VANDRVM

2021-12-13 12:25:26 Адкрыць / каментаваць

2021-12-13 12:25:21 19.12 (нядзеля) праект "VANDRVM" і "Мастацкі дом Угрыновіч" запрашаюць вас на навагодні майстар-клас па роспісу фарфору!

Сябры, набліжаецца Новы Год! Усе мы пачынаем рыхтаваць падарункі сабе, сваім родным і блізкім, а што можа быць лепей, чым падарунак, зроблены сваімі рукамі?!

Гэтым разам мы будзем працаваць з ангобамі – гэта каляровая парцалянавая маса, якой вы ўласнымі рукамі будзеце расфарбоўваць вінтажныя фігуркі Дзеда Мароза і Сьнягуркі 1947 года, якія пасьля годна ўпрыгожаць ваш сьвяточны інтэр’ер!

Кошт – 75 руб.

Каб прыняць удзел у майстар-класе, дашліце мне заяўку ў Viber +375 (29) 564-70-09 ці смс на гэты ж нумар наступнай формы: "Угрыновіч 19.12! Нас х чалавек (таксама напішыце вашае імя і прозьвішча)".

Не марудзьце з запісам, месцаў усяго 25!

Сустракаемся ў 16.00 ля помніку Язэпу Драздовічу.

P.S. А перад нашым цікавым мерапрыемствам адбудзецца вандроўка па Асмалоўцы, куды вы таксама можаце завітаць! Сустракаемся ў 14.00 ля помніку Максіму Багдановічу. Экскурсія бясплатная, запрашаюцца ўсе ахвотныя, на прыканцы па жаданьні вы можаце пакінуць чаявыя. Далучайцеся! Адкрыць / каментаваць

2021-12-12 22:41:46 VANDRVM pinned «РАСКЛАД БЛІЖЭЙШЫХ ВАНДРОВАК: 18.12 (субота) 14.00 – ЗІГЗАГІ МЕНСКАЙ МІНУЎШЧЫНЫ (сустракаемся ля "Цэнтральнай кнігарні", пр-т Незалежнасьці, 19) 19.12 (нядзеля) 14.00 – АСМАЛОЎКА, АЛЬБО ДВУХПАВЯРХОВЫ МЕНСК (сустракаемся ля помніку Максіму Багдановічу)…» Адкрыць / каментаваць

2021-12-12 22:41:42 Адкрыць / каментаваць

2021-12-12 22:41:39 РАСКЛАД БЛІЖЭЙШЫХ ВАНДРОВАК:

18.12 (субота)
14.00 – ЗІГЗАГІ МЕНСКАЙ МІНУЎШЧЫНЫ (сустракаемся ля "Цэнтральнай кнігарні", пр-т Незалежнасьці, 19)
19.12 (нядзеля)
14.00 – АСМАЛОЎКА, АЛЬБО ДВУХПАВЯРХОВЫ МЕНСК (сустракаемся ля помніку Максіму Багдановічу)
16.00 – майстар-клас у Мастацкім доме Угрыновіч

25.12 (субота)
"ШЧУЧЫНШЧЫНА НА КАЛЯДЫ"
26.12 (нядзеля)
14.00 – СЬЦЕЖКАМІ ЖЫЦЬЦЯ (сустракаемся ля дому па адрэсе вул. Карла Маркса, 17)

01.01 (субота)
14.00 – НЕБЯСЬПЕЧНАЯ НІЖНЕЛЯХАЎСКАЯ (сустракаемся ля Дому афіцэраў каля танку)
02.01 (нядзеля)
14.00 – МЕНСК ГАБРЭЙСКІ (сустракаемся ля галоўнага ўваходу ў тэатар Горкага, вул. Валадарскага, 5)

07.01 (пятніца)
14.00 – ЛЕПШАЕ ЗЬ МЕНСКАЙ ГІСТОРЫІ (сустракаемся ля помніку Леніну на пл. Незалежнасьці)
08.01 (субота)
"ШЧУЧЫНШЧЫНА НА КАЛЯДЫ"
09.01 (нядзеля)
14.00 – МЕНСК ТАТАРСКІ (сустракаемся ля фантану каля гатэлю "Юбілейны", пр-т Пераможцаў, 19)

15.01 (субота)
14.00 – ЛЕГЕНДЫ І ГІСТОРЫІ СТАРОГА МЕНСКУ (сустракаемся ля Чырвонага касьцёлу каля статуі Арханёла Міхаіла)
16.01 (нядзеля)
14.00 – ПРЫГОДЫ МЕНСКІХ ШКАЛЯРОЎ (сустракаемся ля ўваходу ў Катэдру, пл. Свабоды, 9)

22.01 (субота)
14.00 – ПРАСПЕКТ (сустракаемся на плошчы Перамогі ля рэстарацыі “Бярозка”)
23.01 (нядзеля)
14.00 – ТАЯМНІЦЫ КАМЯНІЦАЎ (сустракаемся ля фантану ў Аляксандраўскім скверы)

29.01 (субота)
14.00 – МЕНСК СЯРГЕЯ ПЯСЕЦКАГА (сустракаемся ля Чырвонага касьцёлу каля статуі Арханёла Міхаіла)
30.01 (нядзеля)
14.00 – КУТОЧКІ ТРАЕЦКАГА ПРАДМЕСЬЦЯ (сустракаемся ля помніку Язэпу Драздовічу)

P.S. Запісвацца на вандроўкі ня трэба – проста прыходзьце на месца сустрэчы. Экскурсіі бясплатныя – напрыканцы вы можаце пакінуць чаявыя. Сярэдні працяг маршруту – 1,5 гадзіны. Экскурсіі адбываюцца пры наяўнасьці мінімум 10 чалавек і не адбываюцца ў кепскае надвор’е.

