Наш дзень. Архіў беларускай музыкі

2021-06-22 15:15:49 Сёння дзень народзінаў адзначае Кася Камоцкая.
Віншуем рок-князёўну і зычым доўгіх гадоў жыцця й новых творчых вяршыняў!

З гэтай нагоды ў сённяшнія +32 прапануем пераслухаць зімовую песню "Новага Неба" Адкрыць / каментаваць

2021-06-15 11:13:54 А ці ведалі вы, хто такі Аляксей Пысін?

Зміцер Вайцюшкевіч распавядае ў сваіх сетках розныя цікавосткі пра паэта, тэксты якога ляглі ў аснову музычнага праекту "Вясёлка над плёсам". Пачытайце і абавязкова паслухайце альбом!

Ну а мы таксама распавядзем цікавы факт: першы зборнік спадара Алеся меў назву... "Наш Дзень" (1951). Прыемнае супадзенне . Адкрыць / каментаваць

2021-06-11 14:44:05 Сёння ў Мінску адчыняецца новая гарадская пляцоўка LIDBEER DVOR. На адкрыцці а 20:00 дасць бясплатны канцэрт PALINA.

Калі наведваеце канцэрты, гэта найлепшы спосаб прабавіць сённяшні вечар :)

Кульман, 1 / Коласа, 3, уваход вольны! Адкрыць / каментаваць

2021-06-07 12:19:55 Мама! прыйдзе час - перастанем мы,
«перабесімся», станем сталымі,
А пакуль - калі ласка, адстань ад мяне,
я яшчэ пажыву хістаннямі.

Спявачка LEAR і Уладзь Лепяшынскі выдалі песню на словы Віталя Рыжкова. Можна паслухаць на ўсіх лічбавых пляцоўках (а тут - паглядзець прыгожае відэа) Адкрыць / каментаваць

2021-06-03 14:06:27 Сёння гурт J:МОРС зайграе анлайн для прыхільнікаў з Беларусі, Расіі і Украіны!

Трансляцыя адбудзецца а 21:00 на старонцы https://www.facebook.com/jmorsmusic Адкрыць / каментаваць

2021-06-02 14:12:34 J:МОРС абвясцілі анлайн-канцэрт для Беларусі, Расіі і Украіны!

Імпрэза стане фіналам сусветнага анлайн-туру гурта ды адбудзецца 3 чэрвеня а 21:00 на старонцы J:МОРС у Facebook.

"Споём вместе, пообщаемся, подарим друг другу тепло и поддержку", - піша гурт у сваіх сацсетках. Варта быць! Адкрыць / каментаваць

2021-06-01 12:03:34 ПРЭМ'ЕРА!
Музычны праект на вершы Аляксея Пысіна "Вясёлка над плёсам"

Слухаць на лічбавых пляцоўках: http://music.mediacube.network/Vyaselka

Я рады, што атрымалася сабраць на адной кружэлцы столькі выдатных імёнаў - у складанцы ўзялі ўдзел тры дзясяткі музыкаў! Альбом найперш для дзетак, але вельмі раю паслухаць яго ўсім: у наш час кожнаму неабходныя ўсмешкі ды праменьчык святла.

Гэта была вялікая і вельмі прыемная праца. Шчыры дзякуй усім, хто пагадзіўся ўзяць удзел! А таксама Андрусю Такіндангу і Дзянісу Міжую за яскравую анімацыю, якую можна паглядзець на канале "Годна". Прыемнага праслухоўвання! Адкрыць / каментаваць

2021-05-31 19:45:27 Заўтра, 1 чэрвеня, а 12:00 адбудзецца светлая прэм'ера ад беларускіх музыкаў!

Разам з сябрамі запісалі цэлы музычны праект на вершы беларускага паэта Аляксея Пысіна. Гэта 19 песень для дзетак, у стварэнні якіх узялі ўдзел тры дзясяткі творцаў, сярод якіх Лявон Вольскі, Святлана Бень, гурт Naviband, Ганна Шаркунова ды іншыя.

Альбом выйдзе на ўсіх музычных пляцоўках заўтра, 1 чэрвеня, а 12:00. А на канале @hodnaby з'явіцца адмысловая анімаваная версія, намаляваная Андрусём Такіндангам.

Глядзіце невялічкі тызер! Адкрыць / каментаваць

2021-05-28 11:13:22 У Naviband новая песня! Адкрыць / каментаваць

2021-05-26 12:29:24 ПРЭМ'ЕРА КЛІПА!
Зміцер Вайцюшкевіч - Жук і жолуд

Гэта першы трэк з новага музычнага праекта, удзел у якім узялі Лявон Вольскі, Naviband, Аня Шаркунова, Святлана Бень і іншыя выдатныя творцы. Атрымалася файна й светла. Прэм'ера зусім хутка - а пакуль глядзіце кліп). Адкрыць / каментаваць