🇺🇦 Hrodna 11:27

2022-08-03 11:27:00 Намеснік дырэктара гісторыка-археалагічнага музея Лосеў у 1951 годзе склаў спраўку. У якой падаў пералік адпаведных і неадпаведных назваў вуліц горада, якія варта было б замяніць.

Лосеў раіў пакінуць імёны рэвалюцыянераў і ўдзельнікаў баёў за Гродна і абавязкова замяніць польскія назвы - Хадкевіча, Бянецкага, Снядэцкага, Ясінскага і Радзімінскую. Сярод іншы у спіс забароненых трапіла і савецкая назва вуліцы Квітко. Аўтар спраўкі палічыў, што яе надалалі перад пачаткам Вялікай Айчыннай вайны ў гонар яўрэйскага паэта Льва Квітко. А на момант напісання ліста творы Квітко былі забаронены да распаўсюду.

Насамрэч, вуліца насіла назву ў гонар савецкага танкіста Філіпа Квітко, які загінуў у 1939 годзе.

Ці ведаеце дзе зараз у Гродне знаходзіцца вуліца Квітко?

На фота: злева Філіп Іванавіч Квітко - савецкі жаўнер, справа Леў Маісеевіч Квітко - паэт.

Падпісацца на Hrodna 11:27 Адкрыць / каментаваць

2022-08-02 11:27:01 Крылатыя гусары - апошнія рыцары Еўропы У канцы XVI стагоддзя эпоха закаваных у цяжкія даспехі конных рыцараў не тое што падыходзіла да канца - яна ўжо незваротна скончылася. Здавалася, нішто ўжо не зможа перашкодзіць рашучаму поступу доўгай пяхотнай… Адкрыць / каментаваць

2022-08-01 11:27:02 Пара анёлаў-флюгераў на вежах Фарнага касцёла з’явілася ў 30-х гадах XX ст. Фігуры анёлаў зроблены са звычайнай бляхі. Іх вышыня каля 120 см.

У 2009 годзе пашкодзілася мацаванне аднаго з флюгераў і анёл мог упасці. З-за таго, што вырашыць праблему наверсе не атрымалася, “падаючага анёла” часова знялі. Але праз шэсць месяцаў яго вернулі на месца.

Паводле адной з легенд, калі анёлы павернуцца тварамі адзін да аднаго, надыйдзе канец свету. Але ж павярнуцца такім чынам у флюгераў наўрад ці атрымаецца.

На фота: ўсталёўка флюгера пасля рамонту ў жніўні 2009 года. Адкрыць / каментаваць

2022-07-30 11:27:01 На тэрыторыі брыгіцкага манастыра, што паўстаў у XVII стагоддзі, схаваны драўляны будынак — лямус. Гэта найстарэйшы будынак з дрэва у Беларусі.

Глядзіце пяць ілюстрацый з фактамі пра гродзенскі лямус. Адкрыць / каментаваць

2022-07-28 11:27:02 28 ліпеня 1961 года у Гродне нарадзіўся алімпійскі чэмпіён Аляксандр Курловіч

Будучы алімпійскі чэмпіён заняўся цяжкай атлетыкай пад уплывам старэйшага брата, калі Аляксандру было 9 гадоў.

Падчас свайго спартовага дэбюта ў 1983 года ўсталяваў свой першы сусветны рэкорд у двухбор’і са штангай - 460 кг. Агулам за сваю кар’еру Курловіч усталяваў 12 сусветных рэкордаў.

У красавіку 2018 года Курловіч памёр ад вострай сардэчнай недастатковасці. Адкрыць / каментаваць

2022-07-27 11:27:02 Гісторыя грошай, а ў прыватнасці гісторыя цэн, гэта асобная цікавая тэма. Усе ж любяць глядзець і параўноўваць тыя ж старыя талончыкі на праезд :)

Нядаўна мы знайшлі і паглядзелі цікавы дакументальны фільм 1967 года - "Гродзенскі кашалёк".

Спецыяльна для вас, у каго і так часу вольнага няшмат, мы ў скароце перадаем змест стужкі ;)

Чытайце, колькі каштавалі бетонныя вазы ў парку, пасеў травы на Савецкай і чым скончыўся сацыяльны эксперымент з манеткай:

https://telegra.ph/Grodzensk%D1%96-kashalyok-07-26 Адкрыць / каментаваць

2022-07-26 11:27:01 Самы таямнічы гродзенскі краязнаўца і гісторык Яўген Аснарэўскі прэзентаваў свой рок-альбом “Песні з Гродні”.

Кампазіцыі ў рэлізе прысвечаны роднаму гораду і не толькі. Містычны гродзенец расказаў, што такое “постмадэрнісцкі рок”, як пачаў спяваць і пры чым тут Серж Танкян.

Падрабязнасці пра новы альбом, чытайце тут.

