ПРЫГОДЫ НАТУРАЛІСТА 🦉

Першы фотаздымак палявога жаўрука ў гэтым годзе - done Яны ўжо паўсюль. На полі, каля лецішча больш за дваццаць жаўрукоў.

Не гледзячы на моцны вецер, на экасцежцы таксама можна пабачыць цікавыя віды птушак. Тры раскошныя качкі-шылахвосткі і каля трыццаці свіцьв нядоўга плавалі на Соі, пакуль птушак не спудзіла лодка з рыбакамі.

Канюк-мышалоў, шуляк-карагольчык і тры амялушкі былі прыемным дадаткам падчас сёняшняга шпацыру.

#прыгодынатураліста

Нечаканая сустрэча атрымалася ў мяне сёння. Вяртаючыся з абедзеннага перапынку ў офіс, я заўважыў ката, які спрабаваў зняць з дрэва нейкі шарсцяны камяк.

Падышоўшы бліжэй, я пабачыў, што гэта кажан. Ён туліўся у шчыліну кары дрэва на вышыні 10-15 см над зямлёй. Адразу было відаць, што ў кажана пашкоджана крыло.

Як высветлілася пазней, гэта быў кажан позні (Eptesicus serotinus) - сінантропны від, які часам зімуе ў Беларусі, асабліва на поўдні краіны.
Пасадзіўшы кажана ў каробку, прынёс яго ў офіс, чым выклікаў бурную рэакцыю калег.

Дзякуючы Міхаілу, кажан быў аператыўна дастаўлены ў Палескі аграрна-экалагічны інстытут НАН Беларусі.

#прыгодынатураліста

Не стамлюся паўтараць, што бёрдвочынг - вельмі непрадказальная справа. Надвор'е ў нядзелю было паскуднае, але шчодрая Маларытчына падаравала шэраг цікавых назіранняў.

Дзень пачаўся з назірання за шэрай кугакаўкай рудой морфы (я ўжо і не памятаю, калі астатні раз бачыў проста шэрую).

Тое што на паўднёвым захадзе актыўна ідзе міграцыя палявых жаўрукоў, кнігавак і жураўлёў - не для каго не сакрэт. Але, відаць, паўднёвы вецер у суботу прыгнаў яшчэ трошачкі мігрантаў. Пашчасціла назіраць дзве зграі досыць рэдкіх рагатых жаўрукоў. І ў ваколіцах возера Арэхаўскае нечакана (ў лютым у снегапад) дзве вакалізуючыя асобіны вялікага бугая! На прудах у в. Дамачава ў кампаніі вялікіх савукоў можна пабачыць самку савука-лутка.

А ў небе бесперапынна адна за адной цягнуцца гусіныя чароды. Раз пораз у лужынах на палях можна пабачыць гусіныя пары ці невялікія сем'і.

На полі каля в. Знаменка ўразіла колькасць драпежнікаў: канюкі, палявы лунь, пустальга і 5 лісіц.
Прыемным дадаткам былі клінтухі і юркі.

#прыгодынатураліста

Смарагдавыя вочы вялікага баклана - гэта асобны від мастацтва. Як і ў людзей (усяго 1,6% насельніцтва Зямлі), няшмат птушак можа пахваліцца раскошнымі зялёнымі вачыма.

Вялікі баклан
Phalacrocorax carbo
Большой баклан (рус.)

Берасце,
люты 2023

#птушкіБеларусі