Журналіст ВВС запытаў Лукашэнку пра палітзняволеных. А той адказаў, што ў Беларусі няма палітзняволеных.
Рэдактар ВВС
Сціў Розэнберг, які ўжо браў вельмі вострае інтвэрвью ў Лукашэнкі ў 2021–м і пытаўся пра пратэсты і рэпрэсіі, зноў спрачаўся з ім – ужо на ягонай прэс-канферэнцыі. Журналіст паставіў пытанне наконт Марыі Калеснікавай.
– На працягу некалькіх месяцаў яе сваякам і адвакатам адмаўлялі ў доступе да яе ў турме. Чаму? – Мне нічога пра гэта не вядома, – сцвярджае Лукашэнка.
– Апошні раз, калі я браў у вас інтэрв'ю восенню 2021 года, у Беларусі было 873 палітвязні. Цяпер іх 1500.
– У нашым крымінальным кодэксе няма артыкула за палітычныя злачынствы. – Адсутнасць артыкула аб палітычных злачынствах не азначае адсутнасці палітвязняў.
– Зняволеныя не могуць быць палітвязнямі, калі няма артыкула. Як яны могуць быць? – упарціўся Лукашэнка.
А пра Віктара Бабарыку ён сказаў, што той
“ці то шые, ці ў кацельнай топіць”.
