІЧУ афіцыйна зняла з мяне арышт".

Але адміністрацыйная справа за расфарбоўку хаты ў бел-чырвона-белыя колеры і прысуд па ёй (25 сутак) не спыненыя. Анатоль Каханчык трымаў у віцебскім ІЧУ сухую галадоўку.

https://bit.ly/3H7AfXm Адкрыць / каментаваць