РазМова

2022-08-27 21:10:32 Чорна-белым, шэрым, ружовым
Свет навокал мяне бывае...
Ды цяпер (можа, што са зрокам?)
Фіялетавы я назіраю:

Там паехаў цягнік - фіялетава,
Стаў танчэй ледавік - фіялетава,
Знік апошні бізон, паляцеў у небе слон,
Хтось купіў новы трон - фіялетава...

Не скажу, што злуе - раздражненніца.
З чорным перцам купіла варэнніца.
Вечарамі сядзець надакучыла ў тэлеграмных навінавых кучах...
Загаілася ці ўсё ж балюча? Цярпенніца.

Мне ісці праз жыццё адзінае,
Хоць радзіма чудзіць нешта дзіўнае.
Ні нярвозны стан, ні капрызны пан,
Ні пад'ёмны кран не скрануць мяне.

#Туся
#хвілінка_паэзіі Адкрыць / каментаваць

2022-08-27 19:05:26 Ці добра вы ведаеце назвы рэчаў, што атачаюць вас у хаце?

Прапануем спраўдзіць. А ў дапамогу прапануем малюнак Дар'і Мандзік.

#пасіўная_мова
#мэтад_дыфузіі
#мова_ў_малюнках Адкрыць / каментаваць

2022-08-27 14:40:30 #зломаўкі Адкрыць / каментаваць

2022-08-27 08:46:06 #цытаты Адкрыць / каментаваць

2022-08-26 19:31:19 Ну а сёньня з асалодай даем спасылку на спампоўку самай што ні на ёсьць экстрэмісцкай кнігі (памятаеце, наклад зьнішчалі?) Альгерда Бахарэвіча "Сабакі Эўропы". Вось яна

#самвыдат Адкрыць / каментаваць

2022-08-26 15:31:12 У Беларусі ўлада ўпарта ваюе з кнігамі: ліквідуюць выдавецтвы, а бібліятэкам прапануюць пазбаўляцца ад кніг, дзе ўзгадваюцца нашыя сымбалі: наш сьцяг і наш герб. І гэтая бздура нагадвае барацьбу з паветранымі млынамі.

І складаецца ўражаньне, што тыя, хто, як у сярэднявеччы, зьнішчае кнігі, не разумеюць, што на двары ХХ| ст, калі няма праблемы спампаваць ці набыць электронны варыянт той ці іншай кнігі.

Сябры, маем да вас прапанову: а накідайце нам у бот @RazMova_bot "крамольнай" літаратуры (ці спасылак на спампоўкі), а мы будзем рэгулярна яе выкладаць.

P.S. Мы не дарэмна нагадалі пра бот - памятайце пра сваю бясьпеку.

#самвыдат Адкрыць / каментаваць

2022-08-26 14:25:55 Нядаўна Беларусь абляцела гісторыя палітвязьня Мікіты і дзяўчыны з Украіны Даны. Гісторыя да адчаю кранальная і адначасова неймаверная.

Неймаверная, як час, ў каторы мы жывем. Гісторыя, якая паказвае, што для пачуцьцяў няма ні адлегласьцяў, ні моўных перашкодаў. А ёсьць разуменьне, падтрымка і людзі, каторыя застаюцца людзьмі.

Сёння мы публікуем верш Даны і не пакідаем спадзеву, што ўсе, каго незаконна ўтрымліваюць за кратамі, ў хуткім часе будуць вольныя.

Ня верыла ў затрыманьне

Я казала табе: «Шчэ тыдзень,
І ты будзеш у поўнай бясьпецы».
Я казала: «Чакай яшчэ дзень,
Лухту досыць гэтую несьці».

Я казала: «Не затрымаюць,
Што пра гэта вядзеш ты размову?
Зараз клопаты іншыя маюць,
Не вяртайся да гэтага знову».

Ты казаў: «Я хачу быць з табою
Не хачу ўжо зьнікаць я нікуды.
Я казала: «Ты будзеш са мною.
І цяпер, і ўжо назаўсёды».

Так баяўся ты грукату ў дзьверы.
І чакаў, што вось-вось «завітаюць»
Быў гатовы сядзець, нават верыў,
Што апошні мы раз размаўляем.

Я ня слухала гэтых размоваў
Намагалася ў лепшае верыць,
Але раніцай звычных мне словаў
Не было... Бо пастукалі ў дзьверы.

#Дана_Сьлепянок
#паэзія_пратэсту Адкрыць / каментаваць

2022-08-26 06:51:30 #цытаты Адкрыць / каментаваць

2022-08-25 20:20:35 Беларуская мова - не адзіная мова, што апынулася на мяжы зьнікненьня.

Падчас знаходжаньня Чэхіі ў складзе Аўстра-Вугоршчыны, нямецкая мова амаль выціснула чэсскую.

Аднак чэхі здолелі адрадзіць сваю мову. Спачатку людзі проста зьбіраліся ў кавярнях і проста размаўлялі... Усё адбылося не адразу. Але вынік відавочны - чэсская мова ня зьнікла. А а мы маем сіаноўчы прыклад.

Як гэта адбывалася,  прапануем прачытаць у даўнім артыкуле Алеся Кроя для Беларускага Радыё Рацыя

#цікавосткі
#што_рабіць Адкрыць / каментаваць

2022-08-25 18:20:29 Паглядзі, колькі жыццяў вандруе ўва мне!
Паглядзі, як сусветы гараць унутры асалодай нясцерпнай!
Гэта я – выкшталцоны алень, я – раз’юшаны дзік,
гэта я сплю на ладажскім беразе ўсцешанай нерпай.

