Белсат

2023-05-20 13:20:55 У Беларусі дазволілі прадаваць лекі ў інтэрнэце

Прадаваць можна безрэцэптурныя лекі, уключаныя ў адпаведны пералік Міністэрства аховы здароўя, акрамя тых, у якіх доля этылавага спірту перавышае 25%.

Юрасобы могуць прадаваць лекі праз інтэрнэт-аптэку на ўласным сайце. Пры гэтым продаж уключае фармацэўтычнае кансультаванне спажыўца, прыём заказаў, іх фармаванне, захоўванне і дастаўку спажыўцу.

Белсат Без vpn Адкрыць / каментаваць

2023-05-20 12:57:00 Адкрыць / каментаваць

2023-05-20 12:37:01 З-за паводкі на поўначы Італіі загінулі як мінімум 14 чалавек

У рэгіёне Эмілья-Раманья (тэрыторыі вакол Балоньі і Пармы) усяго за 36 гадзін выпала паўгадавая норма ападкаў. З-за гэтага ўзнікла паводка, якая разбурыла дамы тысяч людзей і забіла як мінімум 14 чалавек.

У 2012-м годзе Эмілья-Раманья моцна пацярпела ад разбуральнага землятрусу, цалкам зліквідаваць разбурэнні ад яго ўдалося зусім нядаўна. Адкрыць / каментаваць

2023-05-20 12:19:01 Японія ўвяла дадатковыя санкцыі супраць Расеі

Гэта адбылося падчас саміту G7. Будуць замарожаныя актывы 100 асоб і арганізацый, якія спрабуюць ухіліцца ад існых санкцый.

80 расейскім кампаніям, якія звязаныя з узброенымі сіламі, забароняць экспарт.

Японскім кампаніям будзе забаронена аказваць архітэктурныя і інжынерныя паслугі кліентам з Расеі.

Другі дзень у японскай Хірасіме праходзіць саміт G7. У першы дзень былі анансаваныя абмежаванні супраць расейскіх алмазаў, таксама ўчора прынялі сумесную заяву, у якой паабяцалі дапамагаць Украіне «столькі, колькі спатрэбіцца». На другім дні саміту плануюць прадумаць крокі па супрацьдзеянні глабальнаму эканамічнаму ўплыву Кітая і садзейнічанню пераходу да экалагічна чыстай энергіі.

Агулам саміт 2023 года прысвечаны пашырэнню NATO і пытанню ўступлення Украіны ў ваенна-палітычны блок.

Раніцай на саміт прыляцеў Зяленскі, хоць першапачаткова планаваўся яго онлайн-удзел. Адкрыць / каментаваць

2023-05-20 11:51:01 Бабруйск – лепшы горад Беларусі, а Ляскавічы – лепшая вёска. Хто яшчэ ў спісе лепшых?

Падвялі вынікі штогадовага рэспубліканскага агляду санітарнага стану і добраўпарадкавання населеных пунктаў. Пераможцы атрымаюць пераходны вымпел і грашовы прыз з рэспубліканскага бюджэту.

Сярод сталіцы і абласных цэнтраў пераможцам стаў Берасце, які набраў 305 балаў. У якасці прыза мясцовыя ўлады атрымаюць 296 тысяч рублёў.

Найлепшымі сярод гарадоў і гарадскіх пасёлкаў з насельніцтвам да 10 тыс. жыхароў сталі Брагін (230), Бялынічы (230), Чэрыкаў (216) і гарадскі пасёлак Антопаль Драгічынскага раёну (225). Іх прыз – 55,5 тысячы рублёў.

Пра ўсе гарады ды вёскі даведаецеся ў тэксце:

Белсат Без vpn Адкрыць / каментаваць

2023-05-20 11:17:09 Берасцейскія сілавікі выкрылі двух жыхароў Менску, якія праводзілі незаконныя аперацыі з крыптавалютай

Сцвярджаецца, што адзін з іх пераводзіў у крыптавалюту ў тым ліку скрадзеныя грошы. Ён атрымаў прыбытак у памеры больш як 3,2 млн BYN.

Іншы мянчук у выніку правядзення незаконных абменных аперацый атрымаў прыбытак у памеры каля 2 млн BYN.

У дзеяннях мужчынаў угледзелі прыкметы незаконнай прадпрымальніцкай дзейнасці і перадалі матэрыялы ў падатковую інспекцыю. Незаконна атрыманы прыбытак будзе канфіскаваны на карысць дзяржавы. Адкрыць / каментаваць

2023-05-20 10:43:01 У Менску жанчына выкінула котку з 4 паверху, а пакаралі яе толькі штрафам

Інцыдэнт адбыўся яшчэ на пачатку году, але прысуд жанчыне вынеслі толькі цяпер, перадае выданне NewGrodno.By.

62-гадовая пенсіянерка на пачатку студзеня выкінула са свайго балкону котку. Жывёліна загінула. Усё гэта адбывалася на вачах мінакоў. Сваёй віны жанчына не прызнала.

Суд прызнаў пенсіянерку вінаватай у «жорсткім абыходжанне з жывёлінай, якое пацягнула яго гібель» і прызначыў ёй пакаранне ў выглядзе штрафу ў памеры 50 базавых велічыняў (гэта 1850 рублёў).

Фота мае ілюстрацыйны характар Адкрыць / каментаваць

2023-05-20 10:19:19 За ўчорашні дзень 86 мігрантаў спрабавалі нелегальна патрапіць з Беларусі ў Польшчу

Сярод іх грамадзяне Самалі, Эфіопіі, Індыі і Сірыі.

Таксама затрымалі 2 грамадзянаў Зімбабвэ (яны маюць дакументы, якія даюць дазвол на легальны побыт) і грамадзяніна Грузіі, якія дапамагалі перавозіць мігрантаў. Адкрыць / каментаваць

2023-05-20 09:35:06 Былі расстраляныя, скончылі жыццё самагубствам ды паміралі сваёй смерцю ў выгнанні

Як паміралі да чаго прывяла смерць самых вядомых дыктатараў мінулага стагоддзя? Сабралі лёсы 20 самых вядомых дыктатараў ХХ стагоддзя. Пачытайце!

Праз VPN Без VPN Адкрыць / каментаваць

2023-05-20 09:10:42 Валер Карбалевіч: Беларусь будзе на парадку дня

На саміце Рады Еўропы, які адбываўся ў Рэйк’явіку 16–17 траўня Беларусь рэпрэзентавалі не прадстаўнікі рэжыму Лукашэнкі.

Валер Карбалевіч лічыць, што роля офісу Святланы Ціханоўскай і Аб’яднанага пераходнага камітэту Беларусі ў Радзе Еўропы ўзрасце. Адпаведна, і магчымасцяў уплыву на вырашэнне беларускіх пытанняў можа стаць больш.

Праз VPN Без VPN

Офіс Святланы Ціханоўскай Адкрыць / каментаваць