Міхал Сяменка Зіма Зима пераклад з украінскай Сьнег спадае | Галасы з-за вярбы

Міхал Сяменка

Зіма
Зима

пераклад з украінскай

Сьнег спадае і вакол так бела
Нібы цела
Лябёдкі беласьнежнай
Празрысты вецер зь белізной
На сьвет прасьціной
Скідае плямы ў сьнежні

Усё іскрыцца ўсё кружляе
І ясна зьзяе
Блакітнаю віхураю ў душы
І сыпле порах зь неба зорамі
Марозныя
Шумяць чароту ледзяшы