Get Mystery Box with random crypto!

Дзікая прырода побач

Лагатып тэлеграм-канала wildlifebelarus — Дзікая прырода побач
Тэмы з канала:
Globalbirdweekend
Птушкагода
Птушыныяцікавосткі
Галасыптушак
Людзіпрыроды
All tags
Лагатып тэлеграм-канала wildlifebelarus — Дзікая прырода побач
Тэмы з канала:
Globalbirdweekend
Птушкагода
Птушыныяцікавосткі
Галасыптушак
Людзіпрыроды
All tags
Адрас канала: @wildlifebelarus
Катэгорыі: Жывёлы
мова: беларускі
Падпісчыкі: 2.70K
Апісанне з канала

З любоўю да дзікай прыроды Беларусі. 💚
🐦 Назіранне за птушкамі
🦊 Цікавосткі пра дзікую прыроду
🌱 Прыродаахоўныя навіны
🙌🏻 Карысныя парады
Чытай, натхняйся, адкрывай новае разам з намі!

Ratings & Reviews

2.67

3 reviews

Reviews can be left only by registered users. All reviews are moderated by admins.

5 stars

0

4 stars

0

3 stars

2

2 stars

1

1 stars

0


Апошнія паведамленні

2022-09-02 12:08:33
Конкурс! У Еўропе шукаюць самае вялікае і самае цяжкае гняздо белага бусла! Арганізатары чакаюць інфармацыю і ад цябе!

Усе буслы штогод надбудоўваюць гняздо. Шматузроўневыя буслянкі вельмі цяжкія: трохгадовае гняздо можа важыць больш за 200 кілаграмаў, а вельмі старое – больш за 800 кг!

Можа, ты бачыў_ла вялікае гняздо бусла і маеш фотаздымкі? Бяры ўдзел у конкурсе!
Падрабязнасці па спасылцы: https://birdwatch.by/news/16990.
293 views09:08
Адкрыць / каментаваць
2022-09-01 18:46:43
Ты напэўна таксама прывык_ла да таго, што шпакоўні і сінічнікі робяць і развешваюць увесну? Гэта нават стала адмысловай прыкметай пары года. Аднак дамкі для птушак варта вешаць увосень, тады вясной іх лепш займаюць птушкі.

Птушкі – істоты асцярожныя. Яны шукаюць для сваіх гнёздаў надзейныя і зацішныя месцы, і толькі што павешаны новы дамок часта выклікае ў іх падазрэнне: хто ведае, раптам заўтра яго здымуць ці ён стане пасткай? Менавіта таму, да вялікага засмучэння дачнікаў, некаторыя новыя шпакоўні і сінічнікі ў першы год пустуюць. Затое сярод птушыных дамкоў, асабліва сінічнікаў, якія павесілі яшчэ ўвосень, назіраецца амаль стоадсоткавая занятасць.

А яшчэ ў халодныя зімовыя ночы дробныя звяркі могуць выкарыстоўваць дамок для спячкі, а птушкі – для начлегу.

Зрабіць дамок для птушак не складана, глядзі схемы ў каментарах.

Дзякуй за фота Іне Шкурко.
726 views15:46
Адкрыць / каментаваць
2022-08-31 19:26:25 Маладыя буслы выкарыстоўваюць актыўны палёт (махаюць крыламі) амаль у чвэрць разоў часцей, чым дарослыя. Гэта павялічвае выдаткі энергіі на 14%. Яны не кампенсуюць яе карацейшым палётам, даўжэйшым адпачынкам або больш інтэнсіўным кармленнем падчас прыпынку. Акрамя таго, яны менш часу надаюць догляду за апярэннем – апаратам, неабходным для палётаў.

Матывацыя, каб паспяваць за вопытнымі птушкамі, мацнейшая за ўсё астатняе. Калі маладыя не паспяваюць, то адстаюць і далучаюцца да іншай чарады, што адбываецца ўжо ў першыя дні міграцыі. Таму яны не перамяшчаюцца сямейнымі групамі, як прынята лічыць.

