БАЖ Беларуская асацыяцыя журналістаў

2022-08-02 09:30:13 Сёння ў Гомлі могуць агучыць прысуд Ірыне Слаўнікавай

У Гомельскім абласным судзе 2 жніўня могуць агучыць прысуд журналістцы TVP Ірыне Слаўнікавай. Дзяржабвінаваўца запатрабаваў для журналісткі 4 гады калоніі.

Суд над журналісткаю праходзіць у закрытым рэжыме ды цягнецца больш за месяц. Узначальвае працэс Мікалай Доля, той самы, які агучыў прысуд у «справе Ціханоўскага».

Журналістку абвінавачваюць паводле двух артыкулаў КК: народным артыкуле 342 і арт. 361-1 («Стварэнне экстрэмісцкага фармавання, або ўдзел у ім»).

Беларускія журналісты збіраюцца зладзіць пікет каля сядзібы прадстаўніцтва Еўракамісіі ў Варшаве побач з будынкам TVP.

Акцыя адбудзецца а 16 гадзіне паводле беларускага часу, яе арганізатары плануюць накіраваць у Еўракамісію петыцыю з просьбай увесці санкцыі супраць тых, хто мае дачыненне да пераследу журналістаў у Беларусі.

Крыніца: @belsat Адкрыць / каментаваць

2022-08-02 08:37:02 Юрась Дзяшук: «Кожная планёрка ў гарсавеце Бярозаўкі пачыналася з абмеркавання сацыяльных сетак»

Сённяшні журналіст «Радыё Рацыя» больш як 10 год займаўся грамадскай актыўнасцю і журналістыкай у роднай Бярозаўцы. Шырэй — на Лідчыне, Дзятлаўшчыне і Наваградчыне. Быў вымушаны з’ехаць з Беларусі ў 2021-м.

— На пачатку 2021-га быў суд над Вітольдам Ашуркам. Праз дзень пасля выраку мяне ўзялі на вуліцы. Апынулася: падазраваны па крымінальнай справе па артыкуле 339 — «хуліганка».

— Калі жывеш у 10-тысячнай Бярозаўцы і падымаеш нейкія праблемы, то міжволі стаеш актывістам. Да БНФ я ж далучыўся яшчэ падчас вучобы ў Менску. Па міжнародных стандартах журналістыкі гэтак быць не можа, ведаю. Але для Беларусі можна зрабіць выключэнне.

Чытайце інтэрв'ю цалкам тут

без впн Адкрыць / каментаваць

2022-08-01 19:46:01 Ігар Казмерчак: «Да 2020 года было няпісанае правіла, што на мяне заводзяць крыміналку ў сярэднім раз на пяць гадоў»

Пра пачатак журналісцкай дзейнасці і калекцыю крымінальных справаў «Белсат» паразмаўляў з галоўным рэдактарам Orsha.eu Ігарам Казмерчаком.

– Для рэгіёнаў гэта звычайная рэч: калі не хапае людзей, грамадскія актывісты бяруць на сябе шмат самых розных функцыяў. Мяне можна назваць і краязнаўцам, хоць і з нацяжкаю, і журналістам, і палітычным актывістам, і грамадскім актывістам, і праваабаронцам, і прадпрымальнікам, бо ў мяне была «Цудоўная крама», у якой прадавалася нацыянальная атрыбутыка.

— Мне прапаноўвалі з’ехаць з краіны яшчэ ў 2006-м. Але я рэальна кепска сябе ўяўляю без Беларусі і без Воршы. І ў 2021-м я насамрэч не вырашаў зваліць з краіны, а паехаў на праграму рэабілітацыі для ахвяраў палітычных рэпрэсіяў.

— Пасля блакавання сайту мы страцілі прыблізна тры тысячы нашых пастаянных чытачоў, але яны даволі лёгка перабраліся ў сацсеткі.

Цалкам інтэрв'ю чытайце тут

Без впн Адкрыць / каментаваць

2022-08-01 17:37:02 «Цэнтральнага ацяпленьня амаль нідзе няма». Журналіст пра плюсы і мінусы жыцьця ў Партугаліі

Герман Вярцінскі раней быў супрацоўнікам крамы Symbal.by, а сёньня працуе ў сфэры сацыяльных мэдыя ў Партугаліі.

Па словах Германа, да пачатку баявых дзеяньняў ва Ўкраіне ў партугальскім беларускім чаце ў Telegram было ўсяго некалькі дзясяткаў чалавек, цяпер жа там каля 1500 карыстальнікаў.

— Калі я прыехаў у студзені, то ў Партугаліі было +15-18 градусаў, вельмі сонечна. Моцна ўразіў такі кантраст. Сюды найперш і едуць па клімат.

— стандартная аднапакаёўка ў цэнтры партугальскай сталіцы будзе каштаваць ад 1000 эўра. Калі ж гэта ўскраіна, то можна знайсьці і двухпакаёўку за 700-800 эўра.

— Квіток у кіно тут каштуе 8 эўра, усе фільмы дублююцца на ангельскую; магчыма, таму партугальцы зь дзяцінства добра засвойваюць гэтую мову.

Чытайце артыкул цалкам тут

без впн Адкрыць / каментаваць

2022-08-01 16:32:03 Палітзняволены журналіст Дзяніс Івашын перанёс інфекцыю ў СІЗА

— Ва ўмовах антысанітарыі, на якую, відаць, цалкам наплявала адміністрацыя гарадзенскай вязніцы, па турме ходзіць нейкая чарговая інфекцыя, — паведамляюць блізкія журналіста.

Калі Дзяніс Івашын, адчуўшы моцны боль у горле, выклікаў турэмнага лекара, той адразу ж прызначыў яму антыбіётык, але пачалася алергічная рэакцыя арганізма.

Цалкам чытайце тут

без впн Адкрыць / каментаваць

2022-08-01 15:40:10 #праца
Tribuna.com адкрывае вакансію рэдактара беларускамоўнай стужкі навін

Гатовыя разгледзець рэзюмэ тых, хто з’ехаў з краіны, а таксама тых, хто застаецца ў Беларусі. Бяспека супрацоўнікаў – важны момант, і мы гатовыя распавесці, як мінімізаваць рызыкі.


Рэзюмэ дасылайце на by.jobs@tribuna.com з тэмай «Карэспандэнт стужкі навін». Блог на Tribuna.com, а таксама тэкст пра тое, чаму трэба звярнуць увагу менавіта на вас, могуць стаць вашымі дадатковымі плюсамі.

Падрабязней чытайце тут

без впн Адкрыць / каментаваць

2022-08-01 14:43:27 Сетка гомельскіх суполак «Флагшток» прызнаная «экстрэмісцкай»

27 ліпеня суд Чыгуначнага раёна Гомеля прызнаў інфармацыйную прадукцыю наступных суполак і чатаў «экстрэмісцкімі матэрыяламі»:

Telegram-група «Флагшток_чат»;
Telegram-канал «Флагшток»;
Старонка ва «Укантакце» «Гомельский флагшток»;
Старонка ў «Аднакласніках» «Гомельский флагшток»;
Старонка ў «Facebook» «Гомельскі флагшток».

Крыніца: @viasna96 Адкрыць / каментаваць

2022-08-01 14:01:02 “Мастачка зрабіла сто партрэтаў за чатыры месяцы”. Заснавальніца праекта “Палітвязынка” расказала, як яго стваралі

Журналістка Яўгенія Долгая разам з мастачкай Ганнай Татур запусцілі праект, які прысвечаны палітзняволеным беларускам. БАЖ паразмаўляла з Яўгеніяй і даведалася, як яны абіралі назву для праекта і як з’явілася сама ідэя.

Ва Украіне дзейнічае такі наратыў: “а чаго вы з кветачкамі хадзілі і на лавачцы стаялі?” — узгадвае Яўгенія. — З-за такіх стэрэатыпаў яны не бачаць, што адбываецца насамрэч. Я б хацела бачыць салідарнасць з беларускамі ўкраінскіх праваабаронцаў, журналістак, грамадскіх дзеячак.

— Мастачка Ганна Татур жыве і вучыцца ў Францыі. Я скінула ёй гісторыі разам з фотаздымкамі жанчын, якія я знаходзіла ў сацсетках. Ганна пачала маляваць партрэты на паперы, гісторыі пераклала на французскую мову і паказала сваім выкладчыкам як навучальны праект. Сказала, што яны звярнулі ўвагу на яе працы.

Цалкам чытайце тут

без впн Адкрыць / каментаваць

2022-08-01 13:08:50 Таццяну Мацвееву будуць судзіць 9 жніўня

Таццяна Мацвеева выйшла на волю ўвечары 31 ліпеня з позвай у суд паводле арт. 24.23 КаАП — яе будуць судзіць за несанкцыянаванае пікетаванне.

Таццяна з мужам Ігарам Мацвеевым вярталася з камандзіроўкі, калі ёй патэлефанавалі з міліцыі і сказалі, што «трэба паразмаўляць».

Таццяну затрымалі адразу на віцебскім чыгуначным вакзале і павезлі дахаты, дзе правялі ператрус.

У выніку міліцыянты забралі некалькі кніг, паштовак, флэшку, а галоўнае — два тэлефоны і камп’ютар, пакінуўшы журналістку без прыладаў працы.

Чытайце цалкам тут

без впн

Крыніца: @bajby Адкрыць / каментаваць

2022-08-01 12:33:07 Трёхмесячная стипендиальная программа в Праге (дедлайн 12 августа)

Для журналистов, активистов и исследователей, правозащитников, а также членов НПО, занимающихся гражданским активизмом и социальными проблемами в Восточной Европе и Центральной Азии.

Пражский гражданский центр покроет расходы на транспорт, проживание и визу.

Ваш исследовательский проект должен отражать и развивать вашу текущую работу или опыт в вашей родной стране или регионе.

Рабочие языки: английский, русский.

Узнать подробности можно тут

без впн Адкрыць / каментаваць