Віцебская Вясна

2021-11-24 12:48:28 Два гады «хатняй хіміі» за адно слова ў «Аднакласніках».

Мінчанка Таццяна Козак напісала ў каментары слова "свіння", нібыта на адрас ДАІшніка Светлагорскага РАУС Андрэя Баграёнка. Прысуд агучыла суддзя Наталля Бугук.

https://bit.ly/32vRQcL Адкрыць / каментаваць

2021-11-23 22:37:26 «Скамячыў гэтае палотнішча і выкінуў яго». Віцябляніна судзяць за здзек над афіцыйным сцягам.

Дзмітрыю Карпінскаму пагражае да 1 года калоніі. Ён прызнаў віну часткова.

https://bit.ly/3FFnZgb Адкрыць / каментаваць

2021-11-23 18:21:01 «Жыве Фландрыя!» У тэатры імя Якуба Коласа за гэтую фразу забаранілі спектакль «Ціль».

Прэм'ера адбылася 21 лістапада і была прымеркаваная да 95-годдзя тэатру. Але пасля прэм'еры пастаноўку знялі з рэпертуару.

https://bit.ly/3xhnN3H Адкрыць / каментаваць

2021-11-23 16:21:02 Футбольных заўзятараў з Мазыра прысудзілі да пазбаўлення волі.

Суддзя Галіна Кніжонак пакарала Данііла Скіпальскага, Аляксандра Сузько, Паўла Дворака, Аляксандра Цімашэнку пазбаўленнем волі тэрмінам на тры гады ў калоніі агульнага рэжыму, Кірыла Канапацкага пазбаўленнем волі на тры гады і шэсць месяцаў.

https://bit.ly/3oMTNJe Адкрыць / каментаваць

2021-11-23 09:39:00 Дубровенская актывістка Наталля Стрэльчанка дамаглася ўстаноўкі пандусу ў судзе, дзе яе неаднаразова судзілі.

Пачала пісаць скаргі яшчэ ў 2019-м. І нарэшце - дабілася. "Вось як сабе шыкоўны рамонт у кабінеце зрабіць – дык на гэта ім і грошай народных не шкада, і жадання не бракуе!"

https://bit.ly/3cJJSyg Адкрыць / каментаваць

2021-11-22 18:53:57 Палітзняволенага актывіста з Гомеля Яўгена Маркаўца асудзілі да 1,5 года калоніі за шэсць каментароў у тэлеграм-чатах.

Сярод іх – «Час узгадаць партызанскія традыцыі продкаў, дзейнічаць таемна», «Час замыкаць дротам чыгуначныя шляхі. Калі масава, гэта эфектыўна» ды іншыя.

https://bit.ly/3CK2BV4 Адкрыць / каментаваць

2021-11-22 12:52:38 Палітвязень Ігар Банцэр выйшаў з ШІЗА, дзе правёў 20 сутак.

У сераду 24 лістапада мае адбыцца суд, які канчаткова вызначыць, ці будзе пакаранне замененае на больш жорсткае і ці адправяць музыку ў калонію.

https://bit.ly/3cCr3gw Адкрыць / каментаваць

2021-11-20 19:14:57 На 15 сутак за краты кінулі гаспадара БЧБ-хаты Анатоля Каханчыка.

Чырвоную паласу на ягоным доме замазалі карычневай фарбай.

https://bit.ly/3HAXF8V Адкрыць / каментаваць

2021-11-19 22:29:12 Барыс Хамайда: «Мо прынялі мяне за сірыйца ці курда, але ж я ў Віцебску нарадзіўся».

Дысідэнта і найстарэйшага прадстаўніка дэмакратычнага руху ў Віцебску затрымалі і даставілі ў Чыгуначны РАУС на прафілактычную размову. Усе кнігі адабралі, каб праверыць "на наяўнасць экстрэмізму". Хамайду трымалі ў пастарунку больш за тры гадзіны.

https://bit.ly/3Cui8rX Адкрыць / каментаваць

2021-11-19 15:45:56 На 2900 рублёў аштрафавалі віцяблянку Александрыну Міхаложыну за графіці «3%» на «Табакерцы».

Такое рашэнне сёння агучыла суддзя Наталля Карабліна. Прысуд не набыў законнай моцы.

https://bit.ly/3DzB0aw Адкрыць / каментаваць