sekktor | магчымасці для культурных і творчых людзей Беларусі

2022-06-09 11:52:44 Конкурс на… рэзідэнцыю ад NYX Hotel Warsaw для маладых крэатараў/-к гарадской прасторы

NYX Hotel Warsaw запрашае мастакоў да ўдзелу ў конкурсе «NYX Hotel - Art Lives Here», прызам у якім з'яўляецца трохтыднёвая мастацкая #рэзідэнцыя ў цэнтры Варшавы.

Для каго: #мастакі з Польшчы і суседніх краін / Балтыйскага рэгіёну, якія працуюць з фарматамі: #жывапіс, #малюнак, #скульптура або #фатаграфія.

Рэзідэнт(к)ам будзе забяспечана мастацкая студыя і прадметная падтрымка журы і амбасадараў конкурсу, а праграма завершыцца прэзентацыяй прац, створаных удзельнікамі і ўдзельніцамі. Адзін з іх, абраны галасамі інтэрнэт-карыстальнікаў, будзе набыты гатэлем і выстаўлены побач з работамі іншых вядомых сучасных мастакоў.

Ддл: 3 ліпеня
Даведацца больш

#мастацтва #візуальныя_мастацтвы Адкрыць / каментаваць

2022-06-08 20:52:01 ІІІ Міжнародны #фестываль відэатанца РС – FIVRS 2022, #Бразілія

Конкурс накіраваны на адбор аўдыёвізуальных танцавальных твораў - у шырокім спектры яго значэння. Мерапрыемства праводзіцца праграмай аспірантаў па візуальных мастацтвах (PPGAVI) і Курсу танцаў Федэральнага ўніверсітэта Пелотаса (UFPel) і Фонду Экарты.
Ацэнку і адбор работ будзе праводзіць міжнародная камісія.

Умовы ўдзелу:
- 18+, любой нацыянальнасці;
- Кожны ўдзельнік зможа зарэгістраваць ТОЛЬКІ АДЗІН #відэатанец;
- Відэатанцы, якія выконваюцца ў калектывах, павінны быць зарэгістраваныя адной асобай;
- Прымаюцца пастаноўкі, зробленыя пасля 2020 г.;

Характарыстыкі твораў:
- Вольная тэма;
- да 10 хв,
- павінны ўключаць цітры.

Каляндар адбору на эдыцыю 2022:
Ддл: 13 чэрвеня
Вынік адбору: 22, 20 жніўня
Паказ ECARTA: 1- 11 верасня

Падрабязней
Форма заўякі

#videodance #харэаграфія #танец Адкрыць / каментаваць

2022-06-08 20:27:51 Прымаюцца заяўкі на Sevil - Міжнародны фестываль жаночага дакументальнага кіно, #Азербайджан

Sevil - фестываль незалежнага дакументальнага #кіно з мэтай асветы аб росце гендарных злачынстваў і праблем, а таксама адсутнасць фестывальнай культуры дачытна дакументальнага кіно ў краіне.

Фестываль названы па п'есе Джафара Джабарлі пад назвай "Сэвіль», у якой была засяроджана тэма ролі жанчын, іх прыгнёту, барацьбы і, урэшце, перамогі над даўняй патрыярхальнай традыцыяй у 1928 годзе. Пасля прагляду спектакля многія жанчыны ў Азербайджане таго часу скінулі вэлюм. Таму праз назву фестываль сімвалічна адмаўляецца ад патрыярхальных традыцый і заахвочвае грамадства быць адкрытым на розныя перспектывы.

У праграме Sevil Film Festival прадугледжаны таксама абмен досведам для дакументалістаў/-к, культурны дыялог і шмат іншых магчымасцяў.

Плануюцца ўзнагароды і прызы паводле шэрагу намінацый у межах міжнароднага конкурсу.

Ддл: 15 чэрвеня
Даведацца больш

#дакументалістыка #відэа Адкрыць / каментаваць

2022-06-08 11:15:49 #конкурс_грантаў на стварэнне трансгранічных сюжэтаў для незалежных украінскіх і беларускіх журналістаў, якія пражываюць у вызначаных краінах ЕС

Для каго:
украінскія і беларускія журналісты, якія пражываюць у краінах Балтыі, Вышаградскай чацвёркі (Чэхія, Венгрыя, Польшча, Славакія) і Паўднёвай Еўропы (Грэцыя, Італія і Іспанія).

Пяць грантаў, кожны на суму да 5000 EUR, будуць вылучаныя ў рамках праекта «Ініцыятыва па супрацоўніцтве і расследаванні» (CIJI), які фінансуецца Еўрапейскай камісіяй у рамках Пілотнага праекта «Падтрымка журналісцкіх расследаванняў і свабоды СМІ ў ЕС» (DG CONNECT).

