Прычым варта заўважыць, што Лукашэнка ўсяляк падштурхоўвае АДК | КАРБАЛЕВІЧ

Прычым варта заўважыць, што Лукашэнка ўсяляк падштурхоўвае АДКБ і, магчыма, ШОС да антызаходняй пазыцыі. Маўляў, ва ўсім вінаваты Захад. А намесьнік дзяржаўнага сакратара Савету бясьпекі Ўладзімер Арчакоў у эфіры тэлеканалу АНТ увогуле заявіў: «Уся гэтая амэрыканская задума з Афганістанам — гэта шматгадовая, старанна сплянаваная акцыя. І накіравана яна не на падтрымку дзейнага там ураду ці яшчэ кагосьці, а нацэлена выключна на пагаршэньне канфліктнасьці і праблемнасьці гэтага рэгіёну».

Аднак наўрад ці такая лінія здабудзе падтрымку нават з боку саюзьнікаў. Бо афганскі крызіс — надта сур’ёзная праблема для краін Цэнтральнай Азіі, каб гуляць у нейкія кансьпіралягічныя гульні. Рэальная небясьпека хутчэй падштурхоўвае да міжнароднай каапэрацыі з усімі моцнымі цэнтрамі, каб нэўтралізаваць пагрозу.