Паглядзі, паглядзі, я – у кедры сібірскім арэх.
Я – касматы какос – грэю брушка ў спякотлівай Гане…
Гэта я па-над гаем удмурцкім шапчу “Інмарэ…”
і да поўначы любай нясу недасяжнае ззянне.

А туды, дзе накручвае жнівень палям бігудзі,
дзе буслы над радзімай маёй плач хаваюць старанна,
дзе застыла маўчанне і вусціш…
Туды не глядзі.
Там –
адкрытая рана.

Наста Кудасава

#паэзія_пратэсту
#хвілінка_паэзіі Адкрыць / каментаваць

2022-08-25 13:20:30 #мемы_РазМовы Адкрыць / каментаваць

2022-08-25 12:45:28 25 жніўня 1991 года Дэкларацыі аб дзяржаўным суверэнітэце быў нададзены статус канстытуцыйнага закона. Акрамя таго была прыпыненая дзейнасць КПБ (КПСС).

Менавіта ў гэты дзень была адноўлена нашая дзяржаўнасць і суверэнітэт! Са святам! Жыве Беларусь! Адкрыць / каментаваць

2022-08-25 08:20:18 #цытаты Адкрыць / каментаваць

2022-08-24 21:26:02 Жнівень - час зарападаў. Час, калі зоркі, бы сьпелыя яблыкі, вісяць на небе, а потым зрываюцца ўніз.

Беларускія назвы зорак адрозніваюцца ад тых, што мы вучылі на ўроках астранопміі ў школе. І сёння мы прапануем вам грунтоўны экскурс па гэтай тэме ад Вінцука Вячоркі. Адкрыць / каментаваць

2022-08-24 17:25:43 Зорка Венера ўзышла над зямлёю,
Светлыя згадкi з сабой прывяла...
Помнiш, калi я спаткаўся з табою,
Зорка Венера ўзышла.

З гэтай пары я пачаў углядацца
Ў неба начное i зорку шукаў.
Цiхiм каханнем к табе разгарацца
З гэтай пары я пачаў.

Але расстацца нам час наступае;
Пэўна, ўжо доля такая у нас.
Моцна кахаў я цябе, дарагая,
Але расстацца нам час.

Буду ў далёкім краю я нудзіцца,
Ў сэрцы любоў затаіўшы сваю;
Кожную ночку на зорку дзівіцца
Буду ў далёкім краю.

Глянь іншы раз на яе, – у расстанні
Там з ёй зліём мы пагляды свае...
Каб хоць на міг уваскрэсла каханне,
Глянь іншы раз на яе...

Максім Багдановіч

#хвілінка_паэзіі Адкрыць / каментаваць

2022-08-24 14:21:01 #прыказкі Адкрыць / каментаваць

2022-08-24 07:20:16 #цытаты Адкрыць / каментаваць

2022-08-23 21:35:30 ПАКУЛЬ МЫ ЁСЬЦЬ

Пакуль мы ёсьць -- Айчыне жыць.
Пакуль мы тут -- Айчына будзе.
Яна не страціць больш мяжы --
Старыя межы верне людзям.

І стане родным нам Смаленск.
І будзе Бранск прымаць нас шчыра.
Айчына ўзнімаецца з кален,
Свабоднай стане ўся Айчына.

Бо мы народ! Мы здольны жыць
І будаваць свой дом прыгожы.
Не страцім мы сваёй мяжы --
Аб гэтым сёння дбае кожны.

А той, хто думае інакш --
Вучыся жыць у беларусаў.
А калі не -- дык ты ж не наш --
Цябе прывабіла спакуса.

Як гаварыў калісьці Сыс:
Такім як ты -- няма тут месца.
Мы збожжа сеем, а не рыс
І песцім роднае ля сэрца.

#Паляшук
#хвілінка_паэзіі
#паэзія_пратэсту Адкрыць / каментаваць

2022-08-23 17:30:32 Сябры, а ці ўмееце вы цэнзурна лаяцца па-беларуску?

Прапануем спраўдзіць і прайсьці тэст ад Мова са Свабодай Адкрыць / каментаваць

2022-08-23 16:25:31 Мацаўнік, цукора, цыкорыя.

#мова_навокал Адкрыць / каментаваць

2022-08-23 07:50:54 #цытаты Адкрыць / каментаваць

2022-08-22 21:55:49 ***
Толькі б да восені зноў дацягнуць,
Як хлопчыку-лётчыку да аэрадрома.
Шкода, што птушкі цяпер лятуць
Каб не вяртацца болей дадому.

Тут бы хапіла месца ўсім…
Стыне бусьлянка над кінутай хатай.
Вось сімвал твой новы –
Сказаў бы Максім,
Але ён у Ялце, і там свае страты.

Хоць час прамінуў, а гарчэе ўсё дым.
Хлопчык кудлаціць сівое валосьсе...

Штоночы той жа сон –
Пад трымерам Тваім
Ізноўку без пары ўкладаецца калосьсе.

#Сцёб
#паэзія_пратэсту Адкрыць / каментаваць

2022-08-22 17:18:23 Каляровая ці кветкавая?

Сапраўды, як правільна назваць гэтую гародніну? Незадумваючыся, хочацца зкалькаваць з расейскай "цветная" - "каляровая".

Аднак з гэтай капусты ў ежу ўжываюцца суквецьці. Таму правільна казаць "КВЕТКАВАЯ".

#такія_вось_правілы
#мова_навокал Адкрыць / каментаваць

2022-08-22 14:31:28 #прымаўкі Адкрыць / каментаваць