Қарақалпақ Әдебияты

2022-06-30 07:33:06 Ўатанға перзентлик ант

Бир қысым топырағыңа тамшы қан тамса,
Қуламас шынарың сынса шақадан,
Я бир шаңарағың жалынлап жанса,
Тек, мен айыплыман, жазала Ўатан!

Жайыңнан бир гербиш қуласа жерге,
Я жер таянып қалса ақ шашлы атам,
Бир бөбек бесиксиз жыласа егер де,
Тек, мен айыплыман, жазала, Ўатан!

Бир ана жоғалтса перзент дийдарын,
Егер тутар болса бир гоззал матам,
Жалғыз бағ сағынса өз қарыйдарын,
Тек, мен айыплыман, жазала, Ўатан!

Бир қыснақ соқпақта излер жоғалса,
Я қаңырап қалса бир мектеп, бир там,
Мөлдир булағыңнан шықса қоланса,
Тек, мен айыплыман, жазала, Ўатан!

Ғаўғасыз түниңе түссе ғалаўыт,
Бул шадлы күнинде күлмесе адам,
Тулғаңа болмасам қалқан ҳәм саўыт,
Тек, мен айыплыман, жазала, Ўатан!

Автор Кеңесбай Рахманов

Дерек: @kengesbai
@Merwert_uz

@ADEBIYAT_QR Адкрыць / каментаваць

2022-06-28 23:01:08 Бабамыз Соппаслы сыпыра жыраудын толгауынан

Жуўас елге тиймегил,
Кеўлинде муңлы шер болар.
Ерегисип қоймасаң,
Ызалы ел биригип,
Қылыш алып қолына,
Қатыны да ер болар.
Сениң менен тең болар,
Күшейип кетип ол сеннен,
Етек-жеңиң сел болар.
Камал Мәмбетов, «Қарақалпақ толғаўлары»,Нөкис «Билим» баспасы.1995жыл.108-бет.

ТОЛҒАЎ
Жуўас ел демең елимди,
Қолайлы демең жеримди.
Халқымның жырын жырласам,
Ким тыңламас шеримди?!
Бабаларым мәрт болған,
Кеўлинде мыңсан дәрт болған,
Көп жәбир шегип жаўлардан,
Еркинлик алмақ шәрт болған.
Сонда Ерназар батыры,
Бир өзи мыңға татыры.
Аңсап халықтың ығбалын,
Қурбан еткен өз жанын…
Қорықпай қәўип-қәтерден,
Халықлық туўды көтерген.
Жат елде лашы қалса да,
Халқына «стан» әперген.
Аллаярдай бабамның,
Батырды туўған мамамның,
Урпақлары бизлермиз,
Бүгин Ҳақ жолды излермиз.
Жан берип алған ерикти,
Басымыздағы бөрикти.
Жоғалтпақшы болғанлар,
Тынышымызды алғанлар.
Дүньяға еки келмеспиз,
Еркти қолдан бермеспиз.
Бабамнан мийрас жарлығын,
Суверенлиги барлығын.
Алмақшы болса егер де,
Оятар намыс-ар бүгин.
Еркиме қол салғанлар,
Бизге үстем болғанлар.
Болып халықтың душпаны,
Қара булт болар аспаны.
Сонлықтан елди бүлдирмей,
Өзине сөз келтирмей.
Тезден жойсын қәтесин,
Жыйсын ҳәм де ақыл-есин.
Тиймесин халықтың арына,
Қол қатылмасын барына.
Ығбалына Арал қурып,
Дуз аралас даўыл турып.
Жери шорлап атырғанда,
Усындай иске орын барма?
Келтирмей көптиң ызасын,
Алмасын халықтың мазасын.
Ибрайымдай сыйлаған,
Қарекең өзбек өз ағасын.
Ғайры жолларда көрмесин,
Бирлигин қолдан бермесин.
Мақсети бир болып текте,
Жылқысы таўға өрлесин.
Егер де олай болмаса,
Халқыма қулақ салмаса,
Қатыны,ери бир болып,
Қалмаў ушын қул болып,
Ҳуқықты талап етермиз,
Еркин ел болып кетермиз
Сөйлесем сөздиң мақулын,
Усыны айтар ақылым.
Тумаристиң қаны менен,
Гүлайымның ары менен.
Мәртлик жолды тутарман,
Керек болса қан жутарман.
Арын арлайман халқымның,
Жақыным менен жатымның.
Қәдири жоқ демесин,
Қолымда бар алтынның,
Еркти бермей қолымнан,
Бабалар туўын тутайын!
Жуўас ел ғой бул бир деп,
Бассынбаса халқымды.
Елди қоллаған ерлерди,
Айнымас дос тутайын.
Егер де олай болмаса,
Тирилей гөрде жатайын.
Халқым еркин болмаса,
Суверенлиги қалмаса,
Қарақалпақтың өлгени,
Ерлердиң гөрге киргени!


