PALATNO Media

2023-02-14 14:04:56 «Ты думаеш, як класціся спаць: у касцюме са штанамі ці звычайна. Пастаянна думаеш: а што рабіць з тэлефонам, калі яны прыйдуць. Ты думаеш: ці паспею я выдаліць у сябе ўсё ў тэлефоне. Мой тэлефон — гэта вялікі тэрмін для мяне, калі б яны ўскрылі яго».

Марына з Маладзечна стала адной з арганізатарак і ўдзельніцай жаночых акцый у сваім горадзе. Раней яна не цікавілася палітыкай, але ўсё змяніў 2020 год.

Расказваем, як у Маладзечне праходзілі першыя жаночыя акцыі, на адну з якіх Марына выйшла пасля збіцця мужа амапаўцамі, а таксама пагутарылі з эксперткай, чаму частка жанчын не падтрымала пратэст на вуліцах.

https://palatno.media/zhanochyja-akcyi/

Падтрымай працу рэдакцыі PALATNO Media! Адкрыць / каментаваць

2023-02-13 19:59:56 Вітаем, гэта каманда PALATNO MEDIA! Нас доўга не было, але праца праекта працягвалася.

Напрыклад, мы рабілі вялікае інтэрв'ю з беларускім гісторыкам пра захапленне беларускіх «уладаў» гісторыяй, а яшчэ разважалі, ці можа быць у беларускай прэсе сцёб. У нас былі цікавыя даследаванні пра лёс беларускіх арганаў і параўнальнае вывучэнне двух лёсаў — паляка Ежы Папялушкі і беларуса Рамана Бандарэнкі.

А яшчэ вы можаце знайсці ў нас на сайце інфармацыю пра беларускую кухню (тут і пра мяса, і слодычы і супы), лепшыя беларускія падкасты, YouTube-каналы і нават TikTok.

Ужо заўтра, 14 лютага, выйдзе вялікі тэкст пра жаночую салідарнасць, пра тое, як жанчыны не змаглі маўчаць і выходзілі на вуліцы беларускіх гарадоў. Мы раскажам пра гэта з боку адной з такіх жанчын — Марыны Бігель з Маладзечна.

А ў гэты чацвер, 16 лютага, чакайце падкаст «Гістфак» — пагутарым пра тое, як старыя фотаздымкі расказваюць гісторыю Беларусі і адкрываюць тое, чаго мы раней і не маглі даведацца без іх. У студыі PALATNO будуць журналіст MOST Руслан Кулевіч і краязнаўца Кастусь Шыталь. Дарэчы, пра адну з такіх фотагісторый можаце прачытаць у нашых калег з MOST Media — яна пра нямецкага афіцэра Ёзэфа Баўэра, які пакінуў вялікі фотаальбом з акупаванага Гродна (пра яго мы таксама пагутарым у падкасце). Адкрыць / каментаваць