Падпісацца на Радыё "Harodnia" Адкрыць / каментаваць

2022-07-25 11:27:03 У нас сёння маленькае свята :) Роўна год таму ў гэтым канале з’явіўся першы пост.

Канцэпцыя за год крыху змянілася: аказалася, што рабіць пасты двойчы ўдзень 365 дзён запар - няпростая справа ;)

Таму зараз у нас звычайна выходзіць шэсць пастоў у тыдзень - з панядзелка па суботу.

За гэты год канал значна вырас, у нас пачало з'яўляцца больш уласных матэрыялаў, на нас спасылаюцца іншыя мясцовыя і тэматычныя каналы.

І агульная веда па гісторыі Гродна за гэты год таксама пашырылася. Нашыя сябры, гісторыкі і краязнаўцы, вызначылі новыя факты, удакладнілі даты, абверглі старыя памылкі.

Вось другі пост у канале - пра самае старое фота Гродна. Летась пост яшчэ адпавядаў стану ведаў, а цяпер самае старое фота горада - іншае ;)

Іншы пост - пра старое чыгуначнае дэпо - сёння можна было б абнавіць новымі фота, бо страшненькі бізнес-цэнтр, у які яго перабудавалі, ужо завершаны і шукае арандатараў.

На некаторыя пытанні мы так і не знайшлі адказу. Дагэтуль не ведаем, што сёння размяшчаецца ў адметных высокіх памяшканнях пад дахам дома на вуліцы Міра ;)

Некаторыя тэмы мы развівалі: напрыклад, спачатку былі кароткія пасты пра асобныя манаскія ордэны, а потым і час вялікага артыкулу надыйшоў.

А яшчэ час ад часу раілі, што пачытаць пра гісторыю Гродна.

Калі вам падабаецца наш канал і вы хацелі б неяк павіншаваць нас з першым годам працы, то найлепшым падарункам для нас будуць новыя падпісчыкі ;) Калі ласка, парэкамендуйце Hrodna 11:27 вашым сябрам, якім цікавая тэма гісторыі. Будзем удзячныя, калі ў каментарыях вы напішаце, пра што нам варта ў будучыні больш пісаць. А таксама нам будзе прыемна, калі вы набудзеце нам кубачак кавы ;) Усім тым, хто ўжо падтрымаў нас - Яўген, Цімафей і Someone - аграменны дзякуй! Адкрыць / каментаваць

2022-07-23 11:27:02 23 ліпеня 1567 года Жыгімонт Аўгуст прыняў у Гродне маскоўскае, турэцкае, і малдаўскае пасольства.

Паводле гэтых падзей, мастак Адэльгаўзер зрабіў ілюстрацыю. У 1568 годзе была выдадзена гравюра, якую зрабіў нюрнбергскі гравер Маціас Цюнт.

Цікава, што ў 2008 годзе гравюру выставілі на аўкцыён у Варшаве. На таргі паехаў дырэктар гродзенскага гісторыка-археалагічнага музея Юрый Кітурка. Пачатковая цана за гравюру была 40 тыс. злотых. Падчас таргоў цана вырасла да 95 тыс. злотых. У беларускіх улад не хапіла грошай, каб выкупіць лот, бо быў грашовы ліміт. Таму гравюра дасюль застаецца ў Польшчы. Адкрыць / каментаваць

2022-07-22 11:27:01 Крылатыя гусары - апошнія рыцары Еўропы

У канцы XVI стагоддзя эпоха закаваных у цяжкія даспехі конных рыцараў не тое што падыходзіла да канца - яна ўжо незваротна скончылася. Здавалася, нішто ўжо не зможа перашкодзіць рашучаму поступу доўгай пяхотнай алебарды і агнястрэльнай зброі. Аднак менавіта тады на землях Рэчы Паспалітай сфармаваўся род войскаў, які можна смела называць апошнімі рыцарамі Еўропы.

У першай слаўнай перамозе крылатых гусараў пад Кірхгольмам паставіў пераможную кропку удар роты шляхіца Тэадора Ляцкага – уладальніка Жалудка на Гродзеншчыне.
Коні, узбраенне і даспехі гусара і ўзбраенне пахолкаў, слугі і прыпасы каштавалі як суперсучасны самалёт-знішчальнік.
У Вялікім княстве крылы доўгі час мацаваліся да сядла, а вось у Польшчы іх мацавалі да спіны гусара.

ЧЫТАЦЬ БОЛЬШ ПРА КРЫЛАТЫХ ГУСАРАЎ

Калі вам падабаюцца нашыя артыкулы і агулам тое, што робіць наш канал, калі ласка, падтрымайце нас, набыўшы нам кубачак кавы. Рэдактары загадзя кажуць вам дзякуй!

Падпісацца на канал Hrodna 11:27 Адкрыць / каментаваць