Jasaysań... Geyde janıńdaģın saģınıw kerek. Ayralıq japasın | Қарақалпақ Әдебияты

Jasaysań...

Geyde janıńdaģın saģınıw kerek.
Ayralıq japasın shekpewiń ushın
Bir - bir sezimge de baģınıw kerek,
Kún kelip "ókpesin" tókpewi ushın.

Qúdretli aqılıńa tabınsań da,
Sezimnen pútkilley keshe almaysań.
Kesh qalsań, mıń jılap, jalınsań da
Suwıģan túyindi sheshe almaysań.

Kewiller - Allanıń ıqtıyarında,
Aqır, óz kewlińnen beze almaysań.
Janıńnan ketse de jasar yadıńda,
Endi "aqıl"ıńnan tóze almaysañ.

Ayt, qáne, qansha "ózińdi aldaysań"?
Ishqıńdı arnaysań jansız álemge...
Ańlaysań, biraq kesh bolar, ańlaysań
Biygúna sezimdi salıp qálemge,
Ózińshe jaqsı kórinip álemge...

...jasaysań muhabbat joq dep álemde


Avtor Gózzal Jumamuratova
14.05.2022

@G_Xalmuratovna_1024
@ADEBIYAT_QR