З пачатку вайны ў Беларусь прыехала больш за 105 тысяч украінцаў. Такую лічбу называе Дзяржпагранкамітэт.
Толькі ў гэтым годзе з Украіны прыбыла больш за 30 тысяч грамадзян Украіны. Большасць з іх патрапіла ў нашу краіну праз Польшчу – 22 тысячы чалавек. Астатнія – праз Літву і Латвію.
У мінулым годзе яшчэ прыяжджалі праз беларуска-украінскую мяжу. Там зарэгістравалі амаль 16 тысяч украінцаў.
Некаторым украінцам лукашэнкаўскія ўлады не даюць спакойна жыць. Напрыклад, нядаўна затрымалі ўкранку, якая ў сацсетках расказвала праўду пра вайну Расіі супраць Украіны.
