Staselka

2020-08-31 21:54:05 Нягледзячы на складаную сітуацыю ў краіне, кампанія маёй новай кнігі "Пімкі" здолела ўжо сабраць 97%. Дзякуючы Вам! Натуральна, што ўвесь мінулы месяц я не рабіў яе прамоцыі і рэкламы, бо ва ўсіх нас была і застаецца справа больш важная. Але да заканчэння кампаніі засталося 3 дні, таму вырашыў нагадаць тым, хто хацеў, але не паспеў зрабіць перадзамову на кнігу, ды падзякваць тым, хто здолеў падтрымаць выданне: https://www.talaka.org/projects/3477/about
⠀
Важны аспект! Платформа Талака зноў мае складанасці з пералічэннем грошаў. Таму можаце напісаць мне ў асабістыя, каб я патлумачыў, як зрабіць перадзамову на кнігу.
⠀
Усім вялікі дзякуй за падтрымку! І усім нам поспехаў!) Адкрыць / каментаваць

2020-08-14 12:28:41 Увага! Падтрымка Праваабарончага цэнтра “Вясна”!
⠀
З’яўляецца натхняльная інфармацыя пра збор грошай для пацярпелых, але я вельмі б хацеў таксама падтрымаць дзейнасць крутой каманды Праваабарончага цэнтра “Вясна”, якія робяць надзвычай важную працу, дапамагаюць пацярпелым і іх сваякам.
⠀
Ад сёння абвяшчаю акцыю салідарнасці. Грошы, атрыманыя ад продажу маіх кніг, я накірую на падтрымку (у тым ліку, закупы неабходнага) працы каманды “Вясны”. Каб падтрымаць акцыю і каб грошы накіроўваліся аператыўна, папрашу вас:
1. Ажыццяўляць пакупку адразу ў краме выдавецтва: крама "Галіяфы "Мінск, вул. Няміга, 3, цокальны паверх, пав. 47.
2. Рабіць плацяжы наяўнымі.
⠀
Разумею, што грошы невялікія, але спадзяюся, што мая акцыя здолее падштурхнуць іншых. Заклікаю чытачоў, выдавецтвы, мастакоў, кожнага да салідарнасці. Адкрыць / каментаваць

2020-08-04 13:51:10 Бунтар

На мітынгі ён не хадзіў, але свядома ездзіў зайцам, не карыстаўся парасонам і кантрацэптывамі, прагульваў заняткі, лез без чаргі і нават мачыў манту. Адкрыць / каментаваць

2020-07-31 13:49:47 Недасведчаны спажывец шведскага стала

Ён намагаўся браць ад жыцця ўсё. Таму ў той дзень былі боль, спазмы і рэзь у жываце, цяжар, ​​абвастрэнне гастрыту і частыя наведванні прыбіральні. Адкрыць / каментаваць

2020-07-26 11:18:59 Непадрыхтаваны госць

Выпадкова запрасілі за святочны стол. Спрабуе здагадацца, каго павіншаваць. Добра, што не паспеў. Бо выявілася, што памінкі. Адкрыць / каментаваць

2020-07-22 13:02:07 Celebrity

План Герастрата ледзь не праваліўся. Але ён своечасова ўзгадаў, што трэба назваць сваё імя. Адкрыць / каментаваць

2020-07-17 14:00:32 Выдатная навіна! Сябры, ужо ў хуткім часе з’явіцца мая новая кніга Пімкі! З гэтай нагоды (нарэшце:) пачалася краўдфандынгавая кампанія. Падтрымаць выданне, зрабіць перадзамову на кнігу або знайсці падрабязную інфармацыю можна па спасылцы: https://www.talaka.org/projects/3477/about

Буду вельмі ўдзячны Вам і за інфармацыйную падтрымку, у прыватнасці, рэпосты, публікацыю інфармацыі пра кампанію ў сваіх акаўнтах сацыяльных сетак.

Усім дзякуй! Спадзяюся, што хутка атрымаецца сустрэцца разам на прэзентацыі) Адкрыць / каментаваць

2020-07-16 13:00:08 Амаль разумны

Кнігі — ёмішча ўсіх ведаў чалавецтва. Таму Міхал быў перакананы, што стане вельмі разумным. Бо кніжак ён ужо набыў безліч, заставалася толькі прачытаць. Адкрыць / каментаваць

2020-07-13 19:38:42 Ляснуты сярун

Ён інстынктыўна напружыўся, калі сусед сказаў "Даруйце, але...". Бо той заўсёды папярэдне выбачаўся, перш, чым моцна абкласці мацюккмі. Адкрыць / каментаваць

2020-07-08 17:00:33 Балбатун трапіў у пекла

О, д’ябл?! Не, толькі не гэта………………………………... Адкрыць / каментаваць