Автор Гулнара НУРЛЕПЕСОВА 27-июнь, 2022-жыл.

@ADEBIYAT_QR Адкрыць / каментаваць

2022-06-28 19:37:15 "Ақламады исенимди исенген"

Дауыс берип, қолды қойып халайық
"Усы инсан уакилликке ылайық"
Умит етип, исенимди ақлайды
Деген уакил болып шықты налайық.

Сайланарда көп уадени берди ол
Ол хаттеки мутажларга созды қол
Кейин билсек бари жалған көзаба
Мажилисте мази уйқлап қайтты сол.

Сайлаушылар еле умит артыуда
Мумкин улес қосар исенген тулға
Қанша куткен менен қуры уадеден
Арман қарай басалмады хеш алға.

Сайлаушылар бармақ тислеп қалыпты
Умитлери пушқа шығып жаныпты
Мажилисте қаралса қай маселе
Барлық уакил қол көтерип салыпты.

"Май айныса туз саласаң" дер екен
Туз айныса не илажы бар екен
Сонша халық умит еткен уакиллер
Ақламады исенимди исенген.

Автор Адвокат Бабаназаров Муратбай
27.06.2022-ж.

Дерек: https://t.me/maman_advokat_byurosi

@ADEBIYAT_QR Адкрыць / каментаваць

2022-06-28 10:16:20 El arası erlik eken, er eken,
Tas qaladan meniń shólim keń eken,
Saǵınıshtıń shegi joq ǵoy keń dala,
Meni saqlap turǵan sarı jer eken.

Toysam iship Ámiw dárya suwınan,
Jesem meyli qatqan shórek qurı nan,
El saǵınıp, jer saǵınıp tartadı,
Aynalayın seniń sarı qumıńnan.

Gúrtik etip mal jiligin kemirsem,
Kózge jaslar aylanadı korinseń.
Tashkent degen tas qala dep atalsa,
Sen shóldegi qızıp turǵan temirseń.

Qızǵan tilim suwımaydı quyashtan,
Qaraqalpaq sen tuwılǵan elimsen.
Shayır degen atım qalmas máńgige,
Eger sennen ayra túsip bólinsem.

Avtor Muhammeddiyin Aytjanov.
Qara sóz piri. 26.06.2022. Tashkent.

@Aytjanov_Muhammeddiyin
@ADEBIYAT_QR Адкрыць / каментаваць

2022-06-28 02:11:15 Негедур уйқы жоқ.

Көриўиңизди қәлер едим.







@ADEBIYAT_QR Адкрыць / каментаваць

2022-06-28 01:25:11 Билдирип атырған пикирлериңиз ушын рахмет. Актив болың. Бийпарўа болмаң! Қоллап-қуўатлап отырамыз. Адкрыць / каментаваць

2022-06-27 23:37:29 Ne sóziń bar dúnya Qaraqalpaqqa!