P.P.S. Усе экскурсіі праекту можна замовіць для сябе/сяброў/карпаратыву/школы/універу/etc. у зручны для вас дзень і час. Кошт вандроўкі па Менску – 150 руб., па Беларусі – дамоўны. Зьвяртайцеся па тэл. +375 (29) 564 70 09 (МТС, Viber, WhatsApp). Адкрыць / каментаваць

2021-12-12 16:46:53 Цудоўна павандравалі сёньня па туманным Менску

Дзякуй усім, хто быў

25.12 і 08.01 паехалі вандраваць па Беларусі

За фота дзякуй @natalijakuhtik

#vandrvm #miensk #freewalkingtours Адкрыць / каментаваць

2021-12-12 10:58:39 СЁНЬНЯ, 12.12 (нядзеля), вас чакаюць "МЕНСКІЯ ГІСТОРЫІ"!

Падчас гэтай вандроўкі вы пачуеце багата цікавых гісторый!

Вы даведаецеся, у чым унікальнасьць менскага гербу і што здарылася, калі шляхціц пасварыўся з ксяндзом; дазнаецеся, як у Менску выпрабоўвалі сілу волі, што такое цэгла-пальчатка, хто такі Палямон і чаму мы ўсе крыху рымляне. Вас чакаюць гістарычнае рэха, менскі порт і таямнічыя масоны, шляхецкая сядзіба Ваньковічаў і зарытыя скарбы, шпацыр па неіснуючай вуліцы і гумар старых газет, а на прыканцы мы ўзгадаем дэманстрацыю, падчас якой Маркс і Энгельс шукалі ўласныя вушы, а таксама разгадаем таямніцы самай старой менскай прыбіральні.

Маршрут: ратуша – дом-музей Ваньковічаў – Аляксандраўскі сквер

Адлегласьць: 1796 крокаў

Сустракаемся ў 14.00 каля ўваходу ў ратушу. Адкрыць / каментаваць

2021-12-11 17:06:46 Адкрыць / каментаваць

2021-12-11 17:06:43 25.12 і 08.01 (суботы) запрашаю вас у прэм’ерныя аўтобусныя падарожжы " ШЧУЧЫНШЧЫНА НА КАЛЯДЫ "!

Маршрут: Ліда – Мураванка – Жалудок – Дзікушкі – Ражанка – Шчучын – Старыя Васілішкі (≈500 км)

У ЛІДЗЕ вас будзе чакаць экскурсія па знакамітым гедымінаўскім замку (1330), у МУРАВАНЦЫ свае таямніцы прыадкрые найпрыгожая царква-крэпасьць Раства Багародзіцы (1542), ЖАЛУДОК зачаруе палацава-паркавым комплексам Сьвятаполк-Чацьвярцінскіх (1908), а блізкія ДЗІКУШКІ – маляўнічымі руінамі сядзібы Грабоўскіх (XVIII ст.). Далей нас будзе чакаць велічны касьцёл Сьв. Апосталаў Пятра і Паўла (1674) ў мястэчку РАЖАНКА, касьцёл Сьв. Тэрэзы (1829), помнік Алаізе Пашкевіч і палац Друцкіх-Любецкіх (ХІХ ст.) у ШЧУЧЫНЕ, а таксама дом-музей Чэслава Немэна і казачны касьцёл Сьв. Апосталаў Пятра і Паўла (1903) у СТАРЫХ ВАСІЛІШКАХ.

АБАВЯЗКОВА МЕЦЬ ПРЫ САБЕ ПАШПАРТ! Маску, а таксама ежу і ваду ў дарогу бярыце, калі ласка, з сабой.

Кошт – 85 руб., пенсіянерам/студэнтам/школьнікам – 75. У кошт уваходзіць наведваньне і экскурсійнае абслугоўваньне музейных устаноў у Лідзе, Жалудку, Старых Васілішках.

Каб запісацца на вандроўку, дашліце мне заяўку ў Viber +375 (29) 564-70-09 ці смс на гэты ж нумар наступнай формы: "Вандроўка 25.12/08.01! Нас х чалавек (таксама напішыце вашае імя і прозьвішча)"

На пасадку запрашаю згодна з чаргой вашага запісу, таму чым раней вы запісаліся, тым лепш:) Пры патрэбе па здароўю пазначце ў заяўцы неабходнасьць выдзяліць вам месца ў першай палове аўтобусу.

Сустракаемся ў 07.00 ля Чырвонага касьцёлу каля статуі Арханёла Міхала.

У Менск вяртаемся пасьля 21.00 Адкрыць / каментаваць

2021-12-11 16:30:10 12.12 (нядзеля) вас чакаюць "МЕНСКІЯ ГІСТОРЫІ"!

Падчас гэтай вандроўкі вы пачуеце багата цікавых гісторый!

Вы даведаецеся, у чым унікальнасьць менскага гербу і што здарылася, калі шляхціц пасварыўся з ксяндзом; дазнаецеся, як у Менску выпрабоўвалі сілу волі, што такое цэгла-пальчатка, хто такі Палямон і чаму мы ўсе крыху рымляне. Вас чакаюць гістарычнае рэха, менскі порт і таямнічыя масоны, шляхецкая сядзіба Ваньковічаў і зарытыя скарбы, шпацыр па неіснуючай вуліцы і гумар старых газет, а на прыканцы мы ўзгадаем дэманстрацыю, падчас якой Маркс і Энгельс шукалі ўласныя вушы, а таксама разгадаем таямніцы самай старой менскай прыбіральні.

Маршрут: ратуша – дом-музей Ваньковічаў – Аляксандраўскі сквер

Адлегласьць: 1796 крокаў

Сустракаемся ў 14.00 каля ўваходу ў ратушу. Адкрыць / каментаваць