Хочаш выбрацца ў выхадны на экскурсію, але нікуды не хочаш ехаць, а яшчэ і любіш шпацыраваць адзін? Значыць табе пасуюць аўдыёгіды!
У Гродне ёсць як мінімум адзін такі - анлайн аўдыёгід па гродзенскім гета №1. Бярэш навушнікі - і наперад. У маршрут увайшлі 12 станцый: сінагога, брама ў гета, пляцоўка ўзарванага касцёла, куды складзіраваліся рэчы вязняў, дамы, у якіх габрэі рабілі схроны і хавалі клады ў надзеі калісьці вярнуцца ў родны горад.
Летась аўдыёгід распрацавалі гродзенскія студэнты ў межах міжнароднага праекта "Вымяраючы гета". Тэхнічную дапамогу аказала рэдакцыя Hrodna.life.
А якія яшчэ аўдыёгіды па Гродне вы ведаеце? Або якія варта было б стварыць?