2022-06-24 12:16:42
З гісторыі беларуска-расейскага «братэрства»:
«92 гады таму на плошчы ў Ільі адкрылі помнік паўстанцам Каліноўскага, што загінулі каля Уладык.
Помнік-капліца — ў гонар загінулых паўстанцаў атрада Вінцэнта-Козела Паклеўскага быў урачыста адкрыты 22 чэрвеня 1930 года.
Той смяротны бой з рускімі войскамі здарыўся ў 28 мая 1863 года пад вёскай Уладыкі, што недалёка ад Ільі. Тут загінуў амаль увесь атрад і кіраўнік. Мясцовыя ўспаміналі, што вада ў рацэ Іліі ў той дзень была чырвонай ад крыві.
У 1950-х помнік разбурылі. Па словах мясцовых краязнаўцаў, адразу капліцу хацелі ўзарваць, але ад гэтага намеру адмовіліся, бо побач былі жылыя дамы.
Тады пачалі вазіць сюды прызыўнікоў з ваенкамата. З сякерамі, кувалдамі яны бурылі помнік, а той вельмі дрэнна паддаваўся, бо быў якасна зроблены.
Адкрыццё помніка. Фота zbiory.mufo.krakow.pl.
Рэгіянальная газета».
143 viewsedited 09:16