VANDRVM

2021-12-19 20:02:03 26.12 (нядзеля) вас чакае экскурсія "СЬЦЕЖКАМІ ЖЫЦЬЦЯ"!

Гэтая экскурсія пазнаёміць вас са сьцежкамі жыцьця старога Менску.

Мы паблукаем па Захар'еўскім завулку зь яго цікавосткамі і таямніцамі, пройдзем па вуліцы Гарадзкі Вал, дзе нас будуць чакаць пажарныя, гарматы і цікавыя гісторыі пра іх, завітаем у Ракаўскае прадмесьце зь яго габрэйскім каларытам і трагічнымі старонкамі ІІ сусьветнай. Далей нас будзе чакаць загадкавая Юбілейная плошча, дзе мы пашукаем пячору цмока і яго скарбы, а на прыканцы вандроўкі наведаем мемарыял "Яма" і дот, што захаваўся з часін мінулай вайны.

Маршрут: вул. Карла Маркса – вул. Гарадзкі Вал – Ракаўскае прадм. – Юбілейная пл. – мемарыял "Яма" – гатэль "Планета"

Адлегласьць: 3514 крокаў

Сустракаемся ў 14.00 ля дому па адрэсе вул. Карла Маркса, 17. Адкрыць / каментаваць

2021-12-19 19:57:36 Адкрыць / каментаваць

2021-12-19 19:57:33 25.12 і 08.01 (суботы) запрашаю вас у прэм’ерныя аўтобусныя падарожжы " ШЧУЧЫНШЧЫНА НА КАЛЯДЫ "!

Маршрут: Ліда – Мураванка – Жалудок – Дзікушкі – Ражанка – Шчучын – Старыя Васілішкі (≈500 км)

У ЛІДЗЕ вас будзе чакаць экскурсія па знакамітым гедымінаўскім замку (1330), у МУРАВАНЦЫ свае таямніцы прыадкрые найпрыгожая царква-крэпасьць Раства Багародзіцы (1542), ЖАЛУДОК зачаруе палацава-паркавым комплексам Сьвятаполк-Чацьвярцінскіх (1908), а блізкія ДЗІКУШКІ – маляўнічымі руінамі сядзібы Грабоўскіх (XVIII ст.). Далей нас будзе чакаць велічны касьцёл Сьв. Апосталаў Пятра і Паўла (1674) ў мястэчку РАЖАНКА, касьцёл Сьв. Тэрэзы (1829), помнік Алаізе Пашкевіч і палац Друцкіх-Любецкіх (ХІХ ст.) у ШЧУЧЫНЕ, а таксама дом-музей Чэслава Немэна і казачны касьцёл Сьв. Апосталаў Пятра і Паўла (1903) у СТАРЫХ ВАСІЛІШКАХ.

АБАВЯЗКОВА МЕЦЬ ПРЫ САБЕ ПАШПАРТ! Маску, а таксама ежу і ваду ў дарогу бярыце, калі ласка, з сабой.

Кошт – 85 руб., пенсіянерам/студэнтам/школьнікам – 75. У кошт уваходзіць наведваньне і экскурсійнае абслугоўваньне музейных устаноў у Лідзе, Жалудку, Старых Васілішках.

Каб запісацца на вандроўку, дашліце мне заяўку ў Viber +375 (29) 564-70-09 ці смс на гэты ж нумар наступнай формы: "Вандроўка 25.12/08.01! Нас х чалавек (таксама напішыце вашае імя і прозьвішча)"

На пасадку запрашаю згодна з чаргой вашага запісу, таму чым раней вы запісаліся, тым лепш:) Пры патрэбе па здароўю пазначце ў заяўцы неабходнасьць выдзяліць вам месца ў першай палове аўтобусу.

Сустракаемся ў 07.00 ля Чырвонага касьцёлу каля статуі Арханёла Міхала.

У Менск вяртаемся пасьля 21.00 Адкрыць / каментаваць

2021-12-19 19:54:17 VANDRVM pinned «РАСКЛАД БЛІЖЭЙШЫХ ВАНДРОВАК: 25.12 (субота) "ШЧУЧЫНШЧЫНА НА КАЛЯДЫ" 26.12 (нядзеля) 14.00 – СЬЦЕЖКАМІ ЖЫЦЬЦЯ (сустракаемся ля дому па адрэсе вул. Карла Маркса, 17) 01.01 (субота) 14.00 – НЕБЯСЬПЕЧНАЯ НІЖНЕЛЯХАЎСКАЯ (сустракаемся ля Дому афіцэраў…» Адкрыць / каментаваць

2021-12-19 19:54:02 Адкрыць / каментаваць

2021-12-19 19:53:59 РАСКЛАД БЛІЖЭЙШЫХ ВАНДРОВАК:

25.12 (субота)
"ШЧУЧЫНШЧЫНА НА КАЛЯДЫ"
26.12 (нядзеля)
14.00 – СЬЦЕЖКАМІ ЖЫЦЬЦЯ (сустракаемся ля дому па адрэсе вул. Карла Маркса, 17)

