забі зяпу

2022-04-22 16:30:15 Вітаем, шаноўныя!
Знаходзячыся на хвалі беларусізацыі, мы лічым неабходным пашыраць беларускамоўную інфапрастору, таму прапануем вам файныя каналы:

@belsquad - ачмурэнны канал з годнымі мемамі, ціктокамі, гісторыяй, прышпіламі і шмат чым іншым па-беларуску!

@memowa — гэта, калі ты дзед інсайд, хорнi, глядзіш (хэйціш) анімэ, любіш крынжаваць і ўсе гэта па-беларуску.

@karcinki — канал з дурнымі і разумнымі мемамі і відэа, інтэлектуальнымі цытатамі і іншай прыемнай лухтой

@kupinaruzh — канал пра кіно і ўсё, што з ім звязана. Тут вас чакаюць навіны, рэцэнзіі, падкасты, мемы, віктарыны і многае іншае выключна па-беларуску!

@historyja - канал пра нашу гісторыю

@pabielarusku - штодня актуальныя і класічныя мемы на роднай мове без жартаў ніжэй за пояс і арфаграфічных памылак праз слова Адкрыць / каментаваць

2022-04-21 20:30:17 І яшчэ. Ведаеце, чаму мы напісалі «пішЭце»?

Да рэформы 1933 г. была агульная думка, што ў літаратурнай мове трэба адназначна аддаваць перавагу адмысловым беларускім загадным формам з канчаткам -е́це (-э́це): бярэ́це, глядзе́це, нясе́це, пішэ́це.

Савецкія рэфарматары 1933-га ўвялі адзіныя абавязковыя формы дзеясловаў на -і-це (-ы-це): нясіце, рабіце. Гэта таксама формы беларускія — толькі што менш адметныя, агульныя з расейскімі.

Таму ў несавецкім літаратурным ужытку на працягу паваенных дзесяцігодзьдзяў формаў на -і-це (-ы-це) стараліся высьцерагацца, пераважна гаварылі й пісалі: вазьме́це, жыве́це, ле́це, пе́це, скажэ́це.
(З кнігі Ю.Бушлякова "Жывая мова")

Можна пісаць і так, і так! Цяпер ведаеце :) Адкрыць / каментаваць

2022-04-21 20:20:54 Вы не заўважылі, але ў нашым апісаньні зьявілася новая спасылка. Яна вядзе на таямнічы сайт zabizyapu.mave.digital (божа, як палохаюць літары 'zʼ!)

Гэта сайт нашага падкаста, які мы апублікуем ужо ў ваўторак. Неўзабаве падрабязна раскажам пра канцэпцыю ды ідэю. А яшчэ не зьдзіўляйцеся, калі нейкая спасылка не адкрываецца: нас дадалі яшчэ не на ўсе плятформы.

Затое праз спасылку ўжо можна паслухаць джынгл, які адмыслова для нашага падкаста напісаў Уладзь Фрайман з праекту VAL. Акурат гэты праект павінен быў прадставіць Беларусь на Эўравізіі-2020, але яго, на жаль, не пусьцілі з палітычных прычынаў.

Карацей, чакаем аўторак, слухаем VAL і размаўляем па-беларуску. Дарэчы, пішэце, як вам наша вокладка (дакладней мазаіка, якую мы зь яе зрабілі) Адкрыць / каментаваць

2022-04-19 22:05:15 Кіно па-беларуску
Расказваем, дзе глядзець фільмы на роднай мове

1. CINEVOKA
Калекцыя 70 фільмаў, серыялаў і анімэ з прафесійнай беларускай агучкай праекта “Кінаконг” ад відэасервіса VOKA. Асабліва ўражваюць такія тайтлы, як “Чарнобыль” і апошні сезон “Гульні тронаў”. Атрымаць доступ да прагляду можна толькі па падпісцы.

2. Кінакіпа
Суполка з навігацыяй па беларускай агучцы ва УКантакце і Тэлеграме. Тут усё лёгка: у стужцы вы можаце знайсці пераклады фільмаў ці спасылкі на іх.

3. Anibel.net
Праект для аматараў анімэ і мангі. Большасць тайтлаў можна праглядзець пакуль толькі з субцітрамі, але гэта кампенсуе пастаяннае аднаўленне кантэнту (у тым ліку агучка) і зручны інтэрфейс. Дарэчы, “Гульню ў кальмара” і “Гамбіт каралевы” вы таксама тут знойдзеце.

4. Gavarun
Студыя беларускамоўнага агучвання, якая збольшага стварае кантэнт для дзяцей: мультфільмы, аўдыякнігі, відэакоміксы, песні і відэа. Але таксама ёсць кантэнт для дарослых: праект папаўняе калекцыю беларускай агучкі на MEGOGO і Netflix (“Вядзьмар” па-беларуску, вы ўявіце!)