Тэматычныя напрамкі для гісторый:
⁃ правы чалавека і міграцыя,
⁃ дэзінфармацыя,
⁃ экалагічныя злачынствы,
⁃ карупцыя і адмыванне грошай.

Умовы адбору:
Прапанаваная гісторыя павінна быць актуальнай як мінімум для 2-х краін-членаў ЕС (прынамсі адна з якіх пералічана вышэй). Акрамя таго, яна можа быць актуальнай для адной з мэтавых краін ЕС і Украіны, Беларусі ці Расіі.

Прапанаваны матэрыял павінен быць апублікаваны мінімум адным #СМІ, непасрэдна арыентаваным на аўдыторыю ў адной з 10 мэтавых краін праекта.

Члены каманды, якая працуе над гісторыяй, павінны быць як мінімум з 2-х краін-членаў ЕС, прынамсі адна з якіх з'яўляецца мэтавай краінай праекта.

Ддл: 15 чэрвеня.
Даведацца больш

#медыя Адкрыць / каментаваць

2022-06-06 10:16:42 Рэзідэнцыя лічбавага мастацтва ад transmediale і Pro Helvetia

Фестываль transmediale у супрацоўніцтве з Pro Helvetia абвесціў новую праграму рэзідэнцый, якая даследуе тэхналагічныя ўмовы і чаканні рознай маштабнасці, з якіх мы ўспрымаем сусвет.

Фармат: 2-месячная гібрыдная #рэзідэнцыя.
⁃ анлайн - у першы месяц (ліпень/жнівень),
⁃ асабіста ў студыі transmediale у Берліне - на працягу другога (жнівень/верасень).
Для каго: #мастакі/-чкі, практыкі культуры і дызайнеры, якія паходзяць са Швейцарыі або Усходняй Еўропы, альбо знаходзяцца ў іх.

Прадастаўляецца:
⁃ ганарар 1900 EUR штомесяц
⁃ суткавыя і асобная падтрымка вытворчасці.

Арганізатары аклікаюць да праектаў, якія супрацьстаяць, здзіўляюцца, крытыкуюць, прымаюць, адмяняюць, пераасэнсоўваюць і выкрываюць нашу шматузроўневую сучасную тэхналагічную сітуацыю.

Некалькі падказак па тэмах працы:
• Якім чынам мікрамаштабы, якія дзейнічаюць па-за межамі чалавечага ўспрымання, могуць трансфармаваць і ствараць новыя ўяўленні аб грамадстве, культуры і навакольным асяроддзі?
• Як мы можам зразумець ланцужкі здабычы рэсурсаў, працы і алгарытмічнай апрацоўкі, калі іх маштаб выходзіць за рамкі нашага ўяўлення?
• Як сістэмы, інфраструктуры і сеткі спраўляюцца з дадзенымі, аб'ектамі, суб'ектамі або адносінамі, якія не маштабуюцца? Як гэтыя даныя вызначаюцца, збіраюцца і перадаюцца?
• Як тэхналогіі могуць адкрыць магчымасці для новых спосабаў жыцця праз разважанні пра эстэтычныя, палітычныя і эканамічныя аспекты ўзаемасувязі паміж тэхналагічнай інфраструктурай, алгарытмічнымі сістэмамі і кліматычнай катастрофай?

Студыя transmediale - гэта агульная працоўная прастора, у якой можна вырабляць невялікія працы, прэзентацыі і мерапрыемствы.
Вынікі рэзідэнцыі будуць прадстаўлены на фестывалі transmediale 2023.

Ддл: 9 чэрвеня (поўнач, CEST)

Падрабязней (PDF) Адкрыць / каментаваць

2022-06-03 18:18:23 Лабараторыя кампазітараў Zöllner-Roche 2022/23, #Германія

Журы, якое складаецца з выканаўцаў Эвы Зёлнер і Хізэр Рош і кампазітараў Энеслі Блэк і Джорджыны Дэрбес, абярэ 3 кампазітараў, якія напішуць новую п'есу для канцэрта, які адбудзецца ў студзені 2023.
Кожны кампазітар атрымае ганарар 1000 EUR.

Для каго:
⁃ #студэнты-#кампазітары жыхары Германіі або краін па-за межамі ЕС, якія вучацца зараз, альбо скончылі навучанне ў 2020 ці 2021 (трэба будзе прадаставіць копію вашага студэнцкага).
⁃ Узрост любы.

Што падрыхтаваць:
⁃ да 2 партытур і 2 аўдыяфайлаў як прыклады вашай працы,
⁃ кароткае апісанне твора (максімум 200 слоў, ENG).
Ёсць унёсак 5 EUR, але калі плата перашкаджае падаць заяўку, можна звярнуцца на электронную пошту zoellner.roche - at - gmail.com для вызвалення.

