2023-05-05 14:55:57
Легалізацыя ў Літве без дзейнага беларускага пашпарту, атрыманне літоўскіх нацыянальных віз, працягненне тэрмінаў ВНЖ для беларусаў
4 траўня адбылося першае пасяджэнне Рабочай групы па пытаннях міграцыі і грамадскай бяспекі, рашэнне аб стварэнні якой было дасягнута падчас нядаўняй сустрэчы
Святланы Ціханоўскай з міністрам унутраных спраў Літоўскай Рэспублікі
Агнэ Білатайтэ.
З беларускага боку ў склад Рабочай групы ўвайшлі прадстаўнікі Аб’яднанага Пераходнага Кабінета Беларусі
Валер Кавалеўскі і
Аляксандр Азараў, Офіса Святланы Ціханоўскай, ByPol, BySOL і Беларускага дома правоў чалавека, з літоўскага – прадстаўнікі МУС, МЗС і Дэпартамента міграцыі пры МУС Літоўскай Рэспублікі.
У ходзе сустрэчы былі абмеркаваныя актуальныя пытанні, звязаныя з пражываннем беларусаў у Літве. У іх лік уваходзяць складанасці з легалізацыяй у Літве беларусаў з несапраўднымі ці згубленымі пашпартамі, а таксама праблемы з дакументаваннем дзяцей, якія нарадзіліся за межамі Беларусі, і не маюць беларускіх пашпартаў.
Прадстаўнікі праваабарончай супольнасці Беларусі абазначылі праблемы з атрыманнем літоўскіх нацыянальных віз і працягненнем тэрмінаў дзеяння відаў на жыхарства па гуманітарных падставах.
Бакі абмеркавалі варыянты рашэнняў узнятых праблем і дамовіліся аб наступных кроках па іх рэалізацыі. Дасягнута дамоўленасць аб пастаянным узаемадзеянні і абмене інфармацыі па бягучым парадку дня і аб рэгулярнасці наступных сустрэч Рабочай групы.
@CabinetBelarus
14.4K views11:55