Рускія палітыкі і інтэлігенцыя лічылі, што найлепшым інструментам асіміляцыі беларусаў з'яўляецца руская мова, якую павінны былі распаўсюджваць у першую чаргу праз адукацыю.
Як пісаў расійскі дарэвалюцыйны прафесар П.Кавалеўскі “мова ў школе, у судзе, у дзяржаўных і справавых зносінах у Расійскай дзяржаве павінна быць безумоўна і непахісна расійскай. Гэтая мова пануючай дзяржаўнай нацыі і гэтую мову павінны ведаць усе падпарадкаваныя народы. Гэты пункт вельмі вялікай важнасці, і ўступак тут не павінна быць аніякіх”.
Ігар Случак, магістарская дысертацыя "Рэалізацыя дзяржаўнай моўнай палітыкі ў Рэспубліцы Беларусь"