Тым болей з улікам абмежаванняў яны часта вылятаюць раней, чым большая частка дарослых, стартуючы з першымі чародамі. Падчас пералёту яны адстаюць ад чародаў па некалькі разоў, кожны раз трапляючы ў новыя. Лятуць, спрабуючы не адставаць ад іх. У выніку выжываюць тыя, хто найлепш дапасаваўся. Такім чынам вылучаюцца наймацнейшыя з наймацнейшых авіятараў.

Ужо на першых хвілінах палёту можна прадказаць, як далёка заляціць малады бусел. Той, хто часцей выкарыстоўвае актыўны палёт падчас міграцыі, будзе зімаваць бліжэй – часта не вылеціць нават з Еўропы. Толькі найлепшыя авіятары далятаюць да Афрыкі.

Але адлёт буслоў – гэта для нас двайная нагода для смутку. Па-першае, бо болей не пабачым іх на палях і лугах аж да наступнай вясны. А па-другое, бо многіх з іх, асабліва сёлетні маладняк, чакае смерць.

Каля 75% маладых буслоў гіне ў першы год жыцця падчас міграцыі. Большасць загіне ў выніку паражэння электрычным токам. Астатнія скончаць сваё жыццё ў выніку знясілення, драпежніцтва, сутыкненняў з транспартам або будуць забітыя падчас палёту праз Сірыю або Ліван.

Тэкст: Adam Zbyryt, https://www.facebook.com/profile.php?id=100009117957474.
Пераклад: Алеся Птушка.
Фота: Віктар Рындзевіч, Волма.
597 views16:26
Адкрыць / каментаваць
2022-08-31 19:24:45
Як мігруюць белыя буслы?

Зручныя ўмовы для палёту буслоў – гэта ўзыходныя патокі нагрэтага зямлёй паветра – тэрмікі. Буслы ў часе палёту лунаюць. Калі б яны мусілі пастаянна махаць крыламі, то памерлі б ад знясілення яшчэ да таго, як пакінулі б месца гнездавання.

У кожнай буслінай чарадзе ёсць лідары, якія вырашаюць, калі група адправіцца ў падарожжа, і ёй кіруюць. Яны – найлепшыя авіятары. Як іх пазнаць? У тэрмічных патоках яны рухаюцца па больш нестандартных маршрутах, шукаючы найлепшыя умовы для пад’ёму, як быццам вывучаюць іх метадам спроб і памылак. Таму яны мусяць часта карэктаваць свой палёт. Астатнія буслы назіраюць за іх палётам і падымаюцца па больш стандартных траекторыях.
607 views16:24
Адкрыць / каментаваць
2022-08-30 20:02:13
Любоў да дзікай прыроды і прага да адкрыццяў робяць жыццё насычаным і цікавым. У гэтым можна пераканацца на прыкладзе птушкаркі Іны Субоцінай.

Яна жыве ў Мінску, але падарожнічае па ўсёй Беларусі, зазіраючы ў самыя дзікія куткі. У такіх выправах здараюцца нечаканыя сустрэчы з людзьмі і жывёламі – часам забаўныя, а часам экстрэмальныя.

Натхняйся назіраннямі за птушкамі і дзікай прыродай у нашым новым інтэрв'ю https://ptushki.org/news/718867.html
#ЛюдзіПрыроды
635 views17:02
Адкрыць / каментаваць
2022-08-30 15:26:29
Ужо ў гэтую суботу, 3 верасня, адбудзецца сапраўдная гонка за птушкамі! Цягам 12 гадзін каманды будуць шукаць іх па ўсёй краіне, каб убачыць як мага больш відаў.

Паспей далучыцца і ты – заяўкі прымаюцца да 18:00 пятніцы 2 верасня! Будзе цікава!
Правілы чэмпіянату, парадак рэгістрацыі і іншыя падрабязнасці па спасылцы: https://ptushki.org/news/718213.html

Чэмпіянат сёлета праводзіць Біялагічны факультэт Беларускага дзяржаўнага ўніверсітэта.

На фота рудахвостка-чарнушка (горихвостка-чернушка) ў новым уборы. Дзякуем за фота Паўлу Сацуту.
770 views12:26
Адкрыць / каментаваць
2022-08-29 12:37:33
Лета прамчалася імклівым удодам!

