***
Қой, күтпеслер күтпей-ақ қойсын,
Билмесин көзлери төрт болыў бахтын.
Инкәрлық иркилип тура ғойсын,
биймазмун өткерсин өмир-ўақтын.
Қой, келмеслер келмей-ақ қойсын,
Күтип тек те көңлиң қартаяр.
Таққаның менен оған талай сын,
Жудырығына жеткизбей қояр.
Қой, сағынбаслар сағынбай қойсын,
Сөтилмесе болар жүрек тигиси.
Сағынбаслық дәрти қәлбин ойсын,
Сағынбаслығы да - оның кемиси.
Қой, билмеслер билмий-ақ қойсын...
Автор Атағулла Сатбаев
@atagulla_satbaev
@ADEBIYAT_QR
