1. KARAŚ/ROGUCKI „Czułe kontyngenty” Развал Coma для мяне ста | Posłuchaj, to do ciebie

1. KARAŚ/ROGUCKI „Czułe kontyngenty”

Развал Coma для мяне стаў вялікай трагедыяй. Гэта адзін з улюбёных гуртоў не толькі ў Польшчы, а ўвогуле. Я толькі аднойчы патрапіў на іх выступ, і тое ў межах канцэрту Europejski Stadion Kultury. Цяпер вельмі шкадую, што не зьезьдзіў калісьці адмыслова на сольнік гурта. Не любіць голас Пятра Рагуцкага немачыгма, таму я рады, што ён працягнуў дзейнасьць у іншым праекце. Праўда, KARAŚ/ROGUCKI — гэта ўжо поп-музыка. Ніякіх цяжкіх гітар, пераважна электроніка. За яе як раз адказвае Якуб Карась, які раней граў у The Dumplings. Справа Рагуцкага — тэксты і вакал.

Першыя рэлізы мяне не зачапілі падаваліся надта простымі, але новы альбом выглядае больш разнакаляровым. Музыкі выкшталцона жанглююць настроямі, пераходзячы ад бесклапотных танцавальных нумароў у першай частцы рэліза („Bezpieczny lot”, „Latem pływam nago w czystej wodzie”, „Brunatny”) да рамантычнай лірыкі („Zobacz jak się pięknie pali”, „Film”), сканчаючы фактычна вяртаньнем Рагуцкага ў часы Coma з калярокавымі балядамі („Zapasowy tlen”, „Mniej niż więcej”, „Czułe kontyngenty”). Для мяне — №1 у 2022 годзе ў польскай музыцы!