5. Баравік
Торэнт-трэкер для спампоўкі беларускамоўнага кантэнту. Мае, напэўна, самую паўнавартасную калекцыю відэафайлаў, што пастаянна папаўняецца. Сярод мінусаў даволі нязвыклая навігацыя і сістэма спампоўкі. Для выкарыстання сервісу патрэбная рэгістрацыя.

6. Мова нанова
Бясплатныя анлайн-курсы па беларускай мове, якія стварылі асабістую медыятэку. Кожны з раздзелаў (відэа, літаратура, фота, аўдыя) падзелены па катэгорыях і жанрах. Сам сайт змяшчае толькі спасылкі на медыярэсурсы. Некаторыя з іх выдалілі, таму не ўсе спасылкі могуць працаваць.

7. Блакіт
Новая анлайн-бібліятэка для навігацыі сярод беларускамоўнага кантэнту. Акрамя спасылак на фільмы і анімэ, тут можна знайсці спасылкі на аўдыякнігі, падкасты, музыку, кнігі і іншыя рэсурсы. Сайт толькі пачаў існаваць, таму перайсці на яго можна толькі па спасылцы.

Большасць з пералічаных праектаў некамерцыйныя. Іх стварылі сапраўдныя аматары беларускай мовы і культуры, апантаныя ідэяй іх папулярызацыі. Дзякуючы гэтым людзям мы маем магчымасць пашырыць сваё моўнае асяроддзе. І мы можам іх падтрымаць! Адкрыць / каментаваць

2022-04-17 11:33:00 Калі расейскамоўны беларус хоча патлумачыць, чаму ён дагэтуль не перайшоў на беларускую мову ці, прынамсі, не спрабуе, то найчасцей гучыць аргумент – “так исторически сложилось».

Ня толькі гэтае апраўданне ня мае пад сабой грунту, але і многія іншыя.
Само па сабе нічога «исторически не сложилось». Бяда беларусаў са сваёй мовай – гэта вынік мэтанакіраванай палітыкі цягам стагоддзяў.

Як нішчылі беларускую мову?


Адкрыць / каментаваць

2022-04-14 19:59:01 Вяртаемся з новым допісам, у якім расказваем пра асноўныя моманты ў гісторыі беларускага правапісу. Плянуем зрабіць яшчэ два допісы, прысьвечаныя «тарашкевіцы», а пасьля публікацыі апошняга зь іх — цалкам перайсьці на клясычны правапіс :) Адкрыць / каментаваць

2022-04-07 17:00:00 Сёння расказваем пра навіны нашага праекта, пішыце ў каментарах, калі вам цікава часам пра іх чытаць:

Мы запісалі першы выпуск нашага падкаста. Не раскажам пакуль яго тэмы, але вельмі спадзяемся, што вам спадабаецца

Узялі ў каманду некалькі новых чалавек. Цяпер над кантэнтам працуюць ужо 8 аўтараў/дызайнераў/карэктараў — дзякуй усім, хто нам дапамагае :)

У Тэлеграме на нас падпісалася ўжо больш за 700 чалавек, а ў Інстаграме амаль 3 500 падпісантаў. І гэта за месяц існавання праекта, гэта вельмі натхняе!

Заўтра ўдзень у Інстаграме апублікуем допіс пра сінонімы да аднаго вельмі папулярнага слова. Калі хочаце прапанаваць слова, пра сінонімы да якога зрабіць пост у наступны раз, таксама пішыце ў каментарах :)

Сёння вельмі цяжка чытаць навіны, а яшчэ цяжэй рабіць сваю працу і верыць у лепшае. Але мы спрабуем. Абдымаем вас усіх ды адпраўляем прамяні падтрымкі і дабра Адкрыць / каментаваць

2022-04-06 17:49:57 Паставілі новую вокладку, таму што ўчора нам у Інстаграме напісалі, што мінулая можа быць небяспечнай для нашых падпісантаў Адкрыць / каментаваць

2022-04-06 17:44:22 Channel photo updated Адкрыць / каментаваць

2022-04-05 20:00:01 Сумавалі? Сёння ў Інстагараме зрабілі агляд анлайн-слоўнікаў і перакладчыкаў беларускай лексікі. А ў тэлеграме публікуем дапаможнік у збавенні ад русізмаў. 6 старонак часта сустракаемых русізмаў, да якіх можна часам звяртацца.

Але памятайце. Русізмы — гэта ок. Калі вы іх цяпер ужываеце, гэта някепска. Мы ўсе выраслі ў рускамоўнай прасторы, так што гэта нядзіўна! Не хвалюйцеся за свае абмылы. Іх робяць усе Адкрыць / каментаваць