Фота: Іна Субоціна. Калі ты таксама хочаш дзяліцца з намі сваімі птушынымі фота і відэа – далучайся да чату @ptushkafota.
965 views09:37
Адкрыць / каментаваць
2022-08-28 21:35:06
Усё часцей у небе і на палях можна пабачыць вялікія чароды птушак: хтосьці рыхтуецца да адлёту, хтосьці ўжо даляцеў, а нехта яшчэ кіруе ў вырай.

Як мігруюць нашы птушкі?

Раней за ўсіх адлятаюць дальнія мігранты, якія зімуюць у Паўднёвай Афрыцы. У пачатку ліпеня адлятаюць першыя зязюлі (кукушки). Буслы ўжо з канца ліпеня збіраюцца ў чароды і адлятаюць на зімоўку.

Але, напрыклад, кулік-случок (травник) зімуе даволі блізка, у Грэцыі і Ізраілі, але адлятае вельмі рана – у канцы траўня! Спачатку пакідаюць Беларусь дарослыя птушкі, а маладыя – недзе праз месяц. А вось у кнігаўкі (чибиса) і вялікага зуйка дарослыя птушкі адлятаюць разам з маладымі.

Пакінулі краіну амаль усе крычкі (крачки), зараз ляцяць пячураўкі (пеночки), лескі (славки), чаротаўкі (камышовки) і цвыркуны (сверчки). З уюрковых (вьюрковых) адляцеў чаромашнік (чечевица), гэты від ляціць на Усход, у Індыю. Туды мігруе вельмі мала нашых відаў. Асноўныя напрамкі – Афрыка, Паўднёвая і Заходняя Еўропа.

Фота: Oleg Alexevich, @ptushkafota.
1.0K views18:35
Адкрыць / каментаваць
2022-08-27 21:56:14
Штогод у свеце ад сутыкненняў з празрыстымі паверхнямі гінуць мільярды птушак. Толькі ў ЗША гэта мільярд на год, у Канадзе – 25 мільёнаў. У Еўропе маштаб праблемы пакуль не ацэнены, але, хутчэй за ўсё, сітуацыя тут будзе падобная.

Так, шкло надае будынкам лёгкасць, упісвае яго ў навакольнае асяроддзе, дазваляе эканоміць энергію за кошт пропуску натуральнага святла. Але адваротны бок медаля – тое, што ад шкляных паверхняў гіне мноства птушак.

Птушкі не бачаць празрыстых паверхняў і не ўспрымаюць іх як перашкоду. Наадварот, у шкле яны бачаць адлюстраванне звыклай для сябе прасторы, куды можна паляцець.

Як абараніць птушак ад небяспекі і яшчэ на этапе праектавання ўлічваць праблему сутыкнення з шыбамі, чытай у артыкуле https://ptushki.org/news/718575.html

Фота: capitalcurrent.ca.
1.1K views18:56
Адкрыць / каментаваць
2022-08-26 19:03:34
Напэўна, адзін з самых прыгожых нашых сокалаў!
Дарослы самец сокала-шулёнка адметны сваёй чорна-папялістай афарбоўкай з рыжымi "штанамi", падхвосцем, і чырвонымі "ботамі"!

Яшчэ ў першай палове ХХ ст. гэты від быў звычайным на поўдні Беларусі, дзе сустракаўся па палях з асобнымі групамі дрэваў, застэпаваных паплавах. У ХХI ст. на гнездаванні ў Беларусі не адзначаны.

Але ў канцы жніўня - сярэдзіне верасня на міграцыі іх можна сустрэць амаль у любым раёне Беларусі. Яны любяць сядзець на правадах уздоўж палёў, шукай іх там!

Цікава – у Анголе нядаўна знайшлі месца начлегу сотняў тысяч солакаў-шулёнкаў (2 фота, аўтар – Novák László)! Падрабязней https://falcoproject.eu/.

1 фота – наш архіў.
1.1K views16:03
Адкрыць / каментаваць