Ne sóziń bar dúnya Qaraqalpaqqa!
Azsınıp, bassınar xalıq bildiń be?
Ándiysheni shıģarģanlar qorqaqqa,
Ótmishke kóz jumıp, hálsiz kórdiń be?

Biz saģan ótpeyik tariyx sabaģın,
Tilde dástan bilseń "ápsanalarım".
Aģar qanı, shıģar janı biraģı
Watanın bermeydi Qaraqalpaģım!

Mártligi tek "til"de, "bilek"te emes,
Joqarı insaniy pazıyletinde!
Jawģa qarsı alıp barsa da gúres,
Ózi barıp hesh tiymegen ázzige.

Húrmet etken biradar, dos - yaranın,
Hám biledi óz qádirin, izzetin.
Onnan sora, ol beredi juwabın,
Bir sheshimge kelme almay sáwbetin.

Teńler menen teń milletim, hár xalqım,
Erkinligim - bas baylıģım hám baxtım.
Biz qorģaymız, tiri tursaq áwladlar!
Jańla gimnim, jelbireyber bayraģım!!!

Tegin yáki sıylıq emes kimnendur,
Dosnazarov gúresken namıs ol "stan"
Arsız jasaw ólimnen de tómendur,
Mángi jasa, mángi - Qaraqalpaqstan!!!

Avtor Gózzal Jumamuratova
27.06.2022

@G_Xalmuratovna_1024
@ADEBIYAT_QR Адкрыць / каментаваць

2022-06-27 23:26:06 ДЕПУТАТ ЗУХРА РЕЙМОВАҒА

Сен ана едиң ғой мейрибан ғамхор
Жәннетлер аяғы астында қалған
Перзенти жығылса набада жерге
Хәттеки өз жанын отларға салған

Қәдирлисең, уллысаң тәрийпи теңсиз
Сол ушын Уатанды анаға теңер
Анасы бар қартаймайды билсеңиз
Анасы бар өмирде бәринде жеңер

Сондай уллы атқа дақты түсирип
Елиңди арасат жолда қалдырдың
Атыңа сөгис хәм нәлет өсирип
Бир миллетти неге хақтан жандырдың

Алтын көрсе периште жолынан шығар
Не уәдеге уштың, ким қандай уғар
Атылған таслардан перзентлериңде
Көшеге шығалмай қалғанда шығар

Неге қозғау салдың еркинлигиме?
Неге миллет анасы бул исти ислер
Сонша ер азаматлар бетлемедиме
Сениң бул исиңе ғышырлар тислер

Ерназарды ер қылған Қумар аналар
Аллаярды шер қылған Қумар аналар
Өз перзентин еркинликтен айырған
Бул исиңди хошламай жылар аналар

Автор Бийбиайым Айтмуратова Қоңырат р/н

@ADEBIYAT_QR Адкрыць / каментаваць

2022-06-27 23:23:47 Мен Шамуратов Азамат канал жүргизиўшиси http://Meningkonstitutsiyam.uz сайтында даўыс бердим. 1341 қысқа номерине қоңыраў етип усыныс билдирдим. Сизлерди де усыған итибарсыз, бийпарўа болмай даўыс бериўиңизди сорап қаламан.


@ADEBIYAT_QR Адкрыць / каментаваць

2022-06-22 15:16:30 Сонша қыйыншылық көрдиң,
Алла берсин мийнетиңди.
Өйткени ол билип атыр,
Сениң ҳадал мийнетиңди.

Исенемен, мен усыған,
Алла өзи қарасады,
Студентлик деген бахыт,
Саған сондай жарасады.

Бәрше абитуриентлерге Алла Таала нәзери түсип жоқары оқыў орнына кириўине тилеклеспен. Ҳүрмет пенен
Шамуратов Азамат

Өтиниш сүўретти булдирип тасламаң!!! Бояп өзгертип, монтажлап ҳ.т.б лар менен.

t.me/adebiyat_Qr Адкрыць / каментаваць