Әўелембар Ассалаўма Әлейкум. Бул пост абитуриент үкелерим ҳәм | Қарақалпақ Әдебияты

Әўелембар Ассалаўма Әлейкум.
Бул пост абитуриент үкелерим ҳәм қарындасларыма!

Бүгиннен жоқары оқыў орынларына ҳүжжет тапсырыў басланды. Өзиңизге сораў бериң: "Келешегиңизди растан да өзиңиз арзыў еткен кәсип бенен бирлестире аласызба?" Тек ғана "Оқыўға кирсем болды" деген түсиникти мыйыңыздан шығарып таслаң, егер ондай ислемесеңиз кейинги 4 жыл өтиўи жүдә қыйын болыўы ҳаққында ойлаң. Егер сизде сайлаған бағдарыңыз ҳәм соған жараса базалық билимлер болса жақсы. Бирақ соны умытпаң, ЖОО бул ҳәммеси дегени емес. Сиз кирежақ болған Университет яки Институт сиздиң талапларыңызға мас келиўин, растан да сол жерде 4 жыл өзиңизге керекли билимлер алыўыңызды анықлап алың. Билим бериў дәрежеси барлама дәптер ҳәм формадан пәс болған ЖОО ны таңламаң. Усы ўақытқа шекем көп өтириклер айтылған, "диплом+таныс" формуласы келешекте нөлге тең болыўына исенемен сиз де исениң! Өмир бойы физикалық мийнетте қалып кетпеў ушын және өзиңиз қәлемесеңиз де галстукта "буўылып кетпеў" ушын ҳәм қағазларға көмилип қалмаў ушын да заманагөй билимлерди ийелеўиңиз керек. Егер арзыўларыңыз бәлент болса сиз ушыўға ылайықсыз.

Хүрмет пенен канал басқарыўшысы Шамуратов Азамат.

@ADEBIYAT_QR