Чацвёра палітвязняў атрымалі Медалі Ордэну Пагоні
Высокую ўзнагароду Беларускай Народнай Рэспублікі Медаль Ордэну Пагоні атрымалі 9 выбітных беларусаў, пяцёра з якіх пасмяротна — Вітольд Ашурак, Эдуард Лобаў, Мікіта Краўцоў, Раман Бандарэнка і Васіль Грудовік. Таксама сярод узнагароджаных чацвёра палітзняволеных: Паліна Шарэнда-Панасюк, Дар'я Чульцова, Уладзімір Гундар і Дзяніс Івашын. Толькі адна з іх, цяпер ужо былая палітзняволеная, Дар'я Чульцова атрымала ўзнагароду асабіста.
Уручаў Медалі сябра рады БНР Яўген Вапа.
Медаль Ордэну Пагоні выраблена ў Вялікабрытаніі. На дадзены момант сярод 37 узнагароджаных палітычныя вязні, байцы, якія загінулі ва Украіне, загінулыя беларускія пратэстоўцы.