Даведацца пра арганізатараў больш можна падчас іх віртуальных майстар-класаў:
⁃ 7 чэрвеня, 17:00 CET, альбо
⁃ 27 чэрвеня, 20:00 CET.
Каб атрымаць Zoom-спасылку, напішыце на ўзгаданы мэйл.

Ддл: 30 чэрвеня

Падрабязней
#музыка Адкрыць / каментаваць

2022-06-03 13:01:01 22 Міжнародны сімпозіум па скульптуры Праканеса на востраве Мармара, #Турцыя

Калі: 22 жніўня - 22 верасня 2022.

Мэта сімпозіума - стварэнне кваліфікаваных сучасных твораў мастацтва, каб пераўтварыць рэгіён ў адкрыты музей паветранай скульптуры, а таксама папулярызаваць выспу Мармара на міжнародным мастацкім полі.

Тэма: культурныя каштоўнасці вострава Мармара.

Запытваюцца функцыянальныя скульптуры, звязаныя з горадам. Выбраныя скульптуры будуць размешчаны ў музеі пад адкрытым небам Мармаравага вострава.

Фінансавыя ўмовы:
⁃ для замежных творцаў: ~125 EUR,
⁃ ўсе артысты-удзельнікі атрымліваюць ганарар у памеры ~1600 EUR.
⁃ Пражыванне, транспарт і харчаванне аплочваюцца аргкамітэтам і муніцыпалітэтам Мармара Адалар.

Ддл: 8 ліпеня
Падрабязней

#скульптура Адкрыць / каментаваць

2022-06-03 11:32:07 Конкурс грантаў «Жанчыны ў тэхналогіях» ад Цэнтра гендарных даследаванняў ЕГУ

Еўрапейскі гуманітарны ўніверсітэт адкрыў конкурс на атрыманне даследчага гранта ў рамках праграмы «Жанчыны ў тэхналогіях».

Для каго: будучыя магістранты/-кі гендарных даследаванняў ЕГУ

«Жанчыны ў тэхналогіях» — адукацыйны і даследчы праект, накіраваны на падтрымку жанчын у #IT-сферы, стымуляванне даследаванняў на стыку тэхналогій і #фемінізм’у, а таксама прасоўванне гендэрнай роўнасці ў сферы высокіх тэхналогій.

Адной з прымальных працоўных тэм з’яўляецца гендарная няроўнасць у ІТ у Беларусі, краінах былога СССР і Усходняй Еўропы (даследаванні механізмаў адчужэння, эйджызму, балансу працы і сям'і, «ліпкай падлогі» і «шклянай столі»).

Ддл: 10 ліпеня.
#Літва #грант

Падрабязней Адкрыць / каментаваць

2022-06-03 10:38:14 Конкурс заявак на Тбіліскую архітэктурную біенале’ 2022

Калі: 8 – 29 кастрычніка

Тэма: «Што далей?». Канцэпцыя часовасці ўключае даследванне трох асноўных катэгорый: часу, прасторы і забудаванага асяроддзя.
Арганізатары імкнуцца абмеркаваць, як #архітэктура суіснуе з паўсядзённым жыццём з пункту гледжання працягласці, а не фізічнага вымярэння.

Для каго:
Усе зацікаўленыя #архітэктары, #мастакі, #пісьменнікі, #навукоўцы, #урбаністы, творчыя асобы незалежна ад месцазнаходжання, узросту і мінулага досведу.

Прымаюцца прапановы ў 5 катэгорыях:
1. Фізічныя праекты (працы/даследванні ў любым фізічным фармаце)
2. Лічбавыя праекты (працы/ #даследванні ў любым лічбавым медыя-фармаце)
3. Асветніцкая/адукацыйная дзейнасць / Майстар-клас
4. Публікацыі
5. Гарадская/урбаністычная #рэзідэнцыя

Ддл: 19 і 30 чэрвеня 2022 да 23:59 CEST (увага: залежыць ад катэгорый)

Падрабязнасці і правілы ўдзелу (PDF) Адкрыць / каментаваць

2022-06-01 11:10:43 Беларускі ПЭН збірае кейсы, калі беларускім дзеячам культуры адмоўлена ва ўдзеле ў міжнародных мерапрыемствах.

Калі вы сутыкаліся з выпадкамі дыскрымінацыі праз сваё беларускае грамадзянства, калі ласка, запоўніце гэтую анкету.

Сабраную інфармацыю каманда ПЭНу прааналізуе з пункту гледжання таго, наколькі гэтая з'ява мае масавы характар, а таксама зможа спланаваць працу па супрацьдзеянні дыскрымінацыі паводле пашпарта.

Вітаецца рэпост анкеты сярод тых, каго яна можа датычыць. Ніякіх дадзеных пра вас без вашай згоды не будзе апублікавана.

#культура #правы_чалавека Адкрыць / каментаваць