Staselka

2020-07-04 16:14:26 Да выдання рыхтуецца мая новая кніга “Пімкі”. Хутка пачнецца краўдфандынгавая кампанія, але падтрымаць выданне можна ўжо цяпер (лімітаваная серыя эка-шопераў і кубачкаў): https://forms.gle/nTeAsRhpe3i5QqnYA Адкрыць / каментаваць

2020-07-02 10:52:39 Дваравы партызан

Падцягнуў павадок, каб пекінэс памачыўся менавіта на кола аўтамабіля. Яму падабалася помсціць суседзям, няхай і такім чынам. Адзінае, часам шкадаваў, што ў яго не аўчарка. Адкрыць / каментаваць

2020-06-29 12:08:01 Нераскрытае злачынства

Уначы суседзі зноў шумелі, і ён, як звычайна, зрабіў тэлевізар гучней. Таму іх крыкі пра дапамогу так ніхто і не пачуў. Адкрыць / каментаваць

2020-06-27 18:15:15 Бясплатна падчас каранціну

Любы жадаючы, хто хоча пачытаць мой раман Marginalis сам або адправіць сябрам, можа атрымаць кнігу бясплатна. Каранцін з'яўляецца перыядам, калі ў некаторых з'яўляецца больш магчымасцяў для чытання, але, у той жа час, варта пазбягаць лішніх "вылазак", у тым ліку, у кнігарні. Таму вырашыў правесці акцыю, якая б улічвала гэтыя аспекты.
⠀
Пра Marginalis Кніга стала бэстсэлерам у сваім сегменце. Сёння вядзецца падрыхтоўка перакладу кнігі украінскім выдавецтвам. Беларускамоўных асобнікаў 1 і 2 выдання даўно няма ў выдаўца. Таму малаверагодна, што атрымаецца набыць яе дзе-небудзь у краме.
⠀
Як атрымаць? Але ў вас ёсць магчымасць атрымаць кнігу ад мяне бясплатна, каб пачытаць падчас каранціну самім або падарыць сябрам. Для гэтага проста напішыце мне: @Staselka
⠀ Адкрыць / каментаваць

2020-06-26 16:56:26 Блытаніна ідэалагічных войнаў

У нашай вёсцы слухаць радыё і глядзець тэлевізар перасталі даўно. Яшчэ пасля таго, як аднойчы дыктар на заканчэнне праграмы сказаў: “Не верце прапагандзе, пазбягайце яе”. Адкрыць / каментаваць

2020-06-22 09:49:06 Садху Харыдас

Гук зямлі. У яго не было тафафобіі, ды ён пра яе і не ведаў. Але калі яго пахавалі жыўцом, стала страшна. Адкрыць / каментаваць