![]()
Палітзняволеных Галіну Дзербыш і Вольгу Маёраву перавялі ў гомельскую калонію
Гродзенскі абласны суд 17 кастрычніка агучыў прысуды дванаццаці фігурантам "справы Аўтуховіча". Маёраву і Дзербыш асудзілі да 20 гадоў калоніі.
Вольгу прызналі вінаватай паводле пяці артыкулаў Крымінальнага кодэкса. На судзе яна не прызнала віну. Яе неаднаразова змяшчалі ў карцар і выдалялі з судовых пасяджэнняў. У адным з лістоў яна паведаміла, што ў яе падазраюць цукровы дыябет. У зняволенні яна знаходзіцца ўжо 2 гады, 4 месяцы і 18 дзён.
Галіну абвінавацілі паводле трох артыкулаў Крымінальнага кодэксу. Жанчына не прызнала сваю віну. Дзербыш мае інваліднасць другой групы, у яе анкалагічнае захворванне і праблемы з сэрцам. Яе таксама часта змяшчалі ў карцар, а таксама не перадвалі ёй пасылкі ад неабыякавых людзей. Пенсіянерку ўтрымліваюць у няволі 2 гады, 5 месяцаў і 12 дзён.
Падтрымаць палітзняволеных: ПК № 4. 246035, г. Гомель, вул. Антошкіна, 3, Галіна Іванаўна Дзербыш, Вольга Уладзіміраўна Маёрава
Напісаць анлайн
