*
Мен сени аяйман. Бир куни кетсем,
Ким саған қосықлар айтып береди?
Мехриңди тәңримниң сауғасы билип,
Және ким мениңдей жақсы көреди?...
*Кешқурын жумыстан келсең асығып,
Есикти қағарсаң. Соң мен болмасам.
Киргиң келедиме? ...сабрым таусылып,
Мойныңнан қушақлап кутип алмасам...
Столда қағазлар кетсе уйилип,
Қорқаман жалғызлық қәлбиңди тилсе..
Кимди шақырасаң "периштем" дейип
Газет оқығанда шай ишкиң келсе.
Менсиз кийимиңди ким қояр тақлап,
Қалай өткизесең бир сууық тунди,
Қәйтемен ысытмалап қалсаң аязлап,
Билемен, жемейсең дәрилериңди.
Таңда терезедан қарап қууанып,
Ким ойынға тусер жауғанында қар?
Жыласа, кул десең дәрхал жубанып,
Бармекен ышқыңа арзыйтуғын яр?
***
Кимге бағышлайман сонша мехримди,
Кимге жасырынша тойып қарайман?
Сууретиң мөрленген бул журегимди,
Енди, басқасына қалай арнайман?
...өзимди аяйман.. егерде кетсем..
Автор Сарбиназ Айтмуратова
Декабрь.2020ж
@sen_haqqinda
@ADEBIYAT_QR
