Завяршыўся прыём дакументаў на бюджэтную форму навучання ў БДПУ імя Максіма Танка
Усяго ва УВА было пададзена
2058 заяў на
885 бюджэтных месцаў.
У сярэднім конкурс склаў 2 чалавекі на месца. Самы высокі конкурс сярод паступаючых на спецыяльнасці “Выяўленчае мастацтва” — 5 чалавек на 1 студэнцкае месца, “Псіхалогія” — 4,1 чалавека, “Аздараўленчая і адаптыўная фізічная культура” — 3,6 чалавека на месца.
З
2058 абітурыентаў, якія падалі дакументы ў БДПУ імя Максіма Танка, 75 — медалісты. Акрамя гэтага, 82 абітурыенты маюць дыплом з адзнакай, 177 — выпускнікі профільных класаў педагагічнай накіраванасці.
Сёлета на некаторыя спецыяльнасці максімальны прахадны бал склаў больш за 300 пунктаў. Сярод іх — “Лагапедыя”, “Псіхалогія”, “Практычная псіхалогія” .