01.01 (субота)
14.00 – НЕБЯСЬПЕЧНАЯ НІЖНЕЛЯХАЎСКАЯ (сустракаемся ля Дому афіцэраў каля танку)
02.01 (нядзеля)
14.00 – МЕНСК ГАБРЭЙСКІ (сустракаемся ля галоўнага ўваходу ў тэатар Горкага, вул. Валадарскага, 5)

07.01 (пятніца)
14.00 – ЛЕПШАЕ ЗЬ МЕНСКАЙ ГІСТОРЫІ (сустракаемся ля помніку Леніну на пл. Незалежнасьці)
08.01 (субота)
"ШЧУЧЫНШЧЫНА НА КАЛЯДЫ"
09.01 (нядзеля)
14.00 – МЕНСК ТАТАРСКІ (сустракаемся ля фантану каля гатэлю "Юбілейны", пр-т Пераможцаў, 19)

15.01 (субота)
14.00 – ЛЕГЕНДЫ І ГІСТОРЫІ СТАРОГА МЕНСКУ (сустракаемся ля Чырвонага касьцёлу каля статуі Арханёла Міхаіла)
16.01 (нядзеля)
14.00 – ПРЫГОДЫ МЕНСКІХ ШКАЛЯРОЎ (сустракаемся ля ўваходу ў Катэдру, пл. Свабоды, 9)

22.01 (субота)
14.00 – ПРАСПЕКТ (сустракаемся на плошчы Перамогі ля рэстарацыі “Бярозка”)
23.01 (нядзеля)
14.00 – ТАЯМНІЦЫ КАМЯНІЦАЎ (сустракаемся ля фантану ў Аляксандраўскім скверы)

29.01 (субота)
14.00 – МЕНСК СЯРГЕЯ ПЯСЕЦКАГА (сустракаемся ля Чырвонага касьцёлу каля статуі Арханёла Міхаіла)
30.01 (нядзеля)
14.00 – КУТОЧКІ ТРАЕЦКАГА ПРАДМЕСЬЦЯ (сустракаемся ля помніку Язэпу Драздовічу)

P.S. Запісвацца на вандроўкі ня трэба – проста прыходзьце на месца сустрэчы. Экскурсіі бясплатныя – напрыканцы вы можаце пакінуць чаявыя. Сярэдні працяг маршруту – 1,5 гадзіны. Экскурсіі адбываюцца пры наяўнасьці мінімум 10 чалавек і не адбываюцца ў кепскае надвор’е.

P.P.S. Усе экскурсіі праекту можна замовіць для сябе/сяброў/карпаратыву/школы/універу/etc. у зручны для вас дзень і час. Кошт вандроўкі па Менску – 150 руб., па Беларусі – дамоўны. Зьвяртайцеся па тэл. +375 (29) 564 70 09 (МТС, Viber, WhatsApp). Адкрыць / каментаваць

2021-12-19 19:41:29 Майстар-клас @ugrinovich.olga як актыўная падрыхтоўка да сьвятаў

#ugrinovich #vandrvm Адкрыць / каментаваць

2021-12-19 15:42:57 Пад і вандравалі сёньня

#vandrvm #miensk #freewalkingtours Адкрыць / каментаваць

2021-12-19 10:56:30 СЁНЬНЯ, 19.12 (нядзеля), вас чакае вандроўка "АСМАЛОЎКА, АЛЬБО ДВУХПАВЯРХОВЫ МЕНСК"!

Падчас гэтай вандроўкі мы пабываем у казачнай Асмалоўцы і яе ваколіцах.

Мы пагутарым пра менчука Максіма Багдановіча і Трэці Дом Саветаў, пройдзем каля былой Духоўнай семінарыі і Опернага тэатру, а пасьля заглыбімся ва ўтульныя дворыкі каларытнай Асмалоўкі, атмасфера якой анікога не пакідае раўнадушным! А на прыканцы нас чакае знакаміты бровар "Аліварыя" зь яго цікавай гісторыяй, сьмешнымі выпадкамі і спакусьлівымі водарамі.

Маршрут: помнік Максіму Багдановічу – вул. Максіма Багдановіча – Асмалоўка – "Аліварыя"

Адлегласьць: 2050 крокаў

Сустракаемся ў 14.00 ля помніку Максіму Багдановічу. Адкрыць / каментаваць

2021-12-18 17:41:55 19.12 (нядзеля) вас чакае вандроўка "АСМАЛОЎКА, АЛЬБО ДВУХПАВЯРХОВЫ МЕНСК"!

Падчас гэтай вандроўкі мы пабываем у казачнай Асмалоўцы і яе ваколіцах.

Мы пагутарым пра менчука Максіма Багдановіча і Трэці Дом Саветаў, пройдзем каля былой Духоўнай семінарыі і Опернага тэатру, а пасьля заглыбімся ва ўтульныя дворыкі каларытнай Асмалоўкі, атмасфера якой анікога не пакідае раўнадушным! А на прыканцы нас чакае знакаміты бровар "Аліварыя" зь яго цікавай гісторыяй, сьмешнымі выпадкамі і спакусьлівымі водарамі.

Маршрут: помнік Максіму Багдановічу – вул. Максіма Багдановіча – Асмалоўка – "Аліварыя"

Адлегласьць: 2050 крокаў

Сустракаемся ў 14.00 ля помніку Максіму Багдановічу. Адкрыць